عشقت صوتك 🔥 ( روايات ليبية )

حلقة 14🔥

عشقت صوتك14
بو وسيم سامحينا يابنتي ظلمناك
انا عادي اهم شي انه رجع وقف ع رجليه
كانت أول مرة يشوفو ملامحي لاني كنت متحجبة ودايرة الكمامة ومانحولش فيها الا جنب وسيم كان لوسيم خو اسمه سند كان يشوفلي من فوق للوطة وكان متع سكير وحشيش
خشينا رقدنا
نضت الصبح ندير ف الفطور
ام وسيم شن ديري انتي
انا ندير ف خدمتي
ام وسيم لايابنتي ماتقوليش هكي توا انتي بنتي الى ربي عوضني بيها
انا تسلمي ياخالتي لكن بندير الفطور
ام وسيم بري فطري وسيم وانا توا نحط للباقين
انا مشيت لوسيم وكيف العادة قربت على ودنه وعيطت ياقررررررد
وسيم شدني من يدي وجبدني عنده توا شن ندير فيك وعضني ع خدي بقوووة
انا حول يامتوحش ياغبي
وسيم معاش تعاوديها وباسني ع مكان الضربة
انا شورك ماصدقت
وسيم اسكتى وانتى خشمك كيف حبة البطاطا
انا محسود خير منك الى خشمك واقف
وسيم نحبك
انا وأخيرآ وقعدت نقز ع السرير
وسيم لاياحمارة انزلي يتكسر وخشت علينا امه
انا تحشمت ونزلت
وسيم ياماما كنتك مجنونة راهي
ام وسيم هدي بنتي مش كنتي
وسيم كيف حالك ياأختي
انا لا مش أختك
ام وسيم هههههه
انا افطر باش نبدو ف التمارين
خشت علينا نسيبة حبيبي وسيم صباحك ورد
انا حبيب مني ياروح أمك وشديت ف رقبة وسيم هدا حبيبي أني وبس
نسيبة ربي يخليكم لبعض يارب وهوا طلب مني نحبه
انا اصلا عارفة
وسيم كيف عرفتي
انا لاني سمعتها تكلم فى كبيدتها وتحكيله
طلعنا للحديقة وبدينا ف التمارين لعند الساعة 11 خشيت دوشت وكنت ف القبو وكان الباب مردود وكان سند نازل بيجيب عدة الصيد وقعد يتفرج عليا وأني نغير
سند كيف مالاحظتها البنت هدي من قبل جت برجليها لعندي ورفع عدته وطلع
ام وسيم يابنتي بنعطيك دار الفوق معاش تنزلي للقبو
انا حتى لوطة متريحة عادي
ام وسيم لايابنتي هداك مكان الشغالة الجديدة وفاتو ايام ووسيم بدا يمشي لكن مداير عكازات وكان يطلع ويخش وتحسن عن قبل بهلبة وسند قاعد يراقب فيا وانى كنت أسعد إنسانة لأني حصلت عيلة وقاعدة مع حبيبي
وسيم ليلى انتي لازم ترجي لحوشكم
انى بويا يقتلني
وسيم لا انا معاك ماتخافيش
انا والله بابا واعر يدبحني
وسيم انى بنرجعك لحوشكم وبنطلبك من بوك
انا تزوجني هنا من غير افلام زايدة
وسيم مش رجولة ف حقي هدي انتي أمانة ولازم نرجعها
انا خايفة نخسرك بعد مالقيتك
وسيم انا معاك ماتخافي من شئ
بو وسيم كان خاش ولقى بطاقتي الشخصية طايحة وقرا اسمي الكامل
بووسيم لامستحيل يتبع