عشقت صوتك 🔥 ( روايات ليبية )

🔥النهاية🔥

عشقت صوتك الجزء الثاني 20
فرح ياملعونه ستاحشيته
انا فرح بسرعة تربحك
فرح تمام توا ندزه ليك
بعد شوي وصلتني رسالة فيها الرقم
حكيم ألو
أنا اهلين حكيم أني ليلى
حكيم ياهلا وغلا ياروحي ياعمري أنا
أنا أسمعني انت لازم تروح
حكيم تلزي فيا
أنا ايه برا روح ومعاش ترجع هنا بكل
حكيم لامش مروح لين نتم فيك قبل
انا روح معاش نبيك وقلبي مع غيرك أفهم
حكيم لو قلبك مع مية ماني مسيبك وغدوة بنجي انا وبوي تسمعي
أنا ووواك منك ليش انت غبي وماتفهم ليش
حكيم لأنى نحبك
انا حكيم معاش تنرفزني وسيم يدور عليك بيقتلك
حكيم اعطيني رقمه وتوا نتلاقى معاه ونشوفو من الى يقتل التاني
انا مانبيش يصيرو مشاكل بالله عليك
حكيم انا مش مروح لين نتم فيك وتم الكلام وسكر
أنا وواك خلي نكلم وسيم وتصلت بعد ماحولته من الحظر
وسيم الو
انا اسمع ياوسيم اطلع من حياتي لأني كرهتك ومعاش نحبك عيش حياتك مع مرتك وولدك وأنساني لاني نسيتك وردبالك تجي ف طريق حكيم
وسيم صار اسمه حكيم
انا ايه خطيبي حكيم ولو تجرأت انك تقرب منه صدقني حاتلقاني قدامك ولو حاولت تقتله حانموت وراه ولاتحلم نرجعلك خلاص نحنا مش لبعض
وسيم بس انا نحبك ليش تعاقبي فيا ع غلطة صغيرة زي هدي
انا غلطة فيها عيل مستحيل تكون غلطة صغيرة بالله عليك وحياة الأيام الحلوة الى بينا فوتني أنساني وأطلع من حياتي لأني مستحيل نفكر نرجعلك حتى لو حكيم بعد عني حاول تحب ترتيل لانها بنت كويسة وربي ولدك وكبره وردبالك تحاول تشوفني ف ترتيل ولاتقارنها بيا لأنك حاتتعب هلبة نحنا خدينا فرصتنا بس للأسف نحنا مش لبعض وهدي نهاية مشورانا لو تبيني نسامحك خليني ف حالي
وسيم يسمع ويبكى والله نحبك ياليلى ليش إنتي هكي أعطيني فرصة بالله عليك
انا وسيم وسيم وسيم بالله عليك ماتصعبهاش عليا وعليك خلاص عيش حياتك وربي ولدك وكبره وحبه وتوا يعوضك ع كل شي
وسيم بنقعد نحبك لين نموت ومش حاننساك ولايوم سامحيني من قلبك ياليلى
انا مسامح دنيا وأخرة ياوسيم ربي يسعدك
وسيم وحتى إنتي باي
انا تصلت بحكيم وقعدت نبكي
حكيم ليلى خيرك تبكي
أنا مش قادرة نتكلم والله صعبة عليا واجد
حكيم قعد فاتح الخط ويسمع فيا وأنا نبكي بدون مايقول ولاكلمة
وسيم خش للحوش وخش لدار النوم لقى ترتيل ماسكة المصحف وتقرا جاء قعد جنبها
ترتيل حطت المصحف وقربت من وسيم وحضناته وهوا قعد يبكي ف حضنها زي العيل
في اليوم التاني العشيه
بابا تفضلو ياأهلين
اسامه تسلم وخشو
فرح كنك ترعشي
أنا اسكتي عايشة اللحظة خيرك
فرح ههههه
اسامه انا جايك ف موضوع يامحمد وان شاء الله ماتردني
محمد تفضل ياصاحبي
اسامة جاي بنخطب ليلى لحكيم والبنت موافقة باش ماتقولي مخطوبة
بابا وين بنلقى احسن من حكيم لبنتي والأهم نضمن عيلة بنتي
اسامة والله ف عيوني
بابا ولاشن قلت ياعمران
عمي ربي يقدم الى فيه الخير لكن عندي شرط ليلى تطلع من حوشي
بابا ماعنديش مشكله بكل
حكيم بعتلي رسالة مبروك ياقلبي
انا حي وافقو
فرح الف مبروك
ماما تزغرط الف الف مبروك
عيال عمي مبروك يابنتي
وسيم تحمليني لين نقدر ننساها
ترتيل أكيد ياعمري حانتحمل منك كل شي
اسامة معناها نديرو الخطوبة الأسبوع الجاي
بابا ان شاء الله
حكيم مبروك علينا
انا الله يبارك فيك
حكيم خيرها من غير نية
انا الله يبارك فيك للللووولي ياحي ياحي
حكيم ايوا هههههه
انا خايفة نظلمك معايا ومانعيشك مرتاح
حكيم مادخلك المهم إنتي معايا
انا ان شاء الله خير
حكيم نحبك ونموت فيك ومانبيك تقولي شي خليني انا نعبر لين تتحشمي ع وجهك وتقوليها بروحك
انا هههه احسن حاجة فيك خفة دمك
جاء موعد البيان
ماما مشاء الله طالعة تهبلي
انا تسلمي ياماما
مودة اااو طالعة وواو
انا عيونك الوواو والياء وكل الحروف
لبست قفطان أزرق ملكي طويل وتاج ومكياج
ماما هيا وصلو
نزلت وقعدو يزغرطو
فرح طالعه تهبلي شن بيصير ف حكيم لما يشوفك
انا مش قالي مش خاش
فرح مازال ماعرفتي حكيم ملك المفجأت
انا خوك بيجيبلي الجلطه
منتهى حكيم بيخش
انا نرعش مع بعضي وخش حكيم لابس سروال جينز وقميص ازرق كحلي طلع يهبل
صوت الزغاريط مليان المكان
حكيم لبسني الدبله ولبسته
حكيم مبروك ياقلبي وأستعدي لحياتك الجديده
انا الله يبارك فيك وأدعي ربي يكون ف عونك
قعدنا نتصورو وقصينا الكيكة وطلع
والصور كلهم عنده وكل يوم يتفرج عليهم ومش مصدق
وسيم هدي حلوة صح
ترتيل لاحبي الولد يانلبسه ازرق ياأبيض مش أحمر
وسيم بينه ولدي نبي نلبسه كل الألوان
ترتيل باهي حبي ع راحتك
بعد مرور 5شهور
ف عرس مودة
أنا تهبلي تبارك الرحمن عليك
مودة خايفة نبي نروح
انا تروحي عينك
نسيبة خشت علينا وماسكة ولد صعنون
انا نسيبة مبروك مازاد عليك
نسيبة هههه كان نقولك ولد من مش حاتصدقي
انا لا ماتقولي ولد وسيم
نسيبه هوا
انا طالع زي بوه
نسيبة ماحسيتي بشي توا
انا فرحتله الصراحة وعقبالي انا وحبي حكيم
مودة ياعيني انسيتو انه عرسي ولاشن
نسيبه باهي هيا توا نطلعه
مودة وسيم صح
نسيبه ليلى بالله عليك أقعد قدام الباب وأعطيه لكامل
أنا كامل هنا قصدك
نسيبه ايه
حطيت وشاح فوق راسي ووقفت جنب الباب
نسيبه بنمشي نشوف اللقطة
مودة لقطت شن
نسيبه وسيم الى بيرفع الولد ههههه
انا ماسكه الولد ونلعب فيه
وسيم ليلى
أنا وسيم
وسيم تغيرتي هلبة وحلويتي
انا حتى انت تغيرت ودرت كرشة ووليت بابا
وسيم ههههه شن حالك
انا الحمد لله وانت
وسيم ف نعمه الحمد لله
انا مبروك المزيود ويتربى ف عزك
وسيم الله يبارك فيك ونشوفهم عندك يارب
انا تسلم وعطيته الولد وخشيت
تم عرس مودة ع خير والحمد لله
انا وحكيم عايشين احلا قصة حب خلاني غصبآ عني نحبه
اما وسيم كمل حياته مع ترتيل والولد غير حياته
تحدد عرسي انا وحكيم يوم 26.10 ماقعدله هلبة ومعزومين كلكم
هكي الدنيا تتغير ف يوم وليلة ماعمري توقعت نحب شخص غير وسيم ولانقدر نعيش من غيره الحمد لله ع نعمه النسيان مرات نحنا نبو شي ويصير شي تاني وأكيد الخير كله ف الى كتبه ربي
انا زيكم لما كنت نراجي ف وسيم كنت متخيله انه بيرجع وبنتزوجو وبنكملو حياتنا لكن سبحان الله صار العكس تمامآ هكي الحياه ربي يجمع بين كل تنين يحبو بعضهم بالحلال يارب
حكيم ليش نتصل بيك وماتردي
انا ماهو كنت نكتب ف الحلقة الأخيرة من قصتنا
حكيم لا الحلقة الأخيرة المفروض ليلة الدخله
انا عيب ياصايع
حكيم نبصر وسلمي ع الفانز كله وقوليلهم حكيم بعتلكم بوسة كبيرة زي راسك الكبير
انا باهي ياقرد
حكيم نحبك
انا نموت فيك
حكيم امتى بيجي يوم عرسنا
انا انت درته يوم عيد ميلادي باش تكرهني ف اليوم الى ولدت فيه
حكيم أكيد
انا عزمت القروب كله
حكيم معناها ماصار لا من عرس لامن شي
انا ليش ياحيوان
حكيم خايف يأخدوني منك عسولات القروب وتقعدي نسيبك من توا احسن
انا بنخليهم هما يردو عليك
حكيم أكيد بيكتبولي ارقامهم ياناعليا
أنا حكيم راه نزعل
حكيم نبصر خلاص انا متع ليلى بس ولو ف اي وحده بتجي عندي مكان مازال
انا هههههه خزي عليك
النهاية

بنحكيلكم ع رواية عشقت صوتك لأن هلبة سألوني شن صار ف الحقيقة
ليلى ماعمرها شافت وسيم كانت تحكي معاه ف التلفون بس وعرفها ع امه ونسيبه ولما عرس خو وسيم عزمتها ام وسيم ومشت ليلى بعد ماقنعت امها ونصدمت ليلى لما شافت صورته كان عكس ماحكالها ابيض وطويل وعيون زرق بالعكس وسيم كاين مداير حادت وخشله المرش ف عينه وعينه خسرت مانعرفش كيف بنشرحلكم عليها المهم بعد فترة رجع وسيم وجايب معاه وحدة وتعرفو وين كان كان ف تركيا ع اساس كان ف الحرب زي ماقالي وقال لأهله كان يبيع ف البطاقات ولامانعرفش المهم تعرف ع وحدة ليبية غادي ودار معاها علاقة غير شرعية وحملت منه وبوها عرف بالقصة وقال ياتتزوجها ياتموت وفعلا روح لليبيا وتزوجها وهكي ليلى كرهت وسيم وطلعت من حياته لأنه ماصان الحب الى بينهم وخانها وكدب عليها بس ربي عوضها بحكيم الى شافها ف عرس أختها وجاب رقمها وايميلها وعشش فيها وبعد فترة ليلى حباته واليوم عايشة هيا وياه احلا قصة حب والعرس وعرسهم يوم26.10 ربي يهنيهم ويتمملهم على خير
الأشياءُ التي تأتي من طرفٍ واحدٍ مُؤلمة ؛
مثل كونك تنتظرُ والآخرُ نائم .. وتقلقُ والآخرُ يضحك !
النهاية