عشقت صوتك 🔥 ( روايات ليبية )

حلقة 15🔥

عشقت صوتك الجزء الثاني 15
وسيم جت منها هيا بنمشي نطلقها وخلاص والولد يقعد عندها
جارة ترتيل لاياغبية ماتخلي الساحة فاضية جيت وسيم لحوشكم وزواجه منك والقصة هدي كلها ربي مادارها من فراغ بعدين إنتي صغيرة كيف بتربي ولدك بروحك راهو الشي هدا صعب
ترتيل جده حي
جارة ترتيل بوك تشوفي فيه رجل ف الدنيا ورجل ف القبر كيف هكي إنتي غبية اسمعي الطلاق مش حل لازم تكسبيه وسيم هوا توا ضايع بينك وبين الى قلتي عليها المفروض انتي تستغلي الفرصه وتحتويه وتعطيه الأمان والحنان
ترتيل عدلت تقعميزتها كيف ترا
جارة ترتيل اسمعي أول شي شفتي روحك ف المراية رايحه حاله اهتمي بشكلك وبلبسلك شني القفطان الواسع هذا خودي حاجات للحمل حلوات ويمشو معاك ودلعي وامرضي وقولي خاطري ف هدي وهدي مش تشدي تركينه وتقعدي تتفرجي
ترتيل ماما ماتت وانا صغيرة ومافيش حد علمني الحاجات هدي
جارة ترتيل عندك فلوس نوضي توا ألبسي ونرفعك للسوق
ترتيل هيا ومشو للسوق
ف العشية انا نمسح ف الجنان
حكيم جاي من وراي وعيط يامشفشفة
أنا وووه عليا مع التنقيزة
حكيم ههههههه ياغولة وأخيرآ شفتك خايفة
أنا والله كانك مش ضيف راهو ضربتك بالعصا لكن أرجعلي بعد يومين نهارك أحرف
حكيم شن معنى بعد يومين
أنا لانه الضيافة ثلاثة أيام وبعدين خلاص
حكيم أضربي ع حسابك مش يقولك ضرب الحبيب زبيب
أنا اااعععع مانحبه الزبيب
حكيم توا نغيروها عشانك ونقولو ضرب الحبيب كاجو ولافستق
أنا ياريت
حكيم يقلد فيا ياريت
أنا اسكت
حكيم مانحب الوسط ماما خليني القدام لا نبي نتفرج على الناس وكلهم قالهم بصوتي
أنا طلعت ببغاء تقلد فيا
حكيم طلعت ببغاء تقلد فيا
انا حكيم حيوان
حكيم حكيم حلو وجذاب وشخصية
انا حيوووان
حكيم توا نوريك طلع للشارع ولمد الباكوت الفارغات والقش وحدفه ليا ف الجنان
أنا لااااااا خزي ياحيوان والله لما نخبر بوك توا تشوف وكنت خاشة
حكيم لحقني ومسك إيدي وكانت هدي اول لقطة رومانسية لينا لالالا خلاص اسف هاتي المكنسة توا نضفه انا وسمعنا الباب نفتح
فرح شن ديرو وخيركم هكي تقول اشبح شن كنتو ديرو وتضحك
انا خوك قاعد يتحرش بيا
حكيم لا الموضوع هكي كبر وزاد عن حده كل شي الى الشرف كيف نقدر نعيش وانا مشروف
أنا وفرح هههههه
انا وين انتي مطلعه شنطتك
فرح ماشين لحوشنا
انا قصدك توا مروحين
فرح لاعندنا حوش هنا
انا بجديات
فرح هيا تمشي معانا
أنا نمشي شن بندير
فرح غيري جو وبعدين نردوك
أنا لا خليها يوم أخر
فرح نحنا غدوة مروحين
أنا ليش هكي بسرعه
فرح غير بري خشي اسألي امك وبوك وردي عليا
انا تمام
حكيم إمشي خشي أقنعي أمها تربحك وراس وخيتي
فرح بوس إيدي
حكيم بعدين نكسرهالك بري خشي
فرح خشت وسألت ماما
ماما شوفي بوك
بابا بري لكن المغرب تروحي
فرح انا نروح بيها
بابا تمام
لبست عبايتي وطلعت
أسامه نزلني هنا
حكيم كلمته انت متأكد إنه قاعد
أسامة ايه معاش دورني خلاص
فرح حكيم دهور بينا
حكيم لا للحوش طول
فرح هدي ليلى قاتلي قوليله
أنا شن قتلك هوا حتى السواقه مايعرف يسوق تبيه يدهور بينا
حكيم مانحب الوسط ماما خليني القدام نبي نتفرج ع الناس
فرح هههههه حي عليك حكيم راهو يشدلك لقطة ويكرهك فيها وهوا يقلد
أنا ببغاء وشادة الضحكة يضحك كيف يقول فيها
جارة ترتيل ايوا شفتي كيف تغيرتي مع القصة الجديدة خسارة كانك مش حامل راهو درتي صبغه
ترتيل حتى هكي حلوة
جارة ترتيل توا ألبسي من الدبش الى جبناه وديري روحك مريضة وفيك الموت باش يجي وسيم ويشوفك ولازم تدلعي وديري حركات
ترتيل تمام
جارة ترتيل انا بنروح توا وإحكيلي شن يصير معاك
حكيم نزل من السيارة وشرالنا شكلاطه وجيلاطي
فرح بجودة بيك أحلا اخ ف العالم
حكيم كل وحدة تعطيني بوسة نعطيها
يتبع