عشقت صوتك الجزء الثاني 6
انا ههههه ومن هيا تعيسة الحظ هدي
وسيم أسمعي ليلى أنا توا نتكلم جديات أنا تزوجت بس مش حبآ فيها ولاشي بس الظروف حكمت ومستحيل نحبها
انا مرسومه ع وجهي الإبتسامة العبيطة ممكن من الصدمة أو ممكن نراجي فيه يقولي نكذب عليك
وسيم والله والله ياليلى يشهد عليا ربي إنى نحبك أنتي وبنقعد نحبك لين نموت
أنا هيااا وسيم بلا برادة عاد
وسيم نحكي معاك جديات هيا توا ف حوش أماليها وبنمشي نجيبها نحطها ف حوشنا لأنى مستحيل ندخلها لحوشي قبل ماتخشيه أنتي
أنا بدو دموعي ينزلو أكيد بيقولي نكذب بعد مايشوف دموعي
وسيم حبيبي ماتبكي بالله عليك والله قلبي محروق ومكانك مستحيل يأخده حد
أنا مسهل الكلام عندك 6شهور وأنا نراجي فيك ودموعي شلال عليك وتوا جاي تقولي أنك تزوجت ومكاني مش خايأخده حد تي مكاني خدوه وتربعو فيه
وسيم لاماتحكيش هكي ليلى والله غصبآ عني
أنا قربتها
وسيم ليلى أسمعيني أنا رديت الجميل للراجل
أنا قربتها وسيم
وسيم كان مش بوها راهو علي صاحبي ميت
أنا تنهدت مسيتها معناها ياوسيم أول بوسة كانت ليها وأول حضن كان ليها وأول مسكت إيد كانت ليها
وسيم ليلى
انا صكرت ف وجهه وقفلت الهاتف ورتميت ع السرير وقعدت نبكي
وسيم ووواك شن يحلها معاها زعلت هدي
أنا ليش ياربي صار معايا هكي ياريته مات ولاسمعت منه أنه تزوج مش حانسمحه وحانطلعه من قلبي وعقلي وحياتي كلها
ماما ليلى ليلى
أنا مسحت دموعي نعم
ماما تعالي بوك مروح وجايين معاه الضيوف باش نديرو العشاء
أنا مش حانخبرها توا خليها لبعدين خشيت للحمام غسلت وجهي وطلعت للمطبخ وبديت نقرض ف البصل ولقيتها سبلة وتفكرت وسيم ودموعي بدو ينزلو
ماما تهدرز وانا مش معاها بكل
أنا ماقالك أمتى بيوصلو
ماما قال قريب يوصلو
أنا معناها نمشي نضم المربوعه وقولي لولادك معاش يلعبو فيها عندهم دار يقعدو فيها
ماما تلفزيونهم خارب مساكين وين بيمشو
أنا خشيت للمربوعه خديت فيها دورة مسحتها ورتبتها طبعآ بابا مايحب البخور لكن بخرتها عشان الضيوف وكنت كيف طالعه نسمع فيهم خشو حي مسرع وصلو وعلى أساس قعدت نجري خشيت ف الحيط بوووووم
وللأسف خشو شافوني وانا ماسكه جبهتي ونعيط
بابا ياساتر ياساتر
أنا رأسي معاش نشوف
عمي أسامة سلامات سلامات
حكيم يشوفلي ويضحك
بابا حولي إيدك خلي نشوف وكان مكان الضربة أحمر وقعد يمرس فيها
أنا دكرت إنى بلا وشاح ولابسة توتا ياعليك عار قدام الراجل وولده
بابا بري لأمك ديرلك ثلج توا تبري
أنا رفعت رأسي وجت عيني ف عين حكيم وياريتني ماشفته😋😍شي يرد الروح وخلاص خشيت لماما وأنا شادة راسي
ماما خيرك
أنا حكيتلها شن صار
ماما حي ياحي هذا حكيم شاف العار كله بعدين عادي مش قتلك بيحسابك مهبولة
أنا هاتي ثلج راسي نتفخ
بابا السلام عليكم
ماما وعليكم السلام الحمد لله ع سلامتك
بابا الله يسلمك شني ياليلى ديما نقولك معاش تستعجلي شفتي شن صار
أنا ماهو كنت هاربه لما سمعتكم خشيتو
بابا ديما ديرو حاجتكم بالوسع
حطينالهم العشاء وتعشو
أنا خشيت لداري وفتحت مناحة وقعدت نبكي لين رقدت
حكيم خسارة معاش شفتها هديكا المشفشفة والله شكله جو عليها
فاتو أيامات وحكيم وبوه روحو وانا حياتي نفس الروتين
بابا أسمعي يامراء
ماما خيرك
بابا كلمنى وسيم وقال جاي يبي يشوف ليلى
ماما ويتفضل وسيم توا زي ولدنا وأعز
وسيم خشي تفضلي
أم وسيم أهلين نورتي يابنتي
ترتيل تسلمي ياعميمة منورة بوجودك
وسيم أنا طالع ومرات مانرجعش اليوم
أم وسيم يحفظك الله ياوليدي
خشت ترتيل وتفرجت ع الحوش وخشت لدارها هيا ووسيم
ماما ليلى عندي ليك خبر بمليون دينار
أنا شن هوا الخبر
ماما وسيم جاي بيشوفك
أنا😰😰يشوفوني
ماما إيه هوا كلم بوك وقال جاي بيشوفك
أنا قوليله معاش نبيه
ماما إنتي مصدومه ولاتستعبطي ولاخير دعوتك مش هذا وسيم الى هبلتينا بيه كيف ماتبيه
أنا هذاك زمان بس توا لا لانه تزوج وحدة ثانية
يتبع
أنت تقرأ
عشقت صوتك 🔥 ( روايات ليبية )
Roman d'amourللكاتبة : القطة الشريرة ، تتكلم الرواية عن حب الإنترنت ؟ و علاقة بين أتنين لا يعرفوا بعض و هيا تعشق صوته و هو يعشق صوتها ؟ فما مصير حبهم ؟ رواية حلقاتها قصيرة 🔥جدا و خفيفة 🔥❤️
