جيش القراء ما تنسوش تقراو القصة الجديدة و درك نبدو 😁😁
.
.
صونا تيليفون نزيم
نزيم : وي شكون !!
الشرطة : سيد نزيم معاك الضابط نضال .. المتهم عندنا و درك لازم تجينا علاجال الإستجواب و التحقيق
نزيم : أوكي .. شوي و راح نكون عندكم
خرج نزيم من الشركة و راح لمركز الشرطة
الضابط : سيد نزيم مرحبا بيك
نزيم : مرسي .. إيه وينو الشخص لي لقيتوه
الضابط : أولا و قبل كل شيء لازم تحكيلنا كلش بالتفصيل
نزيم : وش نحكيلكم بالتفصيل !!
الضابط : أحكيلنا من وقت إكتشفتي بلي كاين عملية هكر حتى لوين عرفتي موقعوا
نزيم : ااا أوكي 😁
بدا يحكي أما ما قالش شكون لي عاونوا باه لقا الموقع
نزيم : برك هذي لحكاية 😀
الضابط : إيه و شكون هذا لي عاونك .. وش إسمو و وين نقدروا نلقاوه
نزيم : اااا و لازم تعرفوا
الضابط : سيد نزيم الشخص لي قدر يخترق نظام أمن قاوي كيما هكا لازم الدولة تكون على علم بيه و تحاول تخليه في صفها لأنو بصراحة يقدر يدمر الدولة و هو قاعد في بيتوا
نزيم : و ياااا يقدر يديرها ..😀
الضابط : سيد نزيم هيا أعطينا إسمو
نزيم : متأكد حاب تعرف شكون
الضابط : لازم نعرف شكون
نزيم : أوكي جهز روحك للصدمة .. رحاب ****** .. مرتي
الضابط : وش مرتك .. مرتك عملت هكا
نزيم : وي و درك شكون الراجل لي كان يسرق
الضابط : ما راحش تشوفوا حتى تجي مرتك و نتأكدوا من أنو هي الهاكر
نزيم : وش .. رحاب وش دخلها 😕
الضابط : الدولة تسحق المواهب لي كيما هي
نزيم : أما هي ما تسحقش للدولة .. رحاب تقرا إدارة أعمال و هي راح تكون صاحبة شركات كبار ما راحش تكون لعبة هكر في يد الدولة
الضابط : سيد نزيييم 😬 إحترم نفسك
نزيم سكت و جبد تيليفون كتب رقم و عيط
نزيم : آلو
........
نزيم : عمي محسن .. قلي مزلتي تخدم ولا خرجتي
........
نزيم : إيه تسما تقدر تعاوني في حاجة
........
نزيم : أوكي ... تقدر تبعثلي رئيس مركز الشرطة في ######## أنا في مكتب الضابط نضال ********
........
نزيم : مرسي درك تقدر تكمل خدمتك و سامحني عطلتك
........
و قطع
الضابط : مع شكون حكيتي
نزيم : ما راحش نجاوبك
فاتو 10 دقايق .. الضابط يسأل و نزيم ساكت و يقول غير ما راحش نجاوبك حتى تفتح الباب
الضابط : سيدي 😶
رئيس المركز : أنت سيد نزيم .. صح
نزيم : وي ☺
رئيس المركز : ماكانش لازم تكبر لحكاية و توصلها ل سيد محسن
نزيم : ممم هذا أحسن حل
رئيس المركز : حقك عليا نضال ضابط مبتدئ و ما يعرفش يتعامل مع القضايا
نزيم : سمحلي حتى أنا أول مرة نستخدم واسطة أما كان لازم نعمل هكا
رئيس المركز : هيا .. هيا معايا لمكتبي و فهمني وش مشكلتك و أنا راح نعاونك
نزيم : أوكي ☺
رئيس المركز : ضابط نضال و أنت أرواح معانا
نضال : حاضر سيدي
دخلوا للمكتب و قعدوا
رئيس المركز : إيه أشرحوا المشكلة
نضال : سيدي هذا الشخص إستعمل طرق غير قانونية و قوية باه يلقا إجابات لأسألتوا
نزيم : يعني أنتم كنتوا تقدروا تلقاوها قبل شحال من شهر خدمة
نضال : مهما كان ما لازمش تستعمل هذي الطريقة و زيد تكذب و تقول أنو مرتك هي لي عملت هكا
نزيم : وش تقصد وعلاه راح نكذب يعني راح نخاف منك 😏
رئيس المركز : ضابط نضال .. سيد نزيم قلت فهموني ماشي وجهوا كلام سيء و إتهامات لبعضكم
نزيم : أوكي راح نحكي أنا 😒
رئيس المركز : تفضل
نزيم : هذا الضابط أنا عاونتوا و بعثتلوا موقع شخص يسرق بيانات و ملفات شركتي و هو في بلاصة ما يعاقبوا و يخدم خدمتوا قاعد يحاول يتهمني أنا و يعاقبني
نضال : سيدي هو بلغ على شخص يستعمل الهكر باه يربح المال و هو أصلا إستعمل نفس الطريقة باه يحدد مكانوا
نزيم : حددت مكانوا ما رحتش سرقت صوارد و ملفات مهمة
رئيس المركز : هذا عمل جيد منك .. سيد نزيم ☺
نضال : سيدي أما هو ما حبش يعطينا إسم الهكر لي عاونوا هو باين هكر أقوى من لي عندنا قدر يتخطى نظام حماية قوي
رئيس المركز : أووو صح حاجة مليحة .. شكون هذا سيد نزيم
نزيم : قلت مرتي .. رحاب ****** و إذا واحد فيكم قرب منها راح نقتلوا عادي
رئيس المركز : هكر كبير .. و قاوي و ذكي و في الأخير يطلع مرت الشخص المشهور نزيم ******
نزيم : و وين المشكلة 😛😛
رئيس المركز : شوف راح نعمل معاك إتفاق
نزيم : اااي وعلاه راك محسسني بلي راني في فيلم أكشن وين رئيس الشرطة يطلع فرد من عصابة كبيرة ☺
رئيس المركز : مخك كبير ياااسر 😂 أنا راح ندير معاك إتفاق الصغير
نزيم : وش هذا الإتفاق
رئيس المركز : أطلب أي حاجة مقابل أنو مرتك تخدم معانا
نزيم : 😂😂 ضحكتيني وش راح نطلب مثلا أنا و مرتي عندنا كلش المال و لعيلة و الشركات و أول ما تكمل قرايتها هي راح تكون عندها شركتها الخاصة ما راحش تحتاج ليكم
رئيس المركز : ممم هكا معليش .. وش رايك نخليها تجي هنا و تختار وحدها .. بلاك هي تحب تكمل في هذا الحلم يمكن هي تحب تكون هكر كبيرة و مشهورة 🌝
نزيم : أوووف يا ربي .. قلقتيني بصح معليش باه نأكدلك درك نعيط ليها تجي
رئيس المركز : أوكي .. و أنت ضابط نضال تقدر تروح تجيب الشخص المتهم خلينا نحلوا القضية
نزيم خرج برا و عيط لرائد
رائد : نزيم يعني أنت دايرلي كاميرا كل ما نكون مع حبيبتي تعيط
نزيم : 😂 وي وي .. درك روح جيب رحاب و أرواح لمركز الشرطة ######## عرفتيه
رائد : وعلاااه 😨 وش درتي شكون ضربتي وعلاه ما عيطيليش قبل ما يحكموك
نزيم : رائد أرواح و بعد تفهم
رائد : أوكي أوكي راني جاي
قال لوفاء و خرج يجري من القهوة راح لعند رحاب
.
.
.
يتبع 😂😂😂
جيش القراء طولت عليكم كنت في الدوار نحوس 😁😁 المرة الجاية نديكم معايا و قولولي إذا نديرلكم الحلقة الأخيرة ولا نزيد حلقات 😁😁 و وش رايكم رحاب تقبل ولا لالا !! 😀 ما تنساوش نحبكم كاااامل 💝💖💝
Peace 💪
أنت تقرأ
أريد طفلا (بالهجة الجزائرية)
Humorتبدأ القصة كمزحة بين البطلة (رحاب) 😁 صديقاتها المقربات لتنتهي بها في منزل البطل (نزيم) ❤ و كل ما تعرفه عنه أنه شخص مشهور 😀 و يعلم الجميع أن الحب يتوج بطفل🚼 بعد الزواج إلا أنه في هذه القصة الطفل و الكثير من المواقف 💜 ستصنع الحب بين الطرفين 💑 ممن...
