جيش القراء ماتنسوش تدعمو قصتي الجديدة متأكدة راح تعجبكم إسمها صاحب القناع و درك نبدو 😁😁
.
.
روح نزيم و رحاب لدار
نزيم : ماما أنا و رحاب راح نديروا بث في الجنينة حاولوا ماتعيطولناش حتى نكملوا
أمو : إيه معليش ولدي 😁
طلعوا لبيتهم بدلوا و هبطوا قعدوا في الجنينة و قبل ما يبدا البث رحاب وقفت
نزيم : وين رايحة
رحاب : أبدا أنت نروح نجيب شوي ماكلة و حاجة نشربوها 😁
نزيم : 😂😂 كرشك قبل كلشي
راحت و هو كان بدا البث و قاعد يحكي حتى جات رحاب حطتلوا ماكلة في فمو و قعدت جنبوا
رحاب : أنا لي نحكي هنا 😁 .. بنات تعلموا تتحكموا في رجالكم
نزيم : 😂 أصبري شوي خلعتيهم ما فهموا والو
رحاب : أوكي أوكي حطولنا أي سؤال جا في بالكم راح نجاوبوا عليه
.....: الإشاعات لي تقالت عليكم صحيحة !!
رحاب : اااا وي الإشاعات لي تقالت صحيحة أما ناقصة 😁
نزيم : إيه صح رحاب حامل بتوأم ماشي بطفل واحد 😁
.....: نزيم أحكيلنا سبب زواجك من رحاب
نزيم : الصراحة نزيم لي تعرفوه أول ما شاف رحاب تبدل تماما 😁 أنا كنت دايما نتبعها و نطلب منها تتزوجني و هي ترفض
رحاب : 😂😂 حتى نهار ضربتك كف
نزيم : ااا رحاب ما تتحمسيش و إلا راح نكمل البث وحدي 😂
.....: والله خرجتوا على بعضكم
رحاب : مرسي مرسي
......: رحاب كيفاه حتى قبلتي تتزوجي نزيم
نزيم هنا تخلط و خاف رحاب تقول الحقيقة
رحاب : 😁😁 عرسنا جا على غفلة كنا مخطوبين و من بعد أنا صراتلي أكسيدون و هو أنقذني عرفت بلي يحبني و قبلت نتزوجوا و من بعد بدات مغامراتنا 😁😁
......: وش راح تسموا ولادكم
نزيم : ااا رحاب وش راح نسموهم 😅
رحاب : والله ما عندناش إسم محدد .. وش رايكم أنتم تبعثولنا أسماء و نحنا راح نختاروا منهم و في البث الجاي راح نقولولكم على الأسماء 😁
نزيم : إيه هذي فكرة مليحة 😁
......: نزيم وش أكثر حاجة تحبها في رحاب
نزيم : اااا الصراحة نحب فيها كلش هي كيما باقي لبنات حنينة حلوة عندها ضحكة تهبل و عندها نسبة جمال كبيرة أما أكثر حاجة تعجبني فيها أنو ماتخاف من حتى حاجة
.....: رحاب أنتي وش يعجبك في نزيم
رحاب : مممم كلشي و أكثر حاجة خلتني نتعلق بيه سباقات السرعة
نزيم : اااا إيه لازم تعرفوا أنو رحاب ربحتني في سباق قبل
......: أحسن كوبل لهذا العام 💜
نزيم : أووو 😁😁 مرسي
.......: رحاب توكل بكميات كبيرة ضحكتني 😂
نزيم : 😂😂 عمري قريتي وش قالت 😂
رحاب : 😌 تضحك عليا
نزيم : اااا لا لا واحد ما يقدر يضحك عليك
رحاب : إيييه
بساتوا على خدو
نزيم : عيييب الناس تشوف 😁
.......: نزيم يعني بما أنو تزوجتي أنت مابقيتيش تحبنا
نزيم : لا درك راح نحبكم أنا و مرتي و ولادنا 😁
رحاب : 😁 إيه صح و درك وش رايك نلعبوا شوي قبل ما يخلاص البث
فوتوا الوقت يلعبوا و يضحكوا و البث لحق لمليون و نص مشاهد
نزيم : أووو لحقنا مليون و نص مشاهد في البث
رحاب : 😁😁 إيييه .. البث قريب يخلاص
نزيم : وي هيا ودعيهم و قوليلهم على موعد البث الجاي
رحاب : إيييه يعني في أوقات فراغنا راح نعملوا بث و زيد في الأوقات المهمة تابعونا باه تعرفوا أخبارنا peace 💪
نزيم : peace 👋
خلاص البث و دخلوا لدار
رحاب : نونو راح تروح تغسل الجرح
نزيم : لا عندي صاحبي طبيب هو راح يجي لعندي
رحاب : أوكي حبيبي
نزيم : إيه كي يجي لازم يشوف الجرح لي في يدك
رحاب : لاااا راهو قريب يرتاح 😁
نزيم : قلتلك لازم يشوفوا
رحاب : أوكي
.
.
فات الوقت و جا صاحبوا غسلوا الجرح و شاف جرح لي في يد رحاب
صاحبوا : نزيم ماشي لازم تلبس تريكو كي تكون في الدار السخانة ماشي مليحة للجرح
نزيم : لا أنا مانلبسش تريكو في الدار أما نقعد في الشمس كي نكون برا
صاحبوا : إيه مالا ماتزيدش تقعد في الشمس
رحاب : أوكي أنا ما نزيدش نخليه يخرج حتى يرتاح 😁
صاحبوا : إيييه لازملوا غير هكا 😁
راح صاحبوا و هو قعد في البيت يخدم و رحاب جنبوا تتفرج
رحاب : نونو
نزيم : وي
رحاب : الدنيا هادية ياسر هذا ماشي هدوء قبل العاصفة !!
نزيم : 😂😂 و شكون راح يدير العاصفة
رحاب : مممم بلاك هذيك المصفارة
نزيم : يااا رب مزلتي غايرة 😂
رحاب : أنا نغير منها وعلاه أصلا أنا لي تزوجتك .. هي لي لازم تغير مني
نزيم : 😁😁 صح
رحاب : مممم
صونا تيليفون رحاب
رحاب : هذي كوثر رايحة نحكي معاها
خرجت تحكي في البالكون .. كملت و دخلت ما لقاتش نزيم فتحت الباب و لقاتوا واقف مع رؤية و ماشي لابس تريكو مالقات وش دير راحت لعندو و عنقاتوا باه رؤية ماتشوفش فيه
نزيم : 😁 رحاب وش ديري
رحاب : ااا توحشتك حبيبي 😘
رؤية : اااي راني نحكي معاه معليش تبعدي
رحاب دارت لعندها و بقات واقفت قدام نزيم باه ما تشوفوش
رحاب : إيه أحكي 😀
نزيم : 😏 كيما قلتلك رؤية أنا و أنتي ما بيناتنا حتى هدرة تقدري تروحي و خلينا عايشين كيما العيلة قبل ما نتبدل و نتي تعرفي وش نقصد
رؤية : نزيم كنت نحكي معاك بطريقة طبيعية و أنت راك تحكي معايا هكا .. وعلاه !! هذا كامل كي جات مرتك حبيتي تخرجني غالطة
(حابة طيح بين رحاب و نزيم )
رحاب دارت لعند نزيم شافت فيه و تبسمت
رحاب : نزيم أهبط هنا شوي
هو قرب لعندها و هي بساتوا من فمو و دارت لعندها
رحاب : شفتي راني عاقبتوا إذا زاد حكا معاك قوليلي راح ندير حاجة أكبر 😉
رؤية : 😤 ولدي يبكي أنا نروح
رحاب : إيه روحي بااااي فراقك راحة 😁
نزيم جبد رحاب من يدها دخلها للبيت قفل الباب و وقف رحاب قدام الباب و حط يدو على الحيط
نزيم : إيه وش عملتي درك
رحاب : ما عملت والو
نزيم : غيارة 😁
رحاب : إيه غيارة و من بعد وش نخليها تحكي معاك و من غدوة تبوسك و سمانة الجاية تتزوجك 😭
نزيم(حط راسوا في رقبتها): ششش ما تبكيش أنا عمري ما نشوف فيها و نتي معايا
.
.
.
يتبع 😂😂😂
جيش القراء هيا ديروا نجمة و تعليق وصلوا البارت ل 90 نجمة 😁😁 و ماتنساوش نحبكم كاااامل 💝💖💝
Peace 💪
أنت تقرأ
أريد طفلا (بالهجة الجزائرية)
Humorتبدأ القصة كمزحة بين البطلة (رحاب) 😁 صديقاتها المقربات لتنتهي بها في منزل البطل (نزيم) ❤ و كل ما تعرفه عنه أنه شخص مشهور 😀 و يعلم الجميع أن الحب يتوج بطفل🚼 بعد الزواج إلا أنه في هذه القصة الطفل و الكثير من المواقف 💜 ستصنع الحب بين الطرفين 💑 ممن...
