عشقت صوتك 🔥 ( روايات ليبية )

حلقة 19🔥

عشقت صوتك الجزء الثاني19
ترتيل خلاص وسيم أنساها البنت كملت حياتها ونخطبت والواضح انها فرحانه
وسيم ماهو السبب كله منك والمشكله مازلتي تتكلمي
ترتيل وجعها كلام وسيم وقعدت تبكي
حكيم يدير ف حركات ع أساس يعرف يعوم وكانو ف زوز بنات مركزات معاه هلبة ويشوفله ويضحكو
أنا بالله شوفي الزوز هدوكا كيف يشوفو لخوك نوضي عطيهم طريحه
فرح ليش بنعطيهم خلي يتفرجو
أنا خزي قداش ماعندك غيرية ع خوك
فرح وانتي ليش شاغلة بالك حبيبته ولاخطيبته
أنا صاحبة أخته
فرح أنا مش متاع مشاكل إمشيلهم إنتي
أنا خزي عليك اقعدي الا شدي التلفون وتكلمي
فرح تي امشي ياحيوانة وريني شن بديرلهم
أنا ماشية ونافخة صدري ومطنشه خشمي للبنات
فرح أشرت لحكيم وجاء يجري
حكيم خيرك
فرح ماشية بتتعارك مع البنات عشانك
أنا ياحلوات إنتي وياها برو أقعدو بعيد شن ديرو هنا
وحدة منهم بحر بوك ونحنا مانندرو
أنا ايه بحر بويا وكاتبه بأسمي انى من بكري نراقب فيكم تشوفو لخطيبي وصورتكم فيديو وانتو تدحنسو وتوزعو ف الإبتسامات ماتخلوني نمشي لبوكم ولاخوكم هدا كان عندكم
الوحدة التانية إلتزمي حدودك واعرفي شن تقولي مالقينا الى خطيبك نشوفوله
أنا ماهو المزيتات الى زيكم ديما يلمو ف الطايح
حكيم ليلى تعالي نبيك
انا اصبر مش فاضيتلك
الوحدة الاولى بالله تعالا شد خطيبتك من علينا
حكيم هدي ماأسمها من ياإنتي هدي إسمها ليلى خطيبتي وحبي ومسك ف إيدي ونهاركم نشوفكم تشوفلي هيا ياعمري ناس ماتخلي حد ف حاله
أنا أطلق إيدي وانت ماصدقت
حكيم خطيبتي ياحنه
أنا خطيبة عينك من وين جيتك
حكيم من اليوم انتي خطيبتي خلاص انتي متاع حكيم وبس بس بس بس
أنا لامانبيش
حكيم معناها نمشي نخطب وحدة من هدوك الزوز انتي شن رايك اما الأحلا الى لابسة الاخضر ولا الأصفر ويشوفلهم
أنا قرصته من إيده معاش تشوفلهم
حكيم حي حي حي ترا عاوديها الشبحة متع توا ياااووك عليا شبحة الغيرة تهبل
أنا لامش غيرة
حكيم غيرانة غيرانه غيرانه
أنا قتلك لا
حكيم ترا عيني ف عينك ياكذابة
انا غمضت عيوني وهوا استغل الفرصة وقرب وباسني
أنا انت شن درت
حكيم محلاك تهبلي توا بنمشي نغرق مش قارد خلاص ومشى يجري ونقز ف البحر
أنا بتسمت وربي مجنون الولد هدا بس خيره عطل ومعاش طلع ومشيت قربت من البحر وقعدت نادي حكيم ياحكيم
بس ماردش عليا زدت قدمت وقعدت نادي حكيم حكيم مافيش رد قررت نزيد نخش شوية ولو ماردش عليا بنعيط ونادي الناس حكي وف حد جبدني من رجليا
انا وووووووه ساعدوني ساااااعدوني
حكيم تي أسكتي حشمتينا تي المية مازال ماوصلت حتى نصك وانتي تفطفطي زي الدجاجة
انا حكيم طلعني راهو نغرق حرررام عليك
حكيم لامش مطلعك لين تقولي موافقة تتزوجيني
أنا ياناس ساعدووني يبي يقتلني
قرب علينا واحد ان شاء الله خير شن الموضوع
حكيم مرتي متعارك معاها وقاعد نرضي فيها
انا كذاب راهو بيقتلني
الراجل ضحك ومشى
حكيم معاش تعيطي وشن ساعدوني هدي مش مسلسل هوا ولارسوم
أنا حكيم والله مش قادرة نتنفس
حكيم ههههه موتي بين يديا هيا قولي موافقة تتزوجيني
أنا لامانبيش انت واحد استغلالي وانتهازي
حكيم قولي ولانزيد نخش بيك للغريق
أنا نعيط ومغمضة عيوني
حكيم بدا يجبد فيا
انا لا لالالالا خلاص موافقة موافقة
حكيم موافقة شن
أنا موافقة ع الى قتلي عليه
حكيم قولي موافقة نتزوجك
انا موافقة نتزوجك
حكيم ياروحي إنتي وقعد مازال يجبد فيا
انا ياغشاش شن قاعد ادير
حكيم حبي ارخي روحك ومعاش تعيطي وأفتحي عيونك
انا لالالا حرااام عليك نبي نروح
حكيم باسني ع فمي
انا ياصايع
حكيم كل ماتتكلمي ولاتعيطي بنبوسك
أنا مسكرة فمي ونتكلم من داخل
حكيم افتحي عيونك وشوفي فيا
انا فتحت عين وسكرتها
حكيم ههههه تي افتحي
انا فتحت عيوني وقعدت نشوفله
حكيم ارخي روحك وحولي إيديك من عن رقبتي
أنا نهز براسي بمعني لا
حكيم باهي امسكي يدي وهكي بشويا بشويا لين لقيت روحي نعوم شويا
حكيم ياسلام ع حبي الشطورة بدت تعوم
أنا حي عمت
حكيم ايه ماهو حبي انتي
انا شوف الحركه هدي ودرت روحي بنسبح ظهر نلقى روحي هوووب تحت المية كلني
حكيم جبدني وهوا يضحك مش طول هكي حركات
وسيم حط ترتيل قدام الحوش ومشى لمندر الى محدد عرسه مع مودة
مندر ليك وحشة وينك مغيب
وسيم نبي نقتله
مندر من هوا
وسيم خطيب ليلى
مندر انت هبلت ولاشني
وسيم ايه هبلت وهلبة انا الى ضيعتها ومستحيل نخليها تمشي لغيري
مندر انت حط روحك مكانها بعدين بيجيك ولد توا خلاص خلي البنت ف حالها وأرحمها
وسيم لا ليلى ليا أني وبس وبنقتله
روحت لحوشنا
حكيم اسمعي جو حركات المسلسلات وتحطي ملح ولافلفل اكحل ف القهوة فوتيه ايوه
فرح مش ع اساس ماتتفرج فيهم
انا تلقيه مكبد ع نور ولميس ومنزل صورهم ف تلفونه
حكيم انتو الزوز أسكتو ولانضربكم
أنا هدا من اولها هكي مافيش داعي تجيب بوك لأني مش موافقة
حكيم مش بكيفك توا خلاص
فرح انا موجوده لو إنتو نسيتو
أنا باي
ووصلني مسج من مندر
ليلى انا مندر وسيم مش ناوي ع خير وقال بيقتل خطيبك ولامانعرف المهم حدريه ولاخودي إحتياطك
أنا ووواك ياوسيم ووواك خشيت سلمت عليهم وطمنت على عمي وبعدها خشيت للدار
فرح مسرع استاحشتيني
انا مش وقته عطيني رقم حكيم ضروري
فرح ياملعونه ستاحشيته
انا فرح يتبع