أريد طفلا (بالهجة الجزائرية)

🚼 الحلقة 27 🚼

جيش القراء راني رجعت كانت كاينة مشكلة في الواتباد و على هذيك ما راحش نقدر نكمل رواية صحبتي لأنو لازم نغير كلمة السر المهم قصة طويلة وجعتلكم روسكم بيها و درك نبدو 😁😁
.
.
خلونا نسرعوا الأحداث طلع النهار و ناضت رحاب على صوت نزيم
نزيم : حبيبتي نوضي أنا رايح لدار و راح نجمع حوايجنا لازم غدوة نكونوا لهيك
رحاب : أو أوكي أوكي ☺
راح نزيم و رحاب كانت تحس براسها يدور شوي راحت غسلت و بدلت و هبطت فطرت و بعد عيطت لكوثر باه تفهم منها وعلاه تعاركت مع عبدو
كوثر : آلو وي رحاب لباس
رحاب : وي و نتي
كوثر : الحمد لله
رحاب : إيه نسيت لازم تكوني مليحة بعد ما وليتي عندك قلب بارد و تعرفي تستغلي قلوب الناس و تلعبي بيهم
كوثر : رحاب وش لهدرة هدي
رحاب : راني نكذب واقيل ااه جاوبي
كوثر : على وااش راكي تحكي
رحاب : على عبدو هذاك المسكين لي لعبتي بيه و دمرتيه كنتي قادرة من لول تقولي لا أصلا أنا ما فهمتش وش صرالك وعلاه تبدلتي معاه
كوثر : إيييه راح يجري لعندك يحكيلك
رحاب : وي جا لعندي و حكالي على خاطر يحبك 100 وحدة تجري وراه و هو يجري وراك
كوثر : رحاب خلااااص خليني تعرفي بلي أنا و هو ما عندنا وين نوصلوا
رحاب : يا لحمارة هذا عبدو يحبك صح و راهو ناويك
كوثر : رحااااب قتلك خلاص خليه يخرجني من بالو
رحاب : هذا كامل علاجال واحد كلب هو أصلا ماشي كيما عبدو
(هنا كامل راح مخكم لحاجة كبيرة ياااسر و شفت هذا في تعليقات الحلقة السابقة أنا برك حبيت نعلمكم درس و هو أنو في بعض الأحيان نظرتكم للشيء قد تكون من مكان خاطىء و هذا يجعلها نظرة سيئة أيضا قد تجد عدة أسباب فقط لمشكلة واحدة 😁😁 فيلسوفة 😂😂 المهم نرجعوا لحكايتنا)
كوثر : رحاب حتى إذا هو تقبل الوضع عيلتوا ما راحش تقبل مزلت لدرك نتفكر ردة فعل أيوب و عيلتوا
Flash back : قبل 3 سنوات
كوثر في عمرها 19 سنة و في الصيف كانت تحكي مع حبيبها لي عندها عامين تعرفوا هو كان من الطبقة لمرفهة شوي
أيوب : عمري أنا صاااي راني حكيت مع عيلتي و راح نجيوا نخطبوك
كوثر : لاااا تحكي صح 😀😀 مانيش مصدقة
أيوب : لاااا صدقي 😁
كوثر : mais قرايتي كيفاه ندير معاها
أيوب : هذي خطبة قتلك خطبة برك و بعدها حبيبتي تكمل قرايتها و نتزوجوا و نجيبوا دراري
كوثر : 😁😁
أيوب : إيه تسما غير وجدي روحك 😁
و بدات التجهيزات و خلونا نفوتوا بالوقت كامل مجموعين في صالة عيلة كوثر (الموجودين كانوا عيلة رحاب و عيلة وفاء و عيلة سيف و عيلة لعريس)
كانوا الرجال قاعدين وحدهم و نسا وحدهم
أم أيوب : إيه معليش أنا ما نعرفكمش شكون أم كنتي 😁
رحاب : اااا وفاء هيا نحنا نروحوا لعند كوثر
خرجوا و قعدوا النسا لكبار مع بعضهم
جميلة (جدة رحاب) : نحنا كلنا عيلتها
أم أيوب : إيه نتشروفوا mais أم لعروسة وينها
أم رحاب: ااا تعطلت شوية مع الطريق تكون قريب توصل
أم أيوب : وعلاه وين راحت
أم سيف : هي ما تعيشش معاهم أم و أب كوثر مطلقين من وقت كان عمر كوثر 10 سنين
أم أيوب (وقفت): كيفاااااه
جميلة : وش كاين
أم أيوب (شافت في بنتها): إلهام نوضي عيطي لخوك و باباك مانزيدش حتى دقيقة هنا
عجوزتها : يا بنتي هدي روحك وش كاين
أم أيوب : راه حاب يتزوج بنت وحدة مطلقة
لبنات سمعوا لحس و هبطوا كامل يشوفوا وش كاين كوثر تصدمت و هي تشوف في أيوب يحكي مع أمو
أيوب : ماما أسمحيلي أنا ما كنتش عارف بلي أمها و باباها مطلقين
أمو : هي باينة وحدة خامجة وش تتوقع من وحدة أمها مطلقة
أيوب : وي ماما هيا نروحوا من هنا
هذي آخر حاجة تتفكرها كوثر قبل ما دوخ
end flash
رحاب : إيه هدي لمرة ما تهربيش
كوثر : وش راح ندير مدام في مجتمعنا مرا و راجل مطلقين بنتهم ماتقدرش تحب
رحاب : هذي لمرة ماتخافيش يا لحمارة هذي لمرة أوقفي ضد لقيود هذي و قطعيهم و عيشي و تمتعي و أفرحي
كوثر : ما نقدرش نخليه يوقف ضد عيلتوا
رحاب : وعلاه حسستيني أنو راح ديروا جريمة نزيم جاب مني طفل قبل ما يتزوجني و ما يخافش كيما راكي خايفة نتي
كوثر : يعني رايك نعيطلوا
و هنا دخل نزيم
نزيم : طيارتنا على 6 تاع لعشية
رحاب : أوكي .. كوثر كيما قلتلك هذي ماشي حاجة تستاهل أحكيلوا و إذا ما قبلش أرواحي نحطك في فريجيدار حتى يكبر ولدي و نزوجك ليه 😁👌
كوثر : مممم فكرة صح 😂
رحاب : إيه و درك عمري نقولك بااي أنا لعشية راح نكون نمشي على أرض جديدة لعشية راح نبدا شهر من المشاكل الجديدة😂😂
كوثر : اااه لوين رايحة 😀
رحاب : فرنسا 😁
كوثر : هيا بصحتك عمري بااي
راحت رحاب لعند نزيم في الصالون يقرا في كتاب و كان قاعد معاه رائد
رحاب : ايييه هذا الزين قاعد هنا
نزيم (حطها تحكي عليه): وي 😁
رحاب : مانيش عليك راني على رائد
راحت قعدت جنبوا
رائد : يا عمري 😁 ما تقوليليش برك راح تجيبي طفل يشبهلي 😁😁
رحاب : مممم بلاك
نزيم : بعيد الشر .. أصلا ولدي يجي يشبهلي أنت وش دخلك باه يشبهلك
رائد : 😂 اااه يا لغيارين
رحاب : 😂😂 و زيدلها منافقين ... أوووف كنت حابة نروح نشوف دارنا mais كي شفتك تبانلي نقعد هنا برك
نزيم : رحاااااب
رحاب : وش 😶😁
نزيم : أرواحي أقعدي هنا
راحت رحاب قعدت جنبوا
رحاب : اااي وش راك تقرا
نزيم : كيف تقص لسان مرتك في أقل من زوج ثواني
رائد : هذي ساهلة مايلزمهاش كتاب .. عض لسانها برك 😁
رحاب : أخلاقك فاسدة
و ضرباتوا بالمخدة كان راح يرد ليها الضربة حتى وقف نزيم
نزيم : كونك راجل و أضربها و شوف وش راح يصرالك
رائد : 😂😂 أوكي
ضرب لمخدة و جات في نزيم
نزيم : لا هنا غلطتي و رما روحوا على رائد و بداو يضربوا بعضاهم كيما دراري صغار و رحاب تضحك عليهم حتى دخلت أمهم
أمهم : ياااا وش عملتوا في الدنيا حرام عليكم
رحاب : اااا أنا نلمها ما تقلقيش راسك
رائد : لا لا نحنا نلموها
أمهم : ههههه و من وقتاه وليتوا تنظفوا الدنيا بعد ما تلعبوا فيها
نزيم : اااا من نهار تزوجت أنا .. أصلا رحاب كانوا دايرين عليها عرض خاص نتزوجها أنا و خويا يولي إنسان مسؤول 😂
رائد : 😂😂😂😂 وي وي تدي مسؤولية وحدة. يزيدوك الثانية بلاش كون غير زادونا صحبتها برك 😂👌
أمهم و رحاب : مممم شكون صحبتها 😁😁
رائد : اااا نتمسخر برك 😅😅
.
.
.
.
.
رحاب : نونو معليش درك تديني لدارنا
أم نزيم : إيييه بنتي إذا رايحة خليني نجي معاك كنت خارجة أنا و يماك عندنا شوية قضيات نشروهم
رحاب : وي باينة
نزيم : وش صااي قررتوا تروحوا و أنا راح نديكم
رحاب : وعلاه عندك راي خلاف
نزيم : 😘😘 لااااا
وصلهم نزيم و راح ما حبش يدخل
قعدت رحاب حتى ل 2 تاع لعشية و بعد جا نزيم يديها .. عيطليها في تيليفون
نزيم : حبيبتي هيا أهبطي
رحاب : ماتقوليش حبيبتي 😛😛 و زيد بابا راه قالق منك
نزيم : وعلاه
رحاب : قال بلي أنت ما حبيتيش تدخل لدار بلعاني باه طيح من قيمتنا ... صح !!
نزيم : لا لا يا روحي والله كنت نتأكد من لحوايج لي ناقصينا
رحاب : أوكي أدخل أحكي معاه
دخل نزيم و قعدوا شوي حتى لحقت 3 و خرجوا وصل رحاب لواحد القهوة باه تودع صحابها و راح يوصل أمو لدار دخلت للقهوة و شافت وفاء قاعدة و معاها عبدو و سيف راحت لعندهم
رحاب : وينها كوثر
عبدو : بلاك ماتحبش تجي
وفاء : لا لا راهي في طريق
قعدوا يحكوا حتى دخلت .. راحت لعندهم و حكوا شوي حتى ناضت رحاب
رحاب : اااا سيف ما قلتيش راح تخلص عليا سندويتش قبل مانروح
سيف : أنا قلت ... وقتااااه
قرصاتوا وفاء
وفاء : إيه و أنا ثاني نحب سندويتش
سيف : ااااا صح السندويتش .. وي هيا نروحوا
رحاب سلمت على كوثر و قرصت عبدو من خدودوا
رحاب : عبدو ما تنساش تبعثلي تصاورك باه نجيب طفل يشبهلك
كوثر : اااا هيا أحشمي على روحك
رحاب : 😁😁 أوكي باااي توحشوني ما تنسوش
كوثر : 😂😂 أوكي
راحو هذوك كلوا و شبعوا و حوسوا شوي و رحاب جات تشوف الساعة حتى تلقا 10 مكالمات فائتة من نزيم و الساعة 5 و ربع
رحاب : ااااه يا ربي ليوم عرسي
سيف : وش كاين !!
رحاب : نزيم كان يعيط و أنا ما شفتش إتصالاتوا و رحلة قريبة
وفاء : إيه عيطيلوا وش تستني
عيطتلوا
رحاب : وي نونو وينك
نزيم : أنتي لي وينك يا لالة رحت للكافيتيريا و قالي عبدو بلي خرجتي وينك
رحاب : كنت نوكل
نزيم (بصوت عالي): همك غير كرشك وينك درك
رحاب(صوتها تبدل): نزيم نتلقاو في لمطار
و قطعت عليه
رحاب : سيف تقدر توصلني
سيف : وي هيا
وصلها هو و وفاء ودعوها و راحوا و هي دخلت و قعدة تحوس حتى حست بواحد حكمها من يدها .... كان نزيم طبعا .. بقا يجرجرها وراه حتى وصلوا للطيارة و ركبوا واحد ما هدر طول فترة الرحلة ساكتين
.
.
.
.
وصلت الطيارة و نزيم و رحاب هبطوا و وراهم راجل يجر في حوايجهم حتى حبست رحاب
رحاب (بصوت تعبان): نونو مزالك غضبان
نزيم (دار لعندها): وعلاه
رحاب : على خاطر راح نرقد و نخاف تخليني هنا
و جات راح طيح حتى حكمها نزيم و بدا ينوضها أما والو ما ناضتش حتى شاف السيارة لي بعثتهالوا الشركة لي راح يخدم معاها ... هزها و راح ركب
(كي نكتب عربية فصحة معناها راهم يهدروا بالفرنسية لأنو مانقدرش نكتبها بالفرنسية و نعاودها بالعربية 😁😁)
نزيم : أقرب مستشفى من فضلك
السائق : حسنا
وصلوا للمستشفى و دخلوها للفحص .... خرج الطبيب
الطبيب : .......
.
.
.
يتبع 😁😁😁
جيش القراء تحدي جديد نشوف إذا تقدروا توصلوا البارت هذا ل 80 نجمة في 24 ساعة إذا وصل راح ندير بارت طويل كيما هذا 😁😁 ماتنسوش نحبكم كااامل 💗💟
Peace 💪💪