عشقت صوتك 🔥 ( روايات ليبية )

حلقة 7🔥

عشقت صوتك الجزء الثاني 7
ماما كيف تزوج وليش هدا وين فتحتي فمك ليش ماقلتي من الأول
أنا لأني نحسابه يبصر معايا
ماما لكن المفروض امه خبرتني ولابوه خبر بوك
أنا شن تبيهم يقولو ولدهم تزوج
ماما خلي نخبر بوك معناها بش يتصل بيه ويقوله لايجي لايتعب روحه
انا لاخليه توا نشوفه أنا ونقولها ليه ف وجهه باش يفوتني
ف الصبح لبست وكنت ماشيه للجامعه
ماما وين ماشية وسيم اليوم جاي
أنا وكانه جاي يراجيني لين نروح دراستي أهم
ترتيل عادي نمشي معاك
وسيم وين تمشي معايا هدي حياتي الخاصة وياريت معاش تتدخلي فيها
ترتيل خايفة تمشي ومعاش ترجعلي
وسيم راجع ان شاء الله
ترتيل عارفه مش وقتها بس أنا حامل
وسيم 😱😱😱كيف صار هكي
ترتيل تسأل فيا هذا ولدك ياوسيم
وسيم بدون ولاكلمة طلع يجري وركب ف السيارة
ماما قعدت طيب ف الغداء
وصل وسيم وأستقبله بابا ورحب بيه وقعدو يهدرزو
بابا هو الى درته انت صح وغلط ف نفس الوقت بس شن بنقولك البنت ستناتك هلبة ونحنا كنا شاهدين ع حالتها ف غيبتك ومافيش عيلة ترضى ان بنتها تجي ع ضرة ولاتجي عليها ضرة بس أنت مش اي واحد ومدايرك زي ولدي بالزبط والقرار الاول والأخير عند ليلى
وسيم بارك الله فيك ياعمي بس نبيك تضغط عليها لأنها مش حاترضى وعارفها توا حرجانه مني هلبة
بابا يصير خير
أنا رجعت من الجامعة وكنت خاشة
بابا سمع صوت الباب وقعد ينادي عليا ليلى ليلى
انا شفت سيارة وسيم وعرفت ان بابا ينادي فيا باش نخش نسلم درت الحولة وخشيت
ماما باهي الى روحتي هيا إيدك معايا
أنا خشيت غيرت وقعدت نعاون فيها
ماما خلاص بري ألبسي باش تمشي تشوفيه
أنا خشيت نلبس وماما رنت ع بابا باش يطلع
أنا إنت شن دير هنا
جاد بنخش معاك للمربوعه
أنا اقلب وجهك لاتخش معايا لاشي التلصيق متع الفروخ
جاد والله لما نخبر بوي
أنا ماما ماما
ماما خيركم
انا عاضة ع سنوني شن هدا الى بيخش معايا
ماما مالا بتخشي بروحك
انا ياماما بناخد راحتى ف الكلام مانبيش حد يقيدني
ماما نسأل بوك
بابا لا خليه يخش خوها معاها باش ماطول لسانها
ماما بوك قال لازم يخش
أنا اووووف
خش جاد الأول وسلم ع وسيم
أنا السلام عليكم
وسيم وعليكم السلام
ااااه وخلاص قداش ماخاطري نجري ونحضنه بعد الفراق هذا كله
أنا قعمزت مقابله وسيم ونفنص لجاد
وسيم كيف حالك وشن أخبارك وكل شوي يقعد يكح
أنا الحمد لله تمام وقعدنا ساكتين
جاد كل شوي يوزعلي ف الإبتسامات
أنا نأكل ف روحي قريب نوض نخنقه
أما وسيم قاعد يلعب بمفتاح السيارة ومرة مرة ينفخ
أنا طفح الكيل فتحت تلفوني لجاد وحطيتله ع الأغاني وحشيتله السماعات ف ودانه تعرف كان تنحيهم نخبرهم انك كسرت المرش متع الصيدلية الى ف جنبنا لما تعاركت مع ولد الجيران
وسيم يضحك المفروض تصرفتي من بكري
أنا قالبة وجهي ونشوفله ف نظرات حقد
وسيم ليلى بالله عليك ماتعدبيني والله مضايق أكثر منك نجبرت نتزوجها
انا نجبرت تتزوجها لكن مانجبرت تقرب منها وتلمسها
وسيم سكت
انا انت خنتني ف الوقت الى كنت خايفة عليك ونبكي جرحتني ياوسيم وكسرت فيا هلبة حاجات
وسيم أنا جايك وكلي أمل أنك تفهميني ياليلى والله ماحبيتها ومستحيل نحبها
أنا طلقها كانك ماتحبها
وسيم شن تقولي ليلى أنتى مش هكي مش هذا تفكيرك
أنا هذا أخر كلام عندي ياوسيم ياأنا ياهيا
وسيم ليلى أسمعيني يابنت خيرك هكي أنتي عارفك زعلانة ومش حانلومك وكان تبي فشي غلك كله فيا وأضربيني الى تبيه ديريه بس ارجوك ماتحطيني ف الموقف هذا
أنا لو تحبني حادير الى قتلك عليه غير هكي أنساني ونضت وخليته
خشيت وطلعله بابا
ماما شن صار
أنا خيرته بيني وبينها
ماما ماعندي مانقول
ف العشية روح وسيم وهو زعلان
فاتو الأيامات ووسيم ماردش عليا
بابا عازمنا أسامه لعرس بنته
يتبع