عشقت صوتك 🔥 ( روايات ليبية )

حلقة 3🔥

عشقت صوتك3
وسيم دمعتك غالية ماتبكيش ع وحدة رخيصة
بابا بعد غدوة بنمشي لطرابلس وليلى بنرفعها معاي
امي والجامعة
بابا ناخدلها إدن لان عمها  يبي يشوفها
امي تمام
انا بفرحة تصلت بوسيم عندي ليك بشارة
وسيم قولي
انا بعد غدوة بنجي لطرابلس
وسيم احلا خبر هدا
وجاء يوم السفر والطريق كله نتراسل مع وسيم
وصلنا قريب العصر
ورحب بيا عمي ومراته احسن ترحيب وعمي هدا ماعنداش صغار شديناها هدرزة وضحك وتعشينا وخشيت بنرقد
وسيم حبي انتي قريبة هلبة عليا
انا امتى بنشوفك
وسيم تعالي غدوة للمحل
انا شن بنقوللهم
وسيم عادي قولليلهم بنشري اي شي
والصبح نضت وفطرنا وعمي اقترح يدهور بيا
انا عمي بنمشي لمحل الملابس صاحبتي ديما تشري منه ف الملابس
عمي حاضر يابالونة
وتصلت بوسيم وعطاني النعتة ومشينا
انا قلبي قعد يدق ومتوترة وأخيرآ بنشوفه
انا خشيت لقيت فيه واحد افريقي يبيع
انا نصدمت وصلتني رسالة فيها حبي صار معايا ظرف طريت نمشي انا زعلت هلبة وماشريت شي روحت وتنكدت
وفات اليوم كله وفتحت النت شوي ورقدت
عبدو شن صار فيك وسيم البنت هدي عكس ماحكيتلي عليها عبدو شن تقصد يعني واضح عليها مش متع رصيد وصور والجو هداك
عبدو شكلك بديت تحبها
وسيم لا
عبدو انا قعدت معاها6شهور باش كتشفتها ع حقيقتها
اليوم التاني مشيت عند صاحبتي وكلمني وسيم يبي يشوفني
انا تمام
وسيم تعالي بروحك
انا مانخبرش البلاد
وسيم خلي صاحبتك تجيبك للجردينة
انا اوكي
وحكيت لمودة قصتي وفرحتلي هلبة ووافقت تساعدني
وصلت للجردينة ومودة مشت بتاخد دوة باش تخليني ع راحتي
وسيم وينك
حبي اسف مانقدرش نجي بوي قالي تعالا توا
انا صكرت ف وجهه
وفجأة وقفت سيارة ونزلو منها ثلاتة نفار وحطوني في السيارة وكان معاهم سلاح والناس تتفرج ورفوعني لمكان خالي وربطوني ع الكرسي
انا نعيط لين سمعت صوت نعرفه مزبوط وهنا كانت الصدمة طلع عبدو
عبدو أهلين ياحلوة صار قلتي انك تحبي مش عبدو الى تعامليه هكي ياحلوة
انااطلقني والي تبيه نديره
عبدو الى نبيه توا نديره بروحي
مودة تتصل وتلفوني طاح مني رد عليها شخص البنت راهو نخطفت
مودة حي شن بنقول لناسها
وخبرت بابا وعمي ومشو للشرطة
كان مع عبدو شخص طويل وعريض وعيونه زرق وعنده عضلات ولحيته خفيفة ماسمعتش صوته بكل كان لابس ع الاكحل
عبدو جاها تلفون وقال للمجهول اقعد معاها لين نرجع  وطلع عبدو وانا قاعدة نبكي وخلاص وهوا يشوفلي
يتبع