عشقت صوتك 🔥 ( روايات ليبية )

حلقة 12🔥

عشقت صوتك الجزء التاني 12
وسيم السلام عليكم وواضح عليه إنه مصدوم
أنا مفجأة صح
وسيم خيرك ماقلتي جاية
أنا تعرف جاية بنفجأك بالزيارة لكن أنا تفجاءت لما سمعت إنك حاتولي أب وشفتله وانا مبتسمة مبروك وسيم
وسيم ماعرفش شن نوع الإبتسامة الى ع وجهي حقيقة مزيفة من قلبي ولا نكابر باش مانضعف قدامهم كيف حال عمك
ام وسيم خيره عمها
انا جاته جلطه حشاك
ام وسيم الحمد لله ع سلامته
مودة ليلى هيا
أنا هيا وسلمت عليهم وطلعت
وقفت جنب السيارة
مودة خيرك
أنا سمعتي شن قالت قالت إنها حامل وشفتي كيف بطنها بدت تبان وتعرفي هدا ولد من ولد وسيم وبديت نبكي
مودة حضنتني اسكتي خلاص شارع ويشبحو فينا الناس
أنا مش مصدقه إنه كدب عليا يامودة وسيم إستغلني قالي بيحدد العرس بعد أسبوعين لانه مستعجل ومش قادر يقعد بعيد عليا وهو بيزيد عليه ولد
وسيم طلع ورانا وشافني حاضنة مودة ونبكي ليلى
أنا ركبت ف السيارة وبدون مانرد عليه
مودة خليها ع راحتها توا البنت مجروحة
وسيم ردبالك عليها بالله عليك
مودة إن شاء الله ومشينا
ف الطريق
أنا ماما تتصل
مودة ردي عليها
أنا أهلين ماما
ماما تي وينك إنتي
أنا الطريق زحمة بنرجعو للحوش
ماما أحسن لأن المغرب قريب
روحت للحوش وخشيت للدار وقعدت نبكي مانعرفش ليش حظي هكي بس
ماما ليلى ليلى
أنا مانعرفش أمتى وكيف رقدت نعم
ماما خيرك راقدة هكي
أنا حسيت راسي يوجع فيا مانعرفش أمتى رقدت
ماما نوضي أرقدي كويس
أنا الساعة كم
ماما الساعة 10.30
أنا شن حال عمي توا
ماما الحمد لله أحسن وغدوة بيطلع
أنا الحمد لله
نضت توضيت وصليت ودعيت ربي حسيت براحة
فتحت النت ودكرت إن فرح عطتني إيميلها بحت عليها ودرتلها إضافة
أنا مرحبا فروحة أنا ليلى
شوية ووصلني مسج منها أهلين حبي باهي باه لاتتصلي لادوري
أنا عارفه روحي مقصرة بس صارت معانا شوية ظروف وحكيتلها شن صار
فرح ربي يشفيه ان شاء الله
أنا امين يارب
حكيم فرح نوضي ديريلي طاسة قهوة
فرح باهي شوية بس
حكيم نوضي توا راسي بينفجر
فرح باهي نهدرز مع ليلى
حكيم هاتي التلفون وبري ديري شن قتلك
فرح هاك 😡
أنا فروحة وين رحتي ولارقدتي
حكيم ع أساس فرح كنت نكلم ف حكيم
أنا شن حاله وشن مداير
حكيم من يوم سمع بيك مخطوبة مسكين ماعنده حال لايأكل لايشرب
ومرض مسكين جاته الحمة وينادي ديما بأسمك ليلى ليلى ياناري عليه خايفين عليه ينتحر
أنا قوله مش واقفه ع حد
حكيم شن حال خطيبك وليش ماحكيتيلي عليه
أنا كان خطيبي بس توا فسخت
حكيم 😍😍
أنا الساميلات مش وقتهم توا
حكيم أسفه قصدي😔😔
أنا كله نصيب
حكيم باهي أحكيلي ليش فسختي ولامتعاركين عركه وبترجعو
أنا لامستحيل نرجع
فرح خود القهوة
حكيم فسخت يافرح فسخت
فرح بجد انا من بكري نهدرز معاها وماجابتلي سيرة وأنت هدرزت معاها خمسة دقايق عرفت الدنيا كلها
حكيم طيري ايميلها وعندي وتوا نجيبها بطريقتي يتبع