#اللعنة_الملكية_بقلم_كنانة_غميان
#الفصل_الثالث
الحلقة الثالثة والأربعون
وبالقصر ...بينما الكل عم يشتغل ...واللورد بمكتبو ....وإذ بتجيه رسالة
الحارس : تفضل سيدي ...هي رسالة من الميتم الكنيسة ...قال بدهم يرمموه .....
اللورد : شو !!؟ ...بدهم يرمموه ....لك وعلى أي أساس
ما بعرف يا مولاي ...هي الرسالة تفضل ....عن أذنك
استنى ...رح ابعت معك هي الرسالة ....وهلأ بتوصلها بالحال
حاضر سيدي اللورد (كتب رسالة وعطاها للحارس ....والخارس فورا انطلق طالع من عندو )
طلع اللورد لعند الملكة دهي على عرشها : مولاتي....
أهلا باللورد ...خير ...شو في !!؟
بدي تعطيني لو سمحتي مصاري ...منشان ميتم الكنيسة بدو ترميم !!
لا ما رح أعطيك
ليش !!؟
من فترة أخدو مني مصاري ....
كيف !!؟
عن طريق أبو عاصم !!
آه ....يعني أبو عاصم صار أحسن مني ...وأنا مافي إلي ثقة هلأ
شبك يا لورد ...كأني شامة ريحة غيرة من أبو عاصم
يعني الثقة العمياء لأبو عاصم ...وأنا صفيت برا بعد كل ولائي إلك ....نسيتي يا مولاتي إني أنا اللي عرفتك ع الدبور وكل شي بيخص فيه ....بس هلأ ليكو أحى من البرية واستلم الأولية
أنت لشو بدك تصل ....بيكفي أبو عاصم عم بعرف كل شي عنو .....
كل شي !! معقولة ما عم يخبي عنك مثلا
هو أنا شاكة ....بس لهلأ ماعليه غبار ابدا
طيب وأنا إيمتى بدي ارتقي ....مو حاجتي صرلي عشر سنين بنفس المنصب
مممم بفكر .....وروح لعند صاحب الخزنة ليعطيك شوية ذهب ....
ليش !!؟
حخليك تروح ع ميتم الكنيسة ...بس بشرط تشوف كل شي بعينك وبعدين بتقرر إذا فعلا بدو مصاري وترميم ولا لأ ....رح خليها مسؤوليتك ....
شكرا يا مولاتي حكون عند حسن ظنك .....عن أذنك
وفعلا ...راح اللورد مجهز عرباية وأخد المصاري ....وبوجهه ع الميتم ....والكاهن من ع الباب استقبلوا أحسن استقبال
الكاهن : أهلا أهلا بسيدي اللورد ....أول ما وصلتنا رسالتك ضغري قمنا لنقوم بالواجب ....
اللورد: شكرا ......وهلأ بدي تفرجيني الغرف ....
ليش !!؟
حتى أتأكد أن مصاري المملكة بالمكان المناسب ....
