عشقت صوتك الجزء الثاني17
خديته منه وإيدي لمست إيده
حكيم أحم أحم بنطلع نجيب عشاء عارفكم بايرات
فرح سلمه وخي الى يفهم
وسيم ناض هيا نوضي نروح بيك
ترتيل وبابا
وسيم نكلمه ونقوله روحت بيها
ترتيل تمام
وسيم كلم إبراهيم وخبره ورجعو للبيت
ترتيل وسيم غدوة عندي موعد مع الدكتورة
وسيم تمام غدوة نمشو
فرح غدوة نبي نمشي لدكتورة النساء عرسي قريب ونبي نسألها شوية حاجات
أنا نمشي معاك عادي
فرح ياريت
أنا تم
عمي أسامة السلام عليكم
أنا وفرح وعليكم السلام
عمي اسامة وبن حكيم
فرح مشى يجيب ف عشاء توا يجي
عمي أسامه غدوة نمشي نجيب القضية للحوش
فرح مش غدوة مروحين
عمي أسامة طلعلي شوية شغل مازال بنقعدو يومين ولاثلاتة
أنا معناها غدوة فرح بتروح معايا
عمي أسامة لاإنتي أقعدي معانا
أنا بابا مايخليني
عمي أسامة مالا كيف مايبي بوك خليه عليا
فرح ايه بابا قنعه بالله
جاء حكيم وجاب العشاء وتعشينا
جاد وإياد ليش تخلي فيها تبات عند صاحبتها ونحنا لا حتى نحنا بنمشو عند قيس
ماما واحد منكم يطلع من الحوش نقصله رجليه
فرح تهدرز ف التلفون
انا نتقلب يمين ويسار
حكيم فاتح التلفون ويتفرج ع صورتي
وسيم مقعمز البرا ويدخن وقاعد يفكر
ترتيل راقدة وهيا مبسوطة من الى صار بينها وبين وسيم
انا ندور ف صورة وسيم بس مهناش ياربي وينها زعما أنا مسحتها ف لحظة غضب لا مستحيل نديرها من لمس تلفوني وليش هيا بس الى مهناش ووصلني مسج ع النت
حكيم 🤔وينك
أنا ف حوشكم
حكيم 🤦♂️🤦♂️🤦♂️
انا راسك يوجع فيك
حكيم بعتلي صورته كان واقف ع البحر ولابس نظارات شمسية وسروال أسود وتشيرت أبيض
أنا مني هذا
حكيم هدا أنا وردبالك تمسحيها وأكتبي عليها سندي الأبدي
انا معناها إنت الى مسحت الصورة
حكيم وإحمدي ربك إنى مامسحت الإستديو كله الصور حوليهم ع اللابتوب ومعاش تتصوري
انا انت من سمحلك تدخل ف حياتي وشن عندك علاقة بيا وعيب تتدخل ف خصوصيات الناس
حكيم أولآ إنتي مش ناس إنتي حبي وانا بندخل تبي ولاماتبي وانا راجل غيور هلبة ولما شفت الصورة نجنيت وحدفتها معاش تحطى صورة حد الا صورتي تسمعي ولانجيك غادي
أنا حتى صورتك بنحدفها مانبيهاش
حكيم أمسحي وأنا نبعتلك عندي صور ناكل ونشرب وراقد ونايض وف البر والبحر
أنا غبي
حكيم بعتلي صورتي الى نقلها
أنا صورتي شن دير عندك
حكيم كنت بنأخد صورك كلهم لكن قلت هدي تكفي انى صارحتك وخبرتك لاني عارف الى درته غلط بس اهو حكيتلك وياريت ماتزعلي مني لأني مش نادم راه
أنا مانعرفش ليش مازعلت وليش ماحطيته ف الحظر ممكن لانه حلو تحصل حد يغار عليك ويتملكك مانعرفش بس حسيت بشعور حلو هلبة
ف الصبح لبسنا ومشينا للعيادة
فرح باهي رقم 5باش مانعطلو
أنا إيه وقعدنا نهدرزو ونضحكو
فرح خيرك
أنا وسيم يتبع
أنت تقرأ
عشقت صوتك 🔥 ( روايات ليبية )
عاطفيةللكاتبة : القطة الشريرة ، تتكلم الرواية عن حب الإنترنت ؟ و علاقة بين أتنين لا يعرفوا بعض و هيا تعشق صوته و هو يعشق صوتها ؟ فما مصير حبهم ؟ رواية حلقاتها قصيرة 🔥جدا و خفيفة 🔥❤️
