عشقت صوتك 🔥 ( روايات ليبية )

حلقة 14🔥

عشقت صوتك الجزء الثاني 14
شروق ماني عارفه شن بنقولك لكن ان شاء الله تنحل ياوخيتي
ابرأهيم أهلين يابنتي كيف حالك
ترتيل باست ع راس بوها الحمد لله مستاحشتك يابوي
ابراهيم والله قعد مكانك فاضي
ترتيل ربي يحفظك ليا يارب
ابراهيم وين وسيم ماجاء معاك
ترتيل كان خاطره يجي لكن عنده عمل ولما جت شروق قتلها بنمشي معاك
ابراهيم ربي يعاونه يابنتي
وسيم ترتيل ترتيل
ام وسيم حتى الفوق مهناش
وسيم وين بتكون زعما وتصل بيها لكن تلفونها كان مقفل
أم وسيم لاحول الله ياربي وين بتكون وسألو عمي عادل
عمي عادل راحت مع وحده ست تقريبآ كان اسمها شروق
وسيم هدي مشت مع أختها
ام وسيم كلم بوها وشوفها كانها غادي
عمي إبراهيم عمرك طويل سألت عليك ترتيل وقاتلي عندك عمل
وسيم فهم ان ترتيل ماخبرت بوها بشي
ايه والله ف الجايات ان شاء الله
ابراهيم ان شاء الله وهدرزو شويا وسكرو
حكيم خيرها ماقبلت الطلب الفرخة هدي كان نشدها نعضها
أنا شن صار لو مافتحت فمك هذاك اليوم ولاخطبتها ورجعتلي وتوا نوتو لعرسنا ومبسوطين اااخ ياوسيم وجعتلي قلبي والمشكلة كدبت عليا وبتولي أب كيف تبيني نقدر نتحمل الشى هدا كله فتحت النت وقعدت نقلب ف الفيس لقيت طلب صداقه من حكيم
انا حي حكيم هدا خلي نتبرد عليه وبعتله رسالة ترحيب
حكيم😒😒
أنا ممكن نتعرفو ياحلو
حكيم إحترمي نفسك انا إنسان مرتبط ونحبها هلبة
أنا قصدك خاطب انت
حكيم لا
انا مالا كيف مرتبط
حكيم قلبي مرتبط بقلبها
انا مالا ليش باعتلي طلب صداقه
حكيم بالغلط جاك
أنا 🙄🙄🙄
حكيم وانتي مافيش من رابطك قصدي مرتبطه
انا لا
حكيم ممكن نحدفلك حبل ونربطك فيه
أنا هههههه مانحسابك بارد
حكيم كان تشوفي إنتي كيف طلعتي ثلج
انا ههههههه شن الجو
حكيم الحمد لله وانتي
انا تمام
حكيم ع سلامة عمك وشن حاله توا
أنا الله يسلمك الحمد لله أحسن
حكيم حدفتلك الحبل خيرك ماشديتيه
أنا لأني نخاف نشده وينقطع بعدين ولاترخيه انت
حكيم تعرفي انا راجل مانحبش الكلام لأن الكلام حتى العيل الصغير يقول فيه بس أنا نبيك تشوفي الفعل بس
انا خلينا منه الموضوع هدا مش وقته توا
حكيم ايه مش وقته لكن لما يجي وقته بنعلق عليك
أنا 🙃😎
حكيم مجنونة
أنا غبي
حكيم أرقدي توا وغدوة نوضي بكري وديري الغداء
أنا لا
حكيم يابايرة
انا مش بايرة
حكيم مالا شن
انا مانحبش نتحرك بس
حكيم ههههه بايخة ارقدي قتلك
أنا تصبح ع خير
حكيم غدوة طيبي الغداء وصوريه ليا باهي
انا باهي
حكيم تصبحي ع خير وكوابيس سعيدة
انا 😂😂😂
حكيم جنس الخوف مافيك يامشفشفة
أنا الكوابيس تقصد بيهم إنت
حكيم ردتيها ياغولة
انا مالا تبيها تبات فيا
حكيم خلاص ارقدي مكثر دوشتك
أنا 😔😔زعلت
حكيم طربقي
أنا🥺🥺
حكيم واحد تنين ثلاتة هيا سكرت وداني
انا🤮🤮
حكيم ههههههه والله إنتي الا جو مش هكي ياغبية
أنا ندرهلك كبدك الليلة
حكيم بننسحب انا ههههه بون وي
أنا بون مي
حكيم تعالي تعالي
ترجمي شن قلتي
انا إنت قلت وي نحن وانا قلت مي انت
حكيم نهنيك ع الغباء تستاهلي كأس التفوق البقري
انا ردبالك حد يسمع يحسدوني
حكيم والله الهدرزة معاك ماتنمل بكل يامشفشفة
أنا عارفة 😎😎
حكيم 😘😘
انا🐸🐸
ف الصبح نضت وأنا نتفكر ف هدرزتي مع حكيم ونضحك
ماما بنطلع عيال عمك بنغيرلها جو واقعدي إنتي مع عمك وديري الغداء
انا يافتاح ياعليم شن خدامة تحسابوني
ماما ف العشية نطلعك
أنا باهي توا نشوف العشية متعكم هدي
نسيبة وانت ليش ماتصلت بيها وراسلتها
وسيم حطتني ف الحظر
نسيبة تستاهل الكذب عمره ماكان حل لأي مشكله
وسيم شكلي خسرتها لأبد
نسيبة مش ساهلة عليها
أنا لابسة قفطان ورابطة وشاح ع خصري ونطيب ف الغداء نسمع ف الجرس يرن جاد اياد افتحو الباب بس ماردو عليا
أنا اكيد هما الفروخ طلعو وتسكر عليهم الباب
انا طالعة ومدايرة شعري الفوق وماسكة الكاشيك متع الخشب توا بالله شن مطلعكم ف الشمس ماتحسوش إنتو وفتحت الباب وياريتني كنت نملة وعفس عليا واحد سمين ومتت
اسامه لا مانحسو الله غالب زي الجمال نطلعو ف الشمس والريح والصقع والنو
حكيم وفرح يضحكو
أنا والله نحسابكم جاد وإياد
عمي أسامه يضحك مافيش تفضلو
انا تفضلو تفضلو
سلمت ع فرح بالأحضان
حكيم مدلي يده
انا والله تلخبطت كنت بنسلم مديتله الكاشيك وبعدها رجعلي الضي وسلمت عليه تفضلو انستو
عليك عار منظري زي الشحاتة
دخلتهم للمربوعه
اسامة وين بوك خارج التغطية
أنا مافي حد طلعو
ونوضت عمي وسندته وانا طالعة مسكني الباب من الكم ورجعني للخلف
أنا بنقتل روحي
حكيم ياساتر
أنا شفتله نظرة سريعه وهربت
فرح هههه منظرك طالع تحفه
انا ليش ماقلتي جايين ياحيوانه
حكيم قال خليها مفجأة
انا ف خاطري هدا باش قالي طيبي الغداء
فرح وين مشيتي
أنا معاك وين أمك ومسرة ومنتهى ليش ماجو
فرح انا بالسيف خلوني نجي معاهم
خشيت للمطبخ ودرتلهم ضيافه ع السريع
انا فروحه ارفعي للمربوعه
فرح لاياحنه مانقدر نخش ع عمك
انا مصحك وانا خيرني نخش ع بوك وخوك
فرح مش اول مرة تشوفيهم
انا والله مولية الخدامة وراجل الحوش ومسعود ولد جيرانا
فرح هههه ومطلقه وارمله وكله راكب معاك
انا توا نوريهم هدوك الزوز وامي هدي تبي محاضرة طويلة عريضة
فرح وسعي بالك ياودي
أنا حولت الوشاح الى كان ف خصري ولبسته ف راسي وخشيت للمربوعه
حكيم يشوفلي وانا حاسة انه يشوفلي وخليكم ماسكة الضحكة بالسيف
عمي أسامه يتكلم ف التلفون ولأنه التغطية ضعيفة طلع
أنا وقفت جنب حكيم ومديتله السفرة
حيكم خدا طاسة العصير وقعد يشوف للحلويات نأخد هدي ولاهدي شن رأيك إنتي
انا هيا اي وحدة ظهري نكسر
حكيم هدي ولانقولك هدي لالا خلاص هدي
أنا اخر مرة هيا خودهم كلهم
حكيم مافيش كيف تقعدي معانا ستاحشتك
أنا 🤪 قريب دخت احم ااحم اااااااحم
حكيم يضحك بري خلاص
انا عمي تشرب عصير
عمي لا مانبيش
وخش عمي اسامة وضيفته وكلمت بابا
خشيت للمطبخ حسيت ان الغداء شوية توا كيف بندير والظهر قريب يأذن أحسن شي ندير بازين الطبيخة ف طنجرة الظغط ويطيب بسرعه وعاودت تحزمت ياكبدي
رجع بابا وماما وعيال عمي
وطاب الغداء وتغدو
فرح يسلمو إيديك
انا الله يسلمك
بابا ليلى ليلى
أنا نعم
اسامة يسلمو ع الغداء بازين مش عادي السر ف يديك ولاف الكاشيكة
أنا هههه صحتين
بابا شوفي عمك شن يبيك
انا مشيت عند عمي
وسيم جت منها هيا بنمشي نطلقها وخلاص والولد يقعد عندها يتبع