#اللعنة_الملكية_بقلم_كنانة_غميان
الحلقة السابعة و الستون
#الفصل_الثالث
أم قريط : تحركو جيبولي الفطور لهون !!! يلا أنا جوعانة ....
الراهبة : هاد وقت العصر يا أم قريط....وحطينالك الأكل فوق ال ٤ مرات ...شبكي!!!
أم قريط : كذابين ....أنتو بدكم ياني موت من الجوع ....بسرعة جيبيلي الفطور ....تحركي وليه
طلعت الراهبة من غرفة أم قريط وسكرت عليها الباب وراحت لعند الممرضة بغرفتها
الممرضة : شو في !!!
الراهبة : أم قريط رجعت طلبت فطور ....شو صايرلها ماعم أفهم !!!صرلها أسبوع على هالحالة ....بتحسيها عم تضيع كمان وتخرف بحكيها وتخبص ....
الممرضة بحزن : صح ....هاد مرض الكبر ....صارت كبيرة بالعمر وعم تخرف ...واللي زاد الطين بللة إنها تزحلطت و وقعتها ع الأرض وانكسرت رجلها وماعاد تقدر توقف عليها أبدا ....ومن وقتها وأمورها لورا ....
وإذ بيندق الباب عليهم
الممرضة : روحي افتحي الباب يا راهبة
راحت فتحت الباب ....ورجعت متل المجنونة لعند الممرضة : تعالي شوفة هالشوفة بسرعة !!!
فتحت الممرضة الباب ...وقدامها شب حاطت على كتفو شب تاني
الممرضة : خير !!! بشو بقدر أخدمكم !!!
جواد : لو سمحتي ...رفيقي مريض كتير وبدو عناية ....وأنا ماعرفت لوين بدي آخدو ..قلت يمكن بلاقي عندكم العلاج ...بترجاكي تساعديني
الممرضة : تفضل تفضل من هون
دخل جواد لغرفة التمريض حامل سيزار ...وحطو ع السرير
الراهبة : معقول بدك تستقبلي غرباء بالميتم !!!
الممرضة : ما شفتي كيف حالو بالويل !!! بعدين شو اسمي ممرضة إذا تخليت عن ضميري بمهنتي ...بعدين لا تداخلي ....روحي وشوفي أم خراب وحاولي تسكتيها ...بينما خلي بقية الراهبات يروحو ويشوفوا شغلهم مع الأولاد ...يلا
الراهبة : حاضر .....متل ما بدك
فاتت الممرضة لعند جواد ...ومسكت أيد سيزار ...تشوف نبضو ....وحرارتو عالية كتير
سيزار : كححح كحححح
جواد : طمنيني لو سمحتي بالي مشغول عليه كتير !!!
الممرضة عاصة على عيونها : شكلو آخد برد ماكن ...أو معو تسمم من شي ....
جواد : شو يعني ....
الممرضة ركضت لورا منها واطلع أدوية وأعشاب ...وتدق شي ببعضوا البعض .....وبالمي السخنة .....
الممرضة : ساعدني أرفعو معي حتى يشرب الدوا
رفع جواد سيزار ...وبالزور شربتو الدوا ....وطلعت مي وقماشة وحطتللو على راسو ....
