عشقت صوتك 🔥 ( روايات ليبية )

حلقة 5🔥

عشقت صوتك الجزء الثاني 5
ام وسيم سلامتك ياولدي وكل أمرك لربي وكله حاينحل
وسيم كيف بنخبر ليلى وهيا معلقة كل أمالها فيا ومازال ترتيل مانبيش نظلمها خاصة إن بوها وقف معايا
أم وسيم ليلى أكيد حاتفهمك لأنها تحبك
وسيم إن شاء الله يام ربي يسمع منك
أم وسيم أرقد وأرتاح وغدوة يحلها ربي
وسيم تصبحي على خير
أنا كملت غسيل الماعين والحمد لله الضيوف تعشو وحاليآ دايرة براد شاهي الأخضر ع الغاز نراجي فيه يطيب باش نطفيه ونبعته لمربوعه ونخش نكلم وسيم ع راحتي
ترتيل كانت فاتحة النت وتتصفح فى الفيس وصلها مسج انا وسيم وهذا رقمي ردي عليا
وسيم اهلين كيف حالك
ترتيل الحمد لله أنت كيف حالك وكيف حال أهلك
وسيم بخير والحمد لله
ترتيل شن كانت ردة فعلهم لما سمعو أنك تزوجت
وسيم عادي جدآ وتفهمو الموضوع
ترتيل حتى ليلى
وسيم ليلى مازال ماخبرتها
ترتيل أها باهي امتى بتجي ترفعني
وسيم قريب إن شاء الله
ترتيل غدوة بنمشي للمستشفى
وسيم خيرك مريضة ولاشن
ترتيل حاسة بفشل عام ودوخه بنمشي ندير تحاليل
وسيم إن شاء الله خير غدوة طمنيني تصبحي ع خير
ترتيل وانت من أهل الخير
عليك عباطة واضحة يعني علامات حمل 😔🤦‍♂️
انا جاد تعالا ارفع الشاهي لبوك
إياد ليلى تعالي شوفيلي الواجب هدا صح ولاغلط
انا سلم وخي اطلع من راسي مش فاضيتلك توا
إياد ضربني بالشبشب ع رأسي وهرب
أنا نهارك الى دور فيه وقعدت نجري فيه هوا طلع من باب المطبخ وانا وراه والضيوف كانت سيارتهم ف القراج قعد أياد يلود ع السيارة وأنا وراه
جاد طلع وجايب السفرة وكانت فيها طاسة وحدة
انا تعالا شده معايا
جاد بري خشي يافرخة الولد ف السيارة
إياد ولد من
جاد تي خشي قتلك
انا برا بلاكدب زايد اصلا كلهم شيابين احرف من بوك
جاد تى خشي والله لما نادي ع بوي
انا مشيت نجري شديت جاد انت تكدب صح
إياد فتح باب السيارة ونفتحله وسمعته قال السلام عليكم والى ف السيارة رد
أنا حطيت إيديا الزوز ع رأسي ياغبارتي عليك عار مبهدلة وشعري مشفشف منظر وحدة طالعة من المطبخ وخشيت جري حكيت لماما
ماما 😂😂 عادي اكيد يحسابك مجنونه وماعندك عقل مع خشت بابا
بابا يعطيكم الصحة عشاء قنين
ماما ماقتلي ياحمودي مني الناس هدي
بابا صاحبي اسامة من ورفله وولده حكيم
ماما ولده صغير
بابا مواليد الثمانينات لكن بالزبط كم والله مانعرف
انا ف خاطري ياريتني كنت حيط ولاصار معايا هالموقف
خشيت لداري ورنيت ع وسيم بس ماردش تصلت ثلاثة مرات بس مافيش رد خشيت دوشت وصليت وعاودت تصلت بس مافيش رد الصراحة زعلت شوية لاوين شوية خشيت لفراشي وقعدت نبكي
الساعة3.00 رن تلفوني
انا فاتحة عين ومسكرة عين الوو
وسيم راقدة ياقلبي
أنا مش قلب حد
وسيم معناها بنسكر ونعدي ندور قلبي وين
أنا عينك ياحيوان أنا قلبك بس
وسيم إنتي حياتي كلها
أنا ستاحشتك وستاحشت كلامك
وسيم والله ماغبتي يوم عن بالي تفكيري ديما فيك
أنا نحبك ونموت فيك والله حبي مانعرفش كيف فاتو الأيامات عليا
وسيم حاولت نكلمك بس التغطية مافيش
انا معاش نبي نحكي عليهم هديكا الأيام أهم شي أنك رجعتلي
وسيم ربي مايحرمني منك شن جو بلادكم
أنا حولنا للجبل
وسيم والله امتى صار
أنا توا ممكن لينا شهر
وسيم يعني قريبة مني انتي توا
انا حبي
وسيم عيون حبك وقلبه وكل شي
أنا خلاص خلاص شي
وسيم قولي
أنا مافي شي خلاص
وسيم تخبي ع حبيبك
أنا خليها غدوة وكملنا هدرزة للصبح
وسيم أرقدي حبيبي وأرتاحي
أنا كان بنرقد معاش بنوض بنوض نصلي ونمشي للجامعة
وسيم ردبالك ع روحك وتوقفي على ولد نهارك أحرف مش تقولي محاضرات وشيتات
أنا حاضر ياعمري وصكرنا
نضت دوشت وصليت ولبست
بابا صباح الخير
انا صباح النور شن منوضك بكري
بابا الضيوف ماشين لطرابلس بنمشي معاهم
أنا ارفعوني معاكم
بابا عينك وين تمشي وقرايتك
انا نبصر عليك خلي نديرلكم الفطور غير هكي متزوج مرتك لتوا راقدة
بابا هههه عيب ياحيوانة درتلهم الفطور
أنا حي وقت ع المحاضرة وكيف بنطلع نتلاقى مع صاحب بابا ولده
بابا تعالي سلمي ع عمك أسامه
أنا السلام عليكم كيف حالك ياعمي
حكيم يشوفلي ويتبسم
اسامة حالك باهي ياليلى وشن مدايرة مع الدراسة
أنا الحمد لله كيف حالك أنت
أسامه الحمد لله يابنتي
بابا هيا توكلي يابنتي
أنا توصلو بالسلامة
وانا فايته طاحت ف ودني كلمة مشفشفه تلفتت ورايا ولقيت حكيم يضحك
انا حيوان
مشيت للجامعة وفات اليوم عادي
وسيم خلي نكلمها ونخبرها
أنا خشيت لدار ألو حبي
وسيم أفتحي نت نبي ندير معاك مكالمة فيديو
أنا لامش المرة هدي
وسيم ليش
أنا بديرلي زي كل مرة انا بنفتح وأنت لا
وسيم وعد نفتح حتى أنا
أنا هيا حبي
طبعآ وقفت ع المراية ودرت شوية لمسات ورديت عليه
وسيم ترا أحلفي أنك ماكنتي ديري ف المكياج
أنا أفتح الكاميرا
وسيم أحلفي
أنا ايه ياودي أنت عارف أن خشمي كبير ع الاقل نغطي شوي
وسيم فتح الكاميرا
أنا حبي والله ستاحشتك وبديت نبكي
وسيم نسكر راه علاش تبكي ياقردة
أنا خلاص سكتت هدو دموع الفرح ياغبي
وسيم لا دموع بنت الجيران
أنا من هيا بنت الجيران ولاتقصد هديكا الى مرة عطيتها طريحة الموت
وسيم ههههه لانك متوحشة
أنا هدا وحش الغيرة تملكني ف جرتك
وسيم نحبك ياعمري كله
أنا مانحبكش بكل
وسيم متأكدة
أنا وسيم تعرفني أنا ديما صريحة معاك وماعمري كذبت عليك ف حاجة وايه متأكدة إنى مانحبكش
وسيم ياواطية حبيتي غيري ياقردة
أنا معناها أنت ماتعرفنيش كويس ومش واثق ف حبي ليك انا متأكدة إنى مانحبكش لاني نحبك ونموت فيك
وسيم يعني مستحيل تسيبيني
أنا مستحييل ولأخر العمر أنا معاك
وسيم حتى لو عرفتي أني متزوج
أنا يتبع