عشقت صوتك 24والاخيرة
بابا خلو وسيم يخشلها هوا الاول
وسيم خشلي انا شفته قعدت نبكي خيرك تبكي يامجنونة
انا ستاحشتك هلبة
وسيم أنى أكثر منك
وسيم المهم رجعتيلي بالسلامة ومعاش في شي بيفرق بينا
انا بنقعد على قلبك
وسيم انتي على قلبي زي العسل
انا نحبك
وسيم ليلى
انا نعم
وسيم طلع الخاتم تتزوجيني
أنا لا
وسيم نمشي نلبسه لغزلان
انا عينك ياقرد انت ملكي انا وبس
ولبسهولي
خشو بابا وماما وبو وسيم وأمه
فاتو يومين وخرجوني لغرفة عادية
غزلان منورة حبي اليوم
انا غزلان ستاحشتك هلبة تعرفي
غزلان وأنا أكثر
الدكتور شن حالك اليوم ياليلى
انا أحسن
الدكتور غدوة تقدري تطلعي
بابا الحمد لله وفات اليوم عادي والصبح روحنا
امي وام وسيم يزغرطو وكانو فرحانين
بو وسيم الفرحة نبوها فرحتين وبنطلو بنتكم ليلى لولدنا وسيم
بابا مش حانلقو خير منه لبنتنا وكان أحلا يوم ف حياتي
نسيبة ومودة ومندر دارو معانا مكالمة فيديو وكانو بيطيرو من الفرحة
وسيم وأخيرآ صارت ليا
مودة بشويا عليك مازال وراك العرس
نسيبة صدقتلك
انا اسكتو ع راجلي
مندر يابيوع وضحكنا كلنا
ف الليل
وسيم حبي نحنا غدوة مروحين
انا لا خليكم وين ماشيين
وسيم نوتي للعرس ونجي ناخدك طول العمر
انا وعد
وسيم وعد
والصبح ودعته بالدموع مش مصدقة بنفارقه كنت مغصوصة هلبة ومخنوقة خشيت وارتميت على سريري وقعدت نبكي وكل شوي نتصل ونطمن عليهم لين وصلو
سند اهلين أنستو
وسيم انت شن دير هنا
سند جاي نطلب ف السماح وانا والله تغيرت وتبت وبطلته السم الهاري وقررت بنتزوج
ام وسيم الحمد لله الى ربي هداك ياولدي
ابو وسيم ربي يسعدكم ويهديكم يارب
وطبعآ سند حب روان وخشت خاطره وقدرت تغيره
فات أسبوع وخطبو لسند
وسيم ستاحشتك
انا أكثر منك
وقررويكون عرس سند ووسيم مع بعض بعد العيد
وسيم حبيبتي انى بنمشي.للجبهة
انا لاوالله مش حانسامحك انت شن دخلك فيهم
وسيم هدى بلادي ماتعارضيلي عارفة انى نخدم ف الجيش
انا ومحل الملابس خيره
وسيم حبيبي اسمعيني وعد نرجع
انا كداب تبي تسيبني والله نموت بعدك
وسيم نحبك انا توا طالع وعد راجعلك نحبك يامجنونتي ادعيلي
كان يراسل فيا كل ليلة ويطمن فيا عليه وكنا نتكالمو فيديو وفى ليلة من الليالى اختفى ومعاش سمعنا عنه أي شي
شهرين وانى نراجي فيه ونبعتله ف الرسايل ع المسجنر بس هوا مختفي يارب يكون بخير لأني ستاحشته كلهم فقدو الأمل بس انا لا كل ليلة نسمع تسجيلات صوته لأني عشقت صوته
النهاية
القصة متع عشقت صوتك هيا نوعآ ما قصة حقيقة صديقتي ليلى تعرفت ع وسيم عن طريق النت وحبو بعضهم وكانت بينهم مكالمات فيديو هوا شافها بس هيا لا لانه يبيها تشوفه ع الواقع حبهم استمر سنة وهيا تعشق فيه من صوته بس للأسف مشى للحرب وهوا من المفقودين وهيا ع تواصل مع أمه وباقي القصة كانت هيا حابة تعيشها ودرتهالها رواية ادعولها ربي يطمن قلبها عليه واستنوني ف الجزء التاني من عشقت صوتك
أنت تقرأ
عشقت صوتك 🔥 ( روايات ليبية )
Roman d'amourللكاتبة : القطة الشريرة ، تتكلم الرواية عن حب الإنترنت ؟ و علاقة بين أتنين لا يعرفوا بعض و هيا تعشق صوته و هو يعشق صوتها ؟ فما مصير حبهم ؟ رواية حلقاتها قصيرة 🔥جدا و خفيفة 🔥❤️
