عشقت صوتك 🔥 ( روايات ليبية )

حلقة 10🔥

عشقت صوتك الجزء الثاني 10
ف العشية حضرنا المحضر ولبست مروة البدلة الكبيرة وطلعت أحلا من لما لبست الفيلو
بعد العشاء
فرح ليلى هيا نوضي ألبسي
أنا وين
فرح نطلعو ف السيارة شوية
أنا والله ماخاطري
فرح غير هيا لولو وطلعنا
منتهى ومسرة حتى نحنا بنمشو
فرح لاأنتو أقعدو ماهو كان شافوكم باقي البنات بيقولو بنمشو حتى نحنا
انا وخليهم خيرك إنتي
فرح هيا أطلعي مادوريهم
طلعنا أنا وفرح ونلقى حكيم هو الى رافعنا
أنا السلام عليكم
حكيم وعليكم السلام وإنطلقنا
خدينا دوره ف ورفلة وبعدها مشينا للمحلات
فرح هيا إنزلي ليلى
أنا نزلت وقعدنا ندورو
فرح عجبك شي
أنا كل شي حلو
فرح خودي أي حاجة تعجبك وأنا نخلص عليك
أنا لاصحيتي حبي مانبي شي
لحقناحكيم وقعد واقف قدام الباب
قعدنا انا وفرح نشوفو ف الملابس والحاجة الى نقول عليها حلوة واجد تأشر لحكيم
روحنا مع الساعة11 وقعدت نهدرز مع البنات
ف الصبح نضنا وفطرنا وجت لحظة الوداع
فرح ووووه عليا تعودت عليك ومانحب الوداع
أنا نرجع ف عرسك إن شاء الله
سلمنا عليهم كلهم وسلمت ع عمي أسامة وركبنا ف السيارة توقعت إني بنشوف حكيم لكن كان مختفى
ف الطريق بابا وقف فجأة
ماما خيرك شن فيه
بابا حكيم ورانا
انا تلفتت وشفته جاي جيهتنا
بابا فتح الروشن مسرع استاحشتونا
حكيم قبل بنديرلكم بوابة وهمية وبنخطفكم
بابا ههههه وينك اليوم مش باين ف الصورة
حكيم والله شن بنقولك خليها ف سرك وخلاص غير قلت نلحق عليكم نعطيك بنزينة قالو ناقصة ف الشيال
بابا بارك الله فيك ونزل رفع منه البنزينة
جاد ليلى نبي جيهة الروشن
أنا لا مافيش
جاد شن انتي ديما مادة وجهك جيهة الروشن حولي
أنا قتلك لا
جاد بابا ويعيط
ماما خيركم حشمتونا
أنا كلميه ولدك خير مانحدفه من الروشن
جاد بابا
بابا فتح علينا الباب تي خيركم يامصايب
جاد ماتبيش تخليني جيهة الروشن
أنا ماتشفولي الوسط مانحبه
حكيم يضحك
بابا إياد خلي خوك جيهة الروشن
اياد انا قاعد ع حالي وهدي ديما جيهتي ولو سمحتو ماحد يكلمني
بابا ليلى إنزلي شن تبي فيه الروشن توا أصلآ بتقابلك الشمس
أنا نبي نتفرج ونشوف الدنيا
بابا قلت إنزلي
انا ماما إنزلي وخليني القدام
بابا إنزلي قتلك
نزلت وانا مادة شواربي وطايرتلي
بابا واقف جنب الباب وانا واقفة جنب حكيم
حكيم تستاهلي
أنا شفتله وضحكت
ركبت ف الوسط وكملنا الطريق
وصلنا مع العصر تريحنا ونظمنا أمورنا وبعد ماغسلت ماعين العشاء رنيت ع وسيم
وسيم ستاحشتك ووااااااجد
انا نكرهك
وسيم كذابة
أنا سمعت إنك مرضت ليش مش راد بالك ع روحك وخيرها هديكا مش رادة بالها عليك
وسيم مافيش حد يرد باله عليا الأ إنتي وانى مرضت لأنك زعلانة مني وأول ماشفت رقمك ع هاتفي رجعتلي الضحكة والفرحة وصحتي
أنا ياسلام ياسلام ع الكلام والغرام
وسيم ليلى نحبك بالله عليك معاش تسيبيني
أنا فكرت قبل مانكلمك وفكرت هلبة الشي هذا صعب عليا بس حبي ليك أقوى من كل شي مانبيش نخسرك عشان ترتيل ولاحد تاني نزعل منك صح بس مستحيل نسيبك لغيري انت ليا أنى وبس
وسيم ياعمري إنتي والله نحبك هلبة ونموت فيك ووعد هدي أخر مرة نزعلك فيها
أنا اصلآ كان زعلتني مرة تانية بنقتلك وبنقتل روحي ومرات مانقتلش روحي لأنى الموت مش ساهلة
وسيم لكن عادي أنا نموت ياحيوانة
أنا تموت فيا بس
وسيم ربي يخليك ليا يانوارة حياتي
أنا باهي قولي غير أنها ترقد معاك وتاكل معاك وتشوف فيها كل يوم فيه شي تاني مانعرفاش
وسيم لا كل شي اهو تعرفيه
انا متأكد
وسيم أكيد حبيبي
أنا نطمن يعني
وسيم أكيدا ياعمري
أنا نحبك ونموت فيك
وسيم هدي هيا الى نراجي فيها من بكري
وكملنا هدرزة للفجر وبعدها رقدت ونسيت أنه عندي إمتحان
ف الصبح
ماما ليلى نوضي الساعة 10
أنا شن هوا حي فاتني الإمتحان
فاتو يومين وحكيت لماما إنى رجعت أنا ووسيم وحكت لبابا
نسيبة أكبر غلط درته ياوسيم كيف ماخبرتها
وسيم ماقدرت قلت نحطها تحت الأمر الواقع وخلاص
نسيبة غلط ياوسيم والله حاضيع روحك هكي وحاتزعل منك هلبة
وسيم ع الاقل تزعل عندي ونعرف كيف نرضيها بعدين
نسيبة من رأي تخبرها ياوسيم قبل
وسيم كان خبرتها بنخسرها
نسيبة إنت أدرا دير رأيك
فرح طلعت مخطوبة
حكيم كيف ماعرفتي إنتى هالشي
فرح والله مانعرف أنا ماسألتها وهيا ماجابت سيرة وماكانت لابسة لادبلة ولاشفتها تتكلم ف التلفون
حكيم نصيب
فرح ماتزعل توا تجيك الى أحسن منها
حكيم إن شاء الله خير
ماما كان نقولك حاجة مستحيل تصدقيها
انا شن هيا
ماما اسامة كلم بوك وقال يبيك لحكيم
انا وأنا نقول خيرها فرح تشكر فيه
ماما الحق هوا مشاء الله عليه
أنا ربي يبعتله نصيبه
بابا لمو دبشكم فيسع
انا وماما خيرك شن فيه
بابا خوي مريض هلبة ودخلوه للمستشفى
يتبع