أريد طفلا (بالهجة الجزائرية)

😇 الشخصيات 😇

عائلة البطلة:
رحاب: البطلة رحاب في عمرها 20 سنة تقرا سنة ثانية جامعي حلوة و مسرارة عندها طاااي تهبل و جاااية قصيرة  (وكيما نعرفوا لقصار ينحيلهم ربي في طولهم و يزيد ليهم في لسانهم 😂) و بلا ما ننسا هي طفلة دلولة و في نفس الوقت مهبولة و عندها زوج صحاباتها أنتيم كوثر و وفاء (صحاب من الصغر ❤) و يحكوا لبعض كلشي

فاطمة : أم رحاب ربة منزل ناس ملاح و عاقلة و لكن متحكمة كلمتها تمشي على الدار كل و تختار ديما الإختيارات لي في صالح عيلتها
محمد : أب رحاب طبيب جراح (يخلصوا مليح الأطباء 😂) ناس كل تحبوا ... صمعتوا مليحة بين الناس و شخصيتوا هادية و لكن كل هذا يتبدل إذا شاف بنتوا تبكي ❤ (مدللها ياااسر)

راشد : أخ رحاب 26 سنة متزوج و عندوا طفلة علاقتوا بأختوا علاقة أخوة و صداقة يفهمها و تفهموا
هديل : مرت راشد عمرها 23 سنة ماشي كيما نسا الخاوة الأشرار 😂 علاقتها مليحة مع العيلة خاصة بما أنها بنت أخت فاطمة (يعني بنت خالة رحاب) و ماكانش بينها و بين رحاب أي أسرار

رانية : 3 سنين وهي بنت راشد و هديل ... أما ديما مع رحاب 😇

جميلة : جدة رحاب مرا كبيرة و كيما تعرفوا لعجايز يحوسوا غير على المشاكل
عائلة البطل:
نزيم : البطل 23 سنة فرد من عائلة مشهورة يخدم في شركة باباه و الناس كامل تحب تعرف أخباروا و بالأخص لبنات لي يموتوا عليه و يراقبوا تحركاتوا بالخطوة ... أما هو يحب يلعب بيهم أما من غير ما يخمج روحوا بيهم يسهر ياااسر و يتعامل مع الناس ببرود

صفية : أم نزيم ربة منزل عملها في الحياة هو الإهتمام بعيلتها و الحرص على راحتهم

علي : أب نزيم رجل أعمال و لكن ماشي كيما رجال الأعمال الباقيين بدا خدمتوا من الصفر و كون نفسوا بنفسوا و هذا كل كان بدعم من مرتوا صفية على هذيك هو يقدرها و يحبها حب أعمى و ينفذ ليها كل طلباتها

رائد : 21 سنة أخ نزيم يقرا في الجامعة و حلموا يكون مهندس قلبوا طيب و بوڨوص كيما خوه أما مايمشيش بعقلية خوه يعني مايسهرش غير في أوقات لي مايكونش عندو خدمة و زيد مايحڨرش الناس و يحاول يعاونهم و ثاني بعيد على لبنات
.
.
.
يتبع 😂😂
ممنوع نقل القصة و شكرا