عشقت صوتك 🔥 ( روايات ليبية )

حلقة 18🔥

عشقت صوتك الجزء الثاني18
أنا إيه وقعدنا نهدرزو ونضحكو
فرح خيرك
أنا وسيم
وكان جاي وماسك ف إيد ترتيل ويضحكو
فرح وينهم
أنا ماتشوفيلهم بكل
وسيم وقف وقعد يشوفلي وطلق إيد ترتيل
قعدت نهدرز مع فرح ونضحك ومن داخل نأكل ف روحي المفروض هدا مكاني أنى وانا الى جاية معاه بش نطمنو ع البيبي
ترتيل وسيم
وسيم نعم
ترتيل مش هادي ليلى ودارتلي باي
أنا أسمعي فرح توا نجي بنمشي نسلم عليهم
فرح أوكي
أنا ياهلا وغلا وسلمت عليهم
ترتيل كيف حالك
أنا تمام تعرفو كيف نتبهتلكم من امتى إنتو هنا
ترتيل قبل شوي
أنا وسيم خيرك ساكت مش من طبعك قبل كلامك هلبة
وسيم شن أخبارك إنتي وشن ديري هنا
أنا جاية مع أخت خطيبي بتعاين
وسيم شن هوا خطيب شن وأمتى نخطبتي ومن هوا هذا
انا ولد صاحب بابا ماتعرفاش إنت
وسيم انتى ليا انى وبس وماتفكريش حانخليك ف حالك
انا وطي صوتك انا كنت ليك بس إنت سلمت فيا بالساهل وجاء الى أرجل منك وخداني
وسيم وعاض ع سنونه ليلى ردبالك تحاولي تستفزيني لأنك تعرفي مني وسيم وشن هوا الى يقدر يديره
انا هههه وسيم يعرف يضرب ع صدره ويتجوز بنات الناس ويجيب منهم ولاد بس
وسيم نوضي انتي
ترتيل بس
وسيم قلت نوضي
انا طريقكم بيضة ورجعت لمكاني
فرح شن صار الواضح كان فيه عركه
انا صار الى لازم كان يصير من زمان
وحكيتلها القصة كاملة
فرح مقوى قلبك يابنت كاني مكانك راهو دموعي بحر قدامه
أنا ونخليها تشمت فيا مستحيل
الممرضة رقم 5 وين
فرح موجوده وخشت وخلت تلفونها معايا
أنا هذا حكيم يتصل ورديت الو
حكيم فرح خيره صوتك ولا حلو
انا هذا لأنك بديت مذوق وراقي
حكيم انتي تبي طريحة نباش القبور ياليلى
أنا وإنت تبي القتل
حكيم وين أختي
أنا اختك كيف خشت
حكيم باهي اطلعي كسدي معايا
أنا شن هوا ياسخيف
حكيم ياودي نبصر نشوفك طالعة نقتلك
أنا بنطلع شن دخلك خويا ولابويا
حكيم راجلك أني وأسمعي الكلام
أنا سكرت عليه ناقصة مجانين أنا
حكيم الفرخة هدي غير كان نحصل عليها
كملت فرح وطلعنا
أنا وصلوني للحوش
فرح لا حوش شني بابا كلم عمي محمد وقال خليها تقعد
حكيم هيا للبحر توا
أنا باهي تمام
مشينا للبحر
أنا من توا مانعرفش نعوم بنقعد نتفرج وخلاص
حكيم تعالي نعلمك
أنا لا
فرح هيا حبي لازم تجربي
أنا مستحيل
حكيم فرح تعالي شويه
فرح خيرك
حكيم توا أنا بندير إستعراض خليها مركزة عليا وبعدين دخليها للبحر ودفيها باش تغرق وانا ننقدها وبعدها هيا تبوسني وتحضني ونتزوجو
فرح خيالك واسع هلبة نقص من الهبال
حكيم أسمعي الكلام وديري شن قتلك
فرح امتى بنرتاح منك
وسيم والله لما ندمه ع اليوم الى فكر فيه انه يقرب ليلى ويخطبها
ترتيل خلاص وسيم أنساها البنت كملت حياتها ونخطبت والواضح انها فرحانه
وسيم يتبع