عشقت صوتك 🔥 ( روايات ليبية )

حلقة 2🔥

عشقت صوتك الجزء الثاني 2
طلعنا ف البلاد وكانت حلوة وكبيرة تهبل الصراحة
أنا بابا بنرجع لقرايتي
بابا كويس كويس كويس أحسن قرار خديتيه
ماما كويس يابنتي خطوة حلوة
بابا خلي نظمو أمورنا وبعدها نسجلك
أنا تمام
فى الليل
ماما نبي نحكي معاك
ماما خير إن شاء الله
انا كلمتني أم وسيم وعزمتنا لعرس سند الأسبوع الجاي
ماما والله مانعرف ع بوك يابنتي
انا ياماما كلميه وخلينا نمشو استاحشتهم
ماما تمام توا نكلمه
أنا ربي يخليك ليا
رقدت وانا مطمنة لأن ماما أكيد بتقنع بابا محلاها لما أمك تقف معاك وتساندك وتحس بيك ربي يطول ف أعمار كل الأمهات ويرحم كل الأموات منهم
ماما يامحمد كلمتنى ام وسيم وعزمتنا ع عرس سند
بابا اخيه ع الدنيا كان هذا عرس حتى بنتنا ووسيم
ماما الله غالب هكي الدنيا شن بنديرو لاإعتراض ع حكم الله
بابا والله حاس بيها بنتي وواجعتني ومش قادر نديرلها شي
ماما ربي يصبرها
بابا حتى انا كنت مفكر ف مشية غادي الحق بنشوف خويا
ماما معناها نضربو عصفورين بحجر ونتوكلو
ف الصبح نضت وبشرتني ماما بالبشارة الحلوة
أنا الحمد لله ياربي لأنك ستجبت لدعائي
سجلت ف الجامعة ونزلت موادي ولو ربي عطاني عمر حانكمل ونأخد شهاداتي
ماما مانسينا شي
أنا لاياماما
بابا هيا أركبو بسم الله توكلنا ع الله
الطريق كلها وأنا قلبي يدق وخايفة ومتوترة مش مصدقة بنشوف عيلة وسيم استاحشتهم كلهم
وصلنا لطرابلس ومشينا لحوش عمي وتغدينا عندهم
انا تصلت بصديقتي مودة وجت عندي وغيرت معاها جو
يوم الأربعاء الساعة 10.30صباحآ
بابا هيا عطلنا
أنا هيا طلعنا
ماما خيرك انت وبنتك مستعجلين ماشين لعرس نحنا مش عزاء باش نطلعو مستعجلين
بابا شافلي وضحكنا
وصلنا لبداية الشارع ولقينا كمال خو وسيم
بابا السلام عليكم ونزل سلم عليه
انا سلمت عليه وفرحت هلبة لما شفته زاد طول وقعد شخصيه
كمال انتستونا وفرحت لما شفت ليلى
نزلنا وخشينا الداخل ولقيت أم وسيم تراجي فيا ضمينا بعضنا وقعدنا نبكو هدي أم غالي الى كان يخاف يزعلها
ماما وحدو الله مش كويس الى ديرو فيه أدعو ربي يرجعه سالم غانم
ام وسيم يارب يسمع منك وسلمت ع ماما رحبت بينا ودخلنا
أنا خالتي لو مافيها إحراج نبي نخش لدار وسيم
خالتي عادي يابنتي تفضلي
ماما وين ماشية
أنا ماشية لدار وسيم
ام وسيم تفضلي يابنتي خشيت ودكرت أياماتي مع وسيم كيف كنت نوض فيه وايام كنا نديرو ف التمارين ويوم رقدت معاه ف الدار
انا قربت من سريره وعيوني شلال دموع قعدت نتلمس ف مخدته
ام وسيم قعدت تبكي وتشوفلي كان يحبك ياليلى قبل مايمشي قالي وتى كل شي وأول مانرجع بنديرو العرس طول
أنا بديت نبكي بصوت عالي ياربي ليش خديته مني ليش ياربي قربت من دولابه وفتحته كان كل شي منظم وف مكانه وسيم كان يهتم بالتفاصيل ويحب الترتيب لقيت تشيرته الأسود المفضل وخديته
ام وسيم كان يحب التشيرت هدا
أنا خديته وحطيته ف شنطتي كان خاطري نشم فيه ريحة وسيم بس تحشمت قدام أمه
نسيبه خشت علينا وحضنتني لو مش هيا ومودة من زمان كنت انا وسيم كل واحد ف طريق
نسيبه ليك وحشة يابنت بالله معاش تبكي خليكي قوية وسيم حايرجع
يتبع
عشقت صوتك بعد التعديل