عشقت صوتك 🔥 ( روايات ليبية )

حلقة 10🔥

عشقت صوتك 10
المصري تفضلي عايزة مين
انا هدا منزل الفلاني الفلاني
المصري لا مش هوا
انا ركبت ف السيارة
مودة شن صار
انا طلعلي مصري عطيته اسم عيلة تانية
مودة والحل
انا مانعرفش وروحنا
مودة كلمت مندر وحكتله
مندر نكلم وسيم ونخبره
مودة لاردبالك مش حايوافق يشوفها
مندر عندي خطة
مودة قول
مندر وسيم ماعنداش خوات بنات كلهم شباب وامه دور ع خدامة لأن الأولى الاولة روحت
مودة ليلى بتولى خدامة
مندر هدا الحل كان بتشوفه
مودة توا نقوللها
مندر وردي عليا باش نرفعها لأنهم يوثقو فيا
مودة حكتلي وانا وافقت بدون تفكير
والصبح مشينا
رن الجرس وفتحلنا خو وسيم كمال مواليد 2000ودخلنا كانت فيلا مشاء الله شي خيال
ام وسيم اهلين مندر
مندر اهلين خالتي سميرة
ام وسيم مني هدي
مندر جبتلك خدامة وثقة من طرف صاحب بوي
ام وسيم بس انا موصية ع وحدة من مكتب الخدم
مندر انتي جربيها مابين وصلت الخدامة الجديدة
ام وسيم تمام بس خيرها مدايرة كمامات
مندر عندها الربو ماتتحملش ف الغبرة
ام وسيم شن اسمك
انا اسمي عائشة
ام وسيم مرتبك ف الوقت الحالي400وكان عجبتني خدمتك نزيدك
انا تمام ورفعتني ورتني الفيلا وانا نبي نشوف وسيم بنموت بس ماريته
ام وسيم انتي بترقدي ف القبو لوطة
انا تمام موافقة وبديت ف الشغل وجاء وقت الغداء
ام وسيم عائشة
انا نسيت ان اسمي الجديد مارديت طول بعدها مشيت نجري
انا نعم
ام وسيم ارفعي الغداء هدا لدار المصكرة الى فوق عرفتيها
انا تمام ورفعت الغداء خبطت الباب وخشيت كان وسيم مقعمز ع السرير ويقرا ف القرأن
انا السلام عليكم
وسيم صدق الله العظيم انتي مني
انا الشغالة الجديدة
وسيم ارفعي الغداء مانبيش
انا حولت الكمامة حتى كان انا الى جبتهولك
وسيم شبح فيا انتي شن ديري هنا
انا من اليوم مش حانفارقك
وسيم انا راجل متزوج
انا مراتك حطاتك تزور عند اهلك بطل كدب انا اسمي عائشة مش تخرب عليا وتوا كول وانت ساكت
وسيم روحي خير مانفضحك
انا هربت من حوشنا ومعاش عندي وين نسكن ولو انت ترضى اني نعيش ف الشارع افضحني
ام وسيم عائشة وينك وخشت علينا شن قاعدة ديري
وسيم انا كنت نسأل فيها
ام وسيم أكيدا ستغربت هدي الخدامة الجديدة بري تغدي واغسلي الماعين مازال وراك خدمة
انا حاضر وطلعت وكنت فرحانة بنطير
مودة الو وينك شن صار فيك
انا تمام شفته وكل شي تحت السيطرة
مودة ردبالك ع روحك
انا تم حبي
غسلت الماعين وفات النهار ف الضمان يتبع