#اللعنة_الملكية_بقلم_كنانة_غميان
الحلقة التاسعة والأربعون
#الفصل_الثالث
جورية : أنا ما بعرف بالضبط يا سيدي الدبور ...بس رح أسألك عن كل شي بيخص هالموضوع ورح قللك ثق فيني
تمام ...وإكراميتك محفوظة عندي
شكرا كتير كتير ..بس عن أذنك لروح وشوف شغلي قبل ما تشوفني الملكة ميرام ( راحت جورية .....والدبور واقف بحيرة : يعني ميرام واللورد على علاقة بنهاية الأمر ...معقول كانو عم يتفقوا عليي!! ...ساعتها مارح أرحم حدا ......بس اللورد محيرني !! كيف رجعت لقيتو بلا رأس!! مين قتلو !!! مين إلو مصلحوة معو !!؟ أخ بس لو أعرف مين ذبحوا هيك ....كان المفروض أنا أقتلو وأشرب من دمو ..بس مدري مين سبقني عليه ..راسو مقطوع ومو مأكول بدليل القتل العمد !! بس مين ياربي مين !! وأنا منين بدي أعرف أنو كاميليا حبيبتو ....لا وإلو ولد كمان طب فينو التاني !!!.......أه يا دبور راح كل شي ياريتني ارجع بالزمن .....وينك يا لورا ....اشتقت لحضنك ....محروق قلبي كلما بتذكر راسك بالصندوق .....بس رح أنتقم .....بوعدك رح لاقي غريمي وأعرف الحقيقة كلها اللورد حدا دافشو ...الشغلة مو بس لأني قتلت كاميليا ...حاسس ميرام إلها يد بالموضوع ....بس مافي شي بيتخبى ...رح أعرف كل شي عن قريب ....
وبالغابة ....
كانت واقفة بحزم وشادة حالها بين أديها السهم والنبال ....وقدامها الهدف تركز بالعين الوحدة ....
سيزار (صرخ ): وهلأ اضربيها .....يلا شو عم تستني ....!!؟
غمضت عيونها ...وانرمى السهم بقوة كبيرة ....بس راح ع جنب الهدف !!؟ ...
سيزار : ما صبتي الهدف ....متل العادة .....!! شوفي روحتي الدنيا ....كللو أسهم ع اليمين وع اليسار ...وقال شو رح تلقطها ع الطاير ...كان رح يروح راسي ع الطتير المرة الماضية !! شكلك فهمانة غلط
كحيلة بعصبية : شو قصتك أنت ..مافيك اطول بالك...عم تلبكني بأوامرك ...!!
إذا بدك اتمي هيك ...ما رح نصل للمبارزة
ليش بدي بارز كمان!!
وشو حكينا من الأول ....بدك تكوني معي ...بدك تتعلمي كل شي ....بدك ولا لأ !!؟
هلأ بدي مو أنو ما بدي ...بس لخلص من قصة النبال والأسهم هي ...!!؟
قرب سيزار: حاج تنقي...
شو بدك تعمل
بدي ساعدك ( قرب مسك أيدها فوق النبال : رفعيه منيح .....وشدي أيديكي ....وكتافك .....وسحبي السهم لقدام ....وركزي منيح ع الهدف قدامك....وهلأ أطلقي السهم
كحيلة قلبها يدق من قرب سيزار لعندها...ومن لبكتها ....طار السهم وراح لبعيد قبل ما يقلها
لك ليش هيك ساويتي !!؟
أنت لبكتني ....بعد عني بعرف أشتغل لحالي
