عشقت صوتك 🔥 ( روايات ليبية )

حلقة 15🔥

عشقت صوتك15
بووسيم هدي طلعت بنت الشخص الى سرق مني حب حياتي وجتني الفرصة باش ندمه ع عملته
حولت لداري الجديدة وكانت حلوة تهبل وكانت جنب دار سند
فى العشية كان وسيم مقعمز البرا وكانت بنت جيرانهم حاطة عينها عليه انى كنت مروحة من المحل ونشوفها عطاته بوسة ف الهواء ودارتله باي وكانت بتركب ف سيارتها
انا جيتها نجري وفتحت باب السيارة ونزلتها عطيتها طريحة وجبت كياس الزبالة حشاكم وحدفتهم ف سياراتها باش تتأدب
وسيم انتي شن درتي وكان فرحان بردة فعلي
مشت تجري خبرت خوتها وطلعولي زوز عراض وطوال
انا زمطت ريقي مع جية سند تفاهم معاهم وحل القصة
انا نوض خش ومعاش تطلع البرا
وسيم احبسيني وخلاص
انا نديرها وحق ربي
وخشينا ونحنا مبسوطين وقعدنا ف الحديقة رن تلفون وسيم ورد فجأة تغيرو ملامحه وخش وسيبنا ومعاش شفته
قعد بالي مشغول
الو نسيبة
نسيبة اهلين بسيمو
وسيم رجعت يانسيبة
نسيبة مني
وسيم كوثر رجعت
نسيبة حي شن رجعها هدى توا
وسيم قاتلي ان ناسها جبروها على الزواج وتوا طلقت ع خاطري وتبي تشوفني وتحكي معايا
نسيبة خيرك تحكي وكأنك فرحان
وسيم تعرفي صح كرهتها لكن لما سمعت منها قلبي رجع يدق مرة تانية
نسيبة وليلى
وسيم انا هدا ليش كلمتك
نسيبة نحس فيه فخ منها العقرب هديكا
وسيم ليش بتكدب عليا هيا تحبني
نسيبة فكر ف ليلى الى وقفت معاك وضحت عشانك
وسيم حتى كوثر طلقت عشاني
نسيبة غدوة نجي ونحكو
انا مشيت عند وسيم
حبي وينك اليوم مغيب
وسيم مش معايا ويفكر
انا الوووو نكلم فيك
وسيم اطلعي وخليني بروحي
انا مش طالعة
وسيم اطلعي قتلك خليني بروحي خيرك لصقة
انا زعلت هلبة وطلعت وسيبته
خشيت لداري وانا نبكي فجأة دق الباب وخش سند
انا تفضل
سند خيرك زعلانة
انا لازعلانة ولاشي
سند نسمع فيك وانتي تبكي
انا مضايقة بس
سند ممكن نقعد
انا تفضل وبدا سند يغيرلي فى جوي وضحكني هلبة
ف الصبح قعدت نتفادى ف وسيم وهوا ولاعلى باله ماحاولش يدورني ولايتأسف مني فات عليا اليوم كله نكد ف نكد
جت نسيبة وخشت لوسيم وقعدو يحكو وقرر انه يشوف كوثر ويحكي معاها
نسيبة ياريت تفكر ف ليلى ومصيرها
وسيم ليلى بنردها عند ناسها وبنتأكد انها بخير وحانقنعهم يرجعوها لدراستها ونكمل حياتي مع كوثر
وهدا كله صاير وانى زي الأطرش بالزفة
وفى الليل خش عليا سند وبدا يهدرزلي وانى درته صديقي ونحكو مع بعض ف الصبح لبس وسيم وتعطر وكان طالع يهبل
شاف فيا وقالي صباح الخير بس وطلع يتبع