عشقت صوتك الجزء الثاني الثاني4
وسيم تمام
جاء يوم الخميس وعقدو لوسيم وكان عقد عائلي تمر وحليب وعشاء وتمت
وسيم خش ع ترتيل السلام عليكم
ترتيل ناضت وقفت وعليكم السلام
وسيم قعد ع الكرسي أسمعي يابنت الناس انا تزوجتك باش نسكت الناس لأن بوك دار معايا جميل مستحيل ننساه وفضله حايقعد ع راسي طول العمر وأنا مانبيش نكذب عليك قلبي مع وحدة تانية مع خطيبتي وكنت واعدها انه بعد اتم الحرب اللعينة هدي بنتزوجو
ترتيل ضايقت من كلام وسيم يريتك ماتزوجتني وخليت الناس تتكلم معناها أنا أحتياط ولو سمعت حبيبتك حاتقولك طلقها وبتطلقني
وسيم لامستحيل انا عطيت عهد قدام ربي وقدام بوك أنى نصونك ونحافظ عليك ومانحرمك من شي لأن بنات الناس مش لعبة عندي
ترتيل مسحت دموعها أنا أهم شي عندي قرايتي
وسيم وانا نشجعك إنك تكمليها مش ضد هالشي
ترتيل خشت غيرت ولبس روب أبيض حرير وكان لتحت الركبة
وسيم خش لدار النوم ولقاها بالروب وتمشط ف شعرها ع الزيانة
ترتيل حطت المشط وقعدت تشوفله
نحكو ع شكل ترتيل بيضه عيونها كبار وعسليات طويلة وجسمها حلو يعني جميلة
وسيم نغر بمنظر ترتيل وقرب منها وبدا يبوس فيها وتهنت ترتيل
😭😭😭😭هدي ردة فعلي حاليآ
فى الصبح
وسيم ناض على صوت ترتيل الناعم والحنون صباح الخير
ترتيل صباح الورد
عطك جلم عرق الحشمه قاطعته خاشة ع الورد طول
وسيم سرح شوي وتفكر شن صار بينه وبين ترتيل وخطرت عليه سامحيني لولي والله غصبآ عني كل شي صار وأكيدا حاتسامحني
فات أسبوع
وسيم أدعولنا ونشوفوكم على خير
ابراهيم وسليم ربي ينصركم ويحفظكم
وسيم ان شاء الله
إبراهيم دكر إن عندك أهلك هنا وتفضل ف أي وقت
وسيم أكيد ياعمي ماعندي وين بنهرب مرجوعي عندكم
رجع وسيم للجبهة مع علي وفاتو ايامات ومرة يتقدمو ومرة يوخرو لعند تصاوب وسيم ف كتفه وسعفوه
علي معاش فيها ياصاحبي أرجع لناسك لين تبرا وارجع
وسيم نسيت إنى راجل متزوج
علي معناها نحطك ف حوش عمي إبراهيم لين ترجع صحتك
وسيم ع اساس جاي بنحارب لقيت روحي متزوج سبحان الله الدنيا
علي اي والله بس كله مكتوب من ربي
علي رن الجرس وفتح ابراهيم الباب وسلم عليهم وأستقبلهم
وسيم سامحني ياعمي وتحملني هالايامات
إبراهيم عيب عليك الحوش حوشك انت الى خاش وأنا الى طالع
حسيته عمي إبراهيم طيب زيادة ع اللزوم
علي أنا نستأذن توا
وسيم نشوفك ع خير ياصاحبي وطلع
إبراهيم ترتيل ديري حاجة مصقعة وسيم رجع
ترتيل😍😍
إبراهيم رجع للمربوعة
ترتيل دقت ع الباب
إبراهيم خشي يابنتي وطلع وخلاهم
ترتيل 😱😱 حطت السفرة وقربت من وسيم الى كانت إيده متعلقة خيرك سلامتك وبدت تبكي
وسيم بسيطة متخافيش وامسحي دموعك
ترتيل الحمد لله ع سلامتك طمني عنك وعن أخبارك
وسيم الحمد لله وانتي
ترتيل تبي الحق ستاحشتك
وسيم أكتفى بالصمت
بالك بيقولها حتى أنا نهاره احرف بعدين
بعد مرور شهر
تقدرو تقولو تمت الحرب ويارب يارب يارب تفكنا من الحرب وترجع بلادنا عامرة وتحفظ شبابنا وترحم موتانا
علي شن ياصاحبي بترجع ولاكيف بدير
وسيم إكيد بنرجع لأهلي وأحبابي
علي ومرتك كيف الرأي فيها
وسيم بنمشي أنا الأول وبعد مانخبرهم نجي نرفعها
وهدي قصتي كلها
ام وسيم قصدك أنت توا متزوج
وسيم مالا شن نحكي يام
زياد حتى أنا مصدوم أكثر من أمك
وسيم بالله ماتصعبوها عليا مش عارف كيف صار معايا
خش وسيم لداره وفتح تلفونه وصلوه هلبة مكالمات مني ورسايل من غير رسايل المسنجر الى قريتوهم والوتس والفايبر وقعد يقرأ فيهم ويتبسم خلي نكلمها المجنونه لا خليها مازال شوي لازم نعرف شن بنقول خايف تحس ع شي
أنا وينك ياوسيم وينك وتصلت بيه ورن ومانقدرش نوصفلكم كمية الفرحة الى انا فيها كان قلبي يدق بسرعه وكنت نرعش مع بعضي
وسيم كأنها حاسة بيا والله الا بنرد عليها نحبك نحبك نحبك
أنا 😭😭كذاب لو تحبني ماخليتني نراجي فيك
وسيم أخر مرة معاش نعاودها
أنا ستاحشتك ستاحشت صوتك وضحكتك
وسيم أنا أكثر منك
انا عينك انا أكثر
وسيم عينك أنتى انا أكثر
أنا لا أنا وقعدنا نضحكو
بابا ليلى ليلى تعالي نبيك
أنا حبيبي خليك ع الخط شوية
بابا هيا بسرعة
أنا نعم يابابا
بابا أسمعي جاينا ضيوف وقعد يفتح ف الثلاجة هيا شوفي شن ناقص باش نمشي نجيبه
أنا باهي غير هيا أطلع
بابا أمك وين
أنا طلعت عند الجيران
بابا أسمعي شن بديري العشاء
انا ساهل يابابا انت غير جيب اللحم والخضرة
بابا اكتبيهملي ف ورقه ولانقولك ابعتيهملي ف رسالة عندك رصيد
أنا ايه عندي
كان ماعندك ابعتي من تلفون أمك ولاأبعتيلي من فضلك اتصل بي
انا اول مرة نلاحظ ان بابا يتكلم هلبه والا هوا جاء ف الوقت الغير مناسب
وسيم شكله عمي عش دوشته هلبه
انا خلاص يابابا برا باش ماتعطل
بابا كان بيطلع ورجع اسمعي تعالي اكتبيهم وخلاص
وسيم قعد يضحك وسكر خلي نوض ندوش وفتح دولابه وقعد يدور ع تشيرته المفضل يام يام
ام وسيم نعم جيتك
وسيم وين تشيرتي الأسود
ام وسيم ضحكت رفعاته ليلى
وسيم عقد حواجبه ليلى وين لقاته
ام وسيم تعالا نحكيلك هدا انا كلمتها وعزمتها لفرح خوك سند وجت هيا وامها وقالت تبي تخش لدارك ودخلتها ومسكينه بكت بكت بكت لين جفو دمياعتها
انا كتبت لبابا بسرعه بسرعه وخشيت لداري ولقيت وسيم سكر
أنا😭😭😭😭حظي شكرآ لأنك ف كل مرة ثتبتلي إني أكثر إنسانه منحوسة ع وجه الأرض
وسيم ليش هكي ياليلى قلبك كبير وحبيتيني لهدرجة كيف بنخبرك بقصة ترتيل كيف بتتقبلي القصة
أم وسيم كل شوي تخش تتطمن ع وسيم لأنها مستاحشاته هلبه تعرفو قلب الام أنتو
وسيم ستاحشت نحط راسي ع رجليك وأنتى تلعبيلي بشعري وانا نشكيلك
أم وسيم تعالا ياعيون أمك وافتحلي قلبك وطلع الى ف خاطرك
وسيم مضايق ومخنوق يتبع
أنت تقرأ
عشقت صوتك 🔥 ( روايات ليبية )
Romanceللكاتبة : القطة الشريرة ، تتكلم الرواية عن حب الإنترنت ؟ و علاقة بين أتنين لا يعرفوا بعض و هيا تعشق صوته و هو يعشق صوتها ؟ فما مصير حبهم ؟ رواية حلقاتها قصيرة 🔥جدا و خفيفة 🔥❤️
