#اللعنة_الملكية_بقلم_كنانة_غميان
الحلقة الواحدة و السبعون
#الفصل_الثالث
كحيلة وصلت لعند جواد
كحيلة: شو ...لوين بدنا نروح !!!
جواد: روحي لعند سيزار بالغابة !!
شو !!! هيك بهل البساطة !؟؟
أي روحي واهربي ...مو أنتي بدك تهربي ....
امبلى ...بس شو بدو يصير بجورية
جورية أنا بدبرها روحي هلأ ...
لك كيف بدك تدبرها !!! بتروح فيها بسببي حرام ....ممكن تنشنق ...أو تتعذب ...
جواد داق خلقو : لك أنتي بدك العنب ولا بدك تقاتلي الناطور ....مو بدك تهربي ...روحي اهربي خلصيني ....وحاج تنقي يلا بسرعة ....( صار يدفشها حتى تروح ) يلا روحي ...هي فرصة ما بتتعوض
راحت كحيلة ماشية غصبا عنها...ومشيت للغابة بس بقلبها غصة ( شلون هيك بدو ياني روح !!! طب شو بدو يصير بجورية لو مارجعت .....هفففف شو هالهم ...صح بدي أهرب من القصر مو على حساب تعاسة غيري !!!ياربي من هالقصة )
مشيت كحيلة بسرعة طالعة من المدينة فايتة للغابة .....ومن هنيك عند البحيرة شافت سيزار قاعد حيران و وجهه ما بيتفسر ....
كحيلة : سيزار .....!!!
سيزار اندار على صوتها!!؟ : حوراء ...أنتي أجيتي !!!
أي أجيت...بس
ركض لعندها ماسك أيدها ومبسوط كتير : .ماعم صدق أنك هون.....كيف هيك أجيتي
هربت !! ....
هربتي !!! كيف !!؟
هربني جواد ونحنا بالسوق ...
بس أنا وياه مو هيك اتفقنا يهربك !!؟ ياربي ليش هيك عمل !!؟
ليش شو المشكلة !!!
سيزار حط ايدو ع تمو وهمس ( شششش سمعانة في حركشة رجلين تعي ...تعي بسرعة )
سلحب هو وياها برجليهم لعند الشجر العالي ....ورفعو راسهم شوي ليشوفوا مين اللي أجى !!!
سيزار بدهشة : العمى ...هاد برهان ....
كحيلة : وشو جابو لهون
سيزار معصب : شكلو كان لاحقك لهون ...ياربي ...شو هالقصة ...كللو منك يا جواد ...شو بيخسر لو سمع كلامي ....
كحيلة: حرام لا تتهم جواد أنا كنت عم نق عليه بدي أطلع من القصر .....أبو عاصم مفكرني بنت اسمها لورا ....وحسيت قلبي رح يوقف يوميتها
سيزار : أنتي شو عم تقولي !!! لورا ...عنجد
اي عنجد !!! عدا عن هاد برهان ماعم يحلل عني ..شوفة عينك كيف لسعتو عم يحوص بدو ياني .....هاد إذا ما بدو يقتلني كمان ....بس لأني هربت منو بيوم من الأيام !!!
