عشقت صوتك 🔥 ( روايات ليبية )

حلقة 11🔥

عشقت صوتك11
وسيم البنت هدي مجنونة ضيعت روحها من ورايا لازم نردها عند هلها مستحيل نخليها عندي
الو نسيبة
اهلين وسيم ياأحلا ولد خالة عندي
وسيم حكالها القصة بما أنها صديقته المقربة
نسيبة والمطلوب
وسيم تمتلي دور حبيبتي
نسيبة بس
وسيم عشاني
نسيبة تم
انا ووواك ظهري بيتكسر الله يلعن الحب على ساعته
وسيم مستاحشها بنطلع نشوفها وطلع
ام وسيم وأخيرآ ياوليدي طلعت من دارك نورت الحوش وخوته شكلهم يحبوه قعدو يحكو معاه وانا خشيت للصالة بنضفها وكانت واسعة وكبيرة خوته طلعو وقعد هوا بس مقابلني كنت واخدة زاوية ونضف فيها وهوا يتفرج ع التلفزيون ويشوفلي
انا شفت مالقيت حد مشيتله
انا ستاحشتك وبوسته ورجعت لمكاني
وسيم كان حزين ومقهور
انا بديت نديرله ف حركات عبيطة بوجهي وايديا
وسيم معاش قدر يتحمل وقعد يضحك بصوت عالي كان يجنن وهوا يضحك جت امه تجري يارب دوم عليك الضحكة من زمان ماسمعتها وقعدت تبكي
انا ووواك ع النكد ماصدقت ضحكته جاية تتبكى جنبه
وسيم خلاص يام معاش تبكي دمعتك غالية
نسيبة خالتي شن حالك وجايبة دبشها
انا هدي شن جاية تبي
ام وسيم اهلين بنور عيني
نسيبة جبتو خدامة جديدة
انا قداش ماخاطري نتفلها شعرها الى مطلعاته وقعدت تتدحنس ع وسيم وتمس فيه
انا مقهورة بنموت الغيرة تاكل فيا
نسيبة تعالي سيقى من هنا
انا لحقتها وكنت رافعة سطل فيه مية
نسيبة ياخدامة تعالي نظفي هنا
انا على اساس بنظف بزعت عليها سطل المية على سروالها ورجليها
نسيبة قعدت تعيط جت ام وسيم مخلوعة شن فيه
نسيبة تتصنع بزعت عليا المية
ام وسيم بدت تهزب فيا انتي وين عيونك وليش درتي هكي
انا مش قصدي مانتبهتش
ام وسيم اخر مرة تعاوديها
انا حاضر وكملت شغلي ودموعي شلال
وسيم ف خاطره اسف بس لازم تكرهيني وتعيشي حياتك
اوسيم عائشة كملي وبري ديري العشاء
انا باهي
وطيبت هداك العشاء الحمد لله امي معلمتني كل شي
ام وسيم حطي لوسيم بروحه
وسيم لاانا بنتعشى معاكم
ام وسيم وبوه وخوته فرحو
انا حطيتلهم عشاهم
وتعشيت ف المطبخ وغسلت الماعين وخلاص كنت بنرقد معاش نشوف
ام وسيم بري لدار وسيم وطلعي منها الدبش باش تغسليه غدوة
انا ركبت ولقيته متصطح ع السرير
انا حبيبي
وسيم انا مش حبيبك
انا نحبك باهي
وسيم نكرهك
انا هلبة عليا الرومانسية متاعك مانتحملش فيها
وسيم ضحك
انا ربي مايحرمني من الضحكة الحلوة
وسيم يابنت الناس بري عيشي حياتك انا مقعد مانبيكش تتمردي معايا انسيني يتبع