#اللعنة_الملكية_بقلم_كنانة_غميان
الحلقة السبعون
#الفصل_الثالث
طلع سيزار من الكهف وراح يمشي للمقهى ...وبطريقو في سوق المدينة ...عيونو تتفرج ع الغراض واللوازم اللي موجودة فيه ...ورح يصل للمقهى. بس من بين هالناس ...وهالعجقة لمح طرف شخص من بعيد !!! متخبي تحت الغطا الأسود ...عيونوا خايفة ...يدور يمين ويسار ....حسو كأنو مالو عرفان وين بدو يروح .....قرب سيزار ناحو بشوي ...حتى بينت ملامحو بوجهه تمام قدامو ...فرجعت ذاكرتو لهداك اليوم( يوم الخطيفة) ...وقلبو دق دربكات خاصة لما يتذكر الجمل الماضية والحكي اللي دار بيناتهم ...فقرب ليعرف بزيادة عنو ......ولحقو ...حتى شافو دخل لفندق ....ومن الشباك ....عرف أنو مامعو مصاري كتير !! فطلع الرجل من الفندق .....واستلمو سيزتر
سيزار : مرحبا يا عم !!!
العم تلبك عم يحاول يخفي وجهه: أهلا ..أهلا يا ابني .....
شفتك كأنك بدك غرفة للأجار بالفندق ...بس يبدو أنك ما توفقت !!!
اي والله بدي غرفة ....بس هون ماعم يقبلو المصاري اللي معي .....
ليش!!
لأنها من غير مكان
حضرتك مو من هون !!!
لا أنا من مكان بعيد ....بس أجيت بعد غياب طويل .....وبدي مكان ارتاح فيه ....كحح كحح
أنا فيني ساعدك وين ما بتحب ......بس كأنك مريض !!!
يمكن ...لأني كنت بمخزن بقلب سفينة وأنا جاية
يعني جاية تهريب لهون
كححح كححح اي ...هيك شي ...كحح كححح...
طالما أنت غريب ببلادنا تعال أعزمك على فطور
بس يا ابني ....
أنا مصر يا عم ....تعال ..مبين عليك تعبان وجوعان متلي
هههههه رح أقبل ...بس لازم ردلك ياها بس تجي لعنا ع المملكة
أكيد بتشرف ....تفضل معي ...
مشي العم مع سيزار ...ودخلو للمقهى ....وطلبو أكل ...
سيزار : أنت هون بشغل يا عم ...ماتقول عم بتداخل ...بس حابب ساعدك !!
بصراحة يا ابني ....أنا جاية هريبة لهل المدينة ...وإلي أمانة عم دور عليها ...
هريبة ...ليش !!
لأنو ....كح كحححح .....
قول يا عم ...قول ...صدقني سرك ببير غميق ...وما رح تندم لأنك خبرتني
تفاجأ العم دقر: ليش شايفني مخبي شي !!
أي حاسس أنك جتية لهون ومابدك حدا يدرى فيك ....خاصة الحراس والذي منو ....
