عشقت صوتك 🔥 ( روايات ليبية )

حلقة 13🔥

عشقت صوتك الجزء الثاني 13
حكيم طيري ايميلها وعندي وتوا نجيبها بطريقتي
فرح ورينا فلاحتك
حكيم توا تشوفي
ترتيل وسيم خيرك ماتعشيت
وسيم ماردش عليها
ترتيل وسيم وسيم
وسيم وهوا معصب مانبيش نرد عليك أطلعي البرا وياريت لو تطلعي حتى من حياتي لأنك من يوم خشيتيلها خربتيها
ترتيل قعدت تتبكى حرام عليك وأنا شن ذنبي إنت لضربت ع صدرك وقلت نتزوجها ونسكت الناس مش أنا الى قلت ع شان جاي تلوم فيا ليش وقتها ماقلتلهم إنك خاطب
وسيم أنا درت الشي هدا عشان بوك بس لأنى خشيت حوشه وقعدت ف حمايته وبسببي الناس قعدت تتكلم عليك كيف تبيني نرد الجميل نروح ونتزوج ونعيش حياتي وبوك يقعد يسمع ف كلام الناس
ترتيل بابا الى بيسمعه مش إنت بعدين الناس معروفين القصه يشدوها فترة وبعدها يفوتها لكن انا شن ذنبي نقعد نتعدب وولدنا كيف بيصير فيه
وسيم أطلعي البرا مانبيش نغلط فيك
ترتيل طلقني ياوسيم
وسيم قتلك أطلعي ودفها وسكر الباب
حكيم زعما نكلمها توا ولانخليها يومين تانيات أنا نبعت الطلب على الأقل نشوفها بتقبله والأ لا وبعدها ساهل
اما أنا فسكرت النت ورقدت
ف الصبح طلع عمي من المستشفى
أنا عمو ع سلامتك ياغالي
عمي والكلام ياذوب طالع منه الله يسلمك
انا معاش تخوفنا عليك
عمي عمك هذا كبر ومعاش ينفع خلاص
أنا لامعاش تقول عارفتك مازال شباب غير تدلع وتخوف فينا
أغلب وقتي كان مع عمي ومانفارق فيه الى وقت يجي الدكتور
بابا ليلى بنتي أنا بنحكي معاك ف موضوع
أنا إن شاء الله خير
بابا عمك حالته مازال تحت الخطر وزي ماإنتي عارفة ماعندي الا راس خو ف هالدنيا وانا مانبيش نفارقه وهو طلب مني نقعدو معاه مايبيش يموت بروحه وف نفس الوقت عندي إنتي راس بنت ومانبيش نضيع عليك قرأيتك ونبيك تتخرجي ونشوفك ف أعلا المراتب
أنا وقفلي قيدي حتى أنا ماعنديش أغلا منكم وعمي مسكين من طول عمره معتبرني زي بنته
بابا ربي يبارك فيك يابنتي
توا أنا طالع للصيدلية ماتبي شي
انا لاسلامتك وطلع
ماما ومرات عمي قاعدات الداخل يهدرزو مع الجيران ورن الجرس
أنا هدا بابا أكيد نسى حاجة وفتحت
أم وسيم السلام عليكم
أنا ماتوقعتها تكون هيا وجاية مع وسيم وعمي زياد سلمت عليهم تفضلو
عمي زياد بارك الله فيك يابنتي وين بوك
أنا بابا طلع للصيدلية توا يجي
وسيم وزياد خشو للمربوعه
وام وسيم خشت للصالة
درت القهوة ومافيش من يرفعها للمربوعه جاد وإياد طلعو للبحر
ماما أرفعيها إنتي وخلاص
أنا خشيت للمربوعه ووسيم عيونه فيا بس أنا حاقراته شن حالك باعمي زياد وشن مداير
زياد ف نعمة يابنتي شن حالك إنتي وشن حال دراستك
أنا بنوقف قيدي ع خاطر بنقعدو مع عمي لين يتعافى وحطيت السفرة ع الطالولة
زياد فيها خير إن شاء الله وربي يشفى عمك
أنا أمين يارب وشديت عمي من خدوده عمي مافي شي غير يدلع بس
زياد ووسيم يضحكو زياد معاك حق نحنا لما نكبرو نرجعو زي الصغار ونقعدو ندلعو باش نلقو من يدلعنا مع خشت بابا
بابا السلام عليكم
كلنا وعليكم السلام وطلعت
لقيت وسيم باعتلي رسالة ستاحشتك وستاحشت لقهوتك
انا دموعي نزلو ليش درت فينا هكي ياوسيم إنت السبب
أم وسيم خشتلي ف المطبخ وكانت جايبة السفرة
انت ليش تعبتي روحك
ام وسيم تعبك راحه أصلا جاية بنحكي معاك
أنا تفضلي
أم وسيم وسيم حكالي ع كل شي يابنتي مش تقولي جاية مع ولدها بس وسيم دس عليك باش مايخسرك والله هوا قاعد بين نارين وعده لأهل البنت وخوفه إنه يكسرك
أنا يتحمل نتيجه اعماله ليش يدير من الأول حاجة هوا مش قدها
أم وسيم شوفي إنتي حطي روحك مكانه
ياريت تفهمي يابنتي انه يحبك إنتي مش ترتيل
أنا عارفه ياعمتي بس الشى هدا صعب عليا وهوا كسرني مانقدرش نسامحه الموقف الى نحطيت فيه أمس صعب ومستحيل نقدر نعيش مع شريكة
أم وسيم زيدي فكري يابنتي انا مانبيش نضغط عليك
أنا إن شاء الله خير
شروق خبرتيهم إنك مروحه
ترتيل وهيا تسكر ف الشنطة أنا أخر همهم ومش فارقه معاهم زي قاعدة زي لا بس ردبالك تخبري بوي
شروق ماني عارفه شن بنقولك لكن ان شاء الله تنحل ياوخيتي يتبع