عشقت صوتك 🔥 ( روايات ليبية )

حلقة 7🔥

عشقت صوتك7
وقف وسيم السيارة وانزلنا وشدني حضني بقوة ويقولي. سامحيني
انا دموعي نزلو معاش تقول هكي حبيبي
وركبنا ووصلني للحوش وكان يودع فيا بعيونه
انا رنيت الجرس وفتح عمي الباب وحضني هوا وبابا وقعدنا نبكو
بابا شن يبو منك وليش خطفوك
انا طلعو ملخبطين
عمي مادارولك شي
انا لاياعمي وكلمنا ماما وطمناها وخشيت دوشت وماكانش عندي. تلفون باش نتصل بوسيم رقدت
عبدو راسي طبعآ من المخدر الى حطه ليه وسيم امتى رقدت وشن الى صار وجاء للدار الى انا فيها مالقانيش وقعد زي المهبول يدور عليا خش وسيم
عبدو وسيم البنت هربت
وسيم انا روحت بيها
عبدو كيف تبعيني وانا الى دايرك صاحبي
وسيم لو انا صاحبك ماكنتش كدبت عليا ف موضوع ليلى
عبدو بدا يضرب ف وسيم وصارت عركة عبدو كان طايح ع الأرض ووسيم كان طالع فجأة صوت رصاصة ووسيم طاح
وناض عبدو هرب
وسيم قعد يتوجع الرصاصة جاته ف ظهره وقعد يحاول يطلع التلفون ورن ع صاحبه مندر
مندر تمام مسافة الطريق  
وسيم فقد الوعي ووصل مندر ورفعه للمستشفى وخش للعملية 4ساعات
مندر دكتور طمنا عليه
الدكتور الرصاصة جاته ف العمود الفقري وحالته خطيرة لازم تفوت 24ساعة باش نطمنو عليه
انا كنت مضايقة وقلبي مقبوض وشرالي بابا تلفون وشفرة وتصلت بوسيم رقمه مقفل
عبدو هرب لتونس
بابا ليلى غدوة بنروحو وتي روحك
انا كيف بنروح وماطمنت على وسيم
رقدت وانا مضايقة ونضنا الصبح وفطرنا وطلع بابا الدبش لسيارة
ودعت عمي ومرته وانا نبكي وف الأصل دموعي ع وسيم
ام وسيم طمنا عليه يادكتور ولدي شن حاله
خش الدكتور عند وسيم وقعد يفحص فيه
وسيم مش حاس برجليا مش قادر نحركهم
الدكتور ماتخافش هدا من العملية بس
طلع الدكتور وطلعت ام وسيم ومندر معاه
الدكتور للأسف وسيم نشل وبيقعد مقعد
ام وسيم نهارت
مندر لاحول ولاقوة الا بالله
بعد اسبوع
انا نفسيتي دمرت سيبت دراستي
ووسيم خبروه ع حالته وطلع من المستشفى وكانت نفسيته تعبانة
غزلان نوضي يابنت خلاص ارحمي روحك
انا نبي نموت معاش نبي شي
غزلان بعيد الشر عليك معاش تقولي هكي
انا اكيدا عبدو دارله شي
ومرو 4شهور ومافيش أخبار عليه
اليوم التاني
ماما ليلى كلمتني خالتك وتبيك لولدها محمد
انا مانبيش نتزوج توا
ماما مش كل شي زي ماتبي سايرناك لأبعد الحدود وحتى بوك موافق
انا قعدت نبكي وصكرت ع روحي الباب وتصلت بغزلان جتني
مانبيش حد غير وسيم
غزلان كانه يحبك ويبيك دارلك حتى تلفون
انا مرات عبدو قتله يتبع