عشقت صوتك الجزء الثاني 8
أنا مش ماشيه
ماما كان ليلى مش ماشية حتى أنا مش ماشية مانقدر نخليها بروحها
بابا كلنا بنمشو الراجل قعد يحلف ويقطع ف يمينات باش نجي نحضر
ماما معناها حتى انتي بتجي معانا
أنا باهي
حكيم بوي عزمت عمي محمد ع الفرح
أسامة أول واحد عمك محمد عزمته
حكيم بيجو كلهم
أسامة أكيد بيجو كلهم
حكيم 😍😍 وأخيرآ بنشوفها
وسيم ف دار النوم سرحان ويفكر كيف بيحل الموضوع
ترتيل وسيم وطاحت داخت
وسيم ناض يجري وقامها وقعد ينادي ع أمه
أم وسيم خيرك شن فيه خلعتني
وسيم داخت مانعرفش خيرها
فاقت ترتيل وهيا تبكي ورفعها وسيم للمستشفى
الدكتورة ركبتلها تغدية
وسيم طمنيني عليها يادكتورة خيرها
الدكتورة ماتخافش الشي هدا طبيعي ف بداية الحمل وزوجتك محتاجة للراحة وتوا نكتبلها فيتامينات ومقويات ولازم ترد بالك منها
وسيم إن شاء الله وبعد كملت التغدية روح بيها
حكيم فرح بالله عليك لما تجي ليلى تردي بالك منها وديما طلعيها باش نشوفها مش تقعدو شادينها الداخل
فرح تي باهي فهمت قداش ليك تعاودلي فيها
حكيم وماتنسي تشكريني جنبها كان مش حكيم راهو الحوش مظلم وكان مش حكيم نحنا مش عايشين وكان مش حكيم حياتنا أخيه وأي حاجة تشوفها وتعجبها قوليلها جابها حكيم
فرح انت من جدك ولاتبصر خيرك هكي هابل عليها أرزن يرزيني فيك
حكيم غير ديري زي ماقتلك مانبيش نرقدك بطريحة توا
فرح قتلك باهي
حكيم ونسيت نقولك ديري روحك ماعندك رصيد وأتصلي بيا من رقمها بش نسجله
فرح وتقولي خيره حكيم مايبعتلك ونطلع كذابة قدامها
حكيم وجهة نظر لكن دبريلي ف رقمها باهيو
فرح تي ب ا ه ي باهي فهمت
بابا غدوة طالعين إن شاء الله
ماما إن شاء الله وتوا بنطلع مع ليلى نشرولهم بخورات وعطور مابنمشو وإيدينا فاضية
بابا نوصلكم
ماما لا خلي نتمشو
نسيبة ياليلى خيرك إنتي هكي غبية طول سلمتي فيه
أنا بالله يانسيبة من الى سلم ف التاني تعرفي شن معنى كلمة تزوج راهي مش حاجة ساهلة خيرك إنتي
نسيبة والله عارفة حبي لكن مستحيل تأخد مكانك هيا ووسيم يحبك أنتي لكن هوا نحط ف الموقف هذا مش بإرادته يعني لو مش بو ترتيل مرات وسيم اليوم ميت
أنا مانيش عارفة
نسيبة إنتي تحبيه ومازلتي تحبيه وراجيته هلبة وصبرتي هلبة معقولة عشان حاجة زي هدي تسيبيه وتخيريه بينك وبينها اصلآ المفروض ولأنك عارفه وسيم قداش يحبك ماخليتيه يقارن بيناتكم عارفه كيف يعني أصلآ من هيا ترتيل باش نقارن روحي معاها ولانقول لحب عمري ياأنا ياهيا وأنتي عارفة ومتأكدة إن وسيم ليكى أنتي ويحبك إنتي ياليلى
أنا مانبيش نكون ضرة وتشاركني فيه وحدة تانية
نسيبة ليلى إنتي الأصل وكلمه ضرة او شريكة مجرد تسميات لاأكثر ولاأقل ومش حايغيرو ولاحايقللو من حب وسيم ليك صدقيني انا نشوف فيه كيف مهموم وديما سرحان وعقله مش معاه وأول أمس جاته النوبة متع الربو اما عن ترتيل كأن ماليها وجود عنده صح تتغدا معاهم وتتعشاء معاهم وترقد مع وسيم بس هالشي عادي وعارفه إنتي قداش عيلته يحبوك ومتعلقين بيك
أنا خليني نفكر ونرد عليك
نسيبه بالله عليك فكري بعقلك مش بقلبك لأن قلبك مجروح أعطى لحبك فرصة ياليلى
أنا يصير خير وسكرنا
وسيم شن رأيك إقتنعت
نسيبة حسيتها هكي
وسيم يارب يسمع منك
نسيبة ليلى تحبك
وسيم عارفها وممكن تتقبل فكرة إنى متزوج لكن مش حاتتقبل فكرة إن ترتيل حامل
نسيبه ياغباراتك السودة كيف صار هكي وليش ماقلتلي من الأول عندها الحق كان ماتقبلت الموضوع المفروض قتلي من الأول ع الأقل مهدتلها ووواك منك
وسيم ناض وطلع
يديرو الحاجة ومايطلعو قدها وبعدها يقعدو يفكرو كيف بيطلعو منها
اما عن نفسي خديت قرار إنى نرجع لوسيم وممكن الى إسمها ترتيل لو شافت حبي لوسيم ومعامله وسيم ليا وحبه وغيرتي عليا حاتطلب الطلاق وحاتغور ف ستين داهية لكن حانكلمه بعد مانرجع من العرس
ف الصبح توكلنا ع الله وطلعنا والطريق كله وأنا نفكر ف وسيم لعند وصلنا
وكان عمي أسامة وحكيم يراجو فينا وأستقبلونا
نزلنا وسلمنا عليهم
أسامه نورتو الحمد لله ع سلامتكم
بابا الله يسلمك
انا كيف حالك عمي أسامه
اسامه الحمد لله بشوفتكم تفضلو
اما حكيم فكان لابس ع العربي ونظارات شمسية طالع جنتل ومداير روحه ثقيل ورزين
كانو ناصبين الخيمة خشينا وتعرفنا ع هندة أم حكيم وفرح ومنتهى ومسرة وفرح كانت لاصقه فيا وتهدرز معايا وخشينا ف بعضنا طول كانت نفس مواليدي طويلة وبيضة نقشها رقيق تهبل
فرح نوضي نوريك حوشنا
أنا هيا يتبع
أنت تقرأ
عشقت صوتك 🔥 ( روايات ليبية )
Romanceللكاتبة : القطة الشريرة ، تتكلم الرواية عن حب الإنترنت ؟ و علاقة بين أتنين لا يعرفوا بعض و هيا تعشق صوته و هو يعشق صوتها ؟ فما مصير حبهم ؟ رواية حلقاتها قصيرة 🔥جدا و خفيفة 🔥❤️
