أريد طفلا (بالهجة الجزائرية)

🚼 الحلقة 16 🚼

جيش القراء ما علاباليش هذا البارت وقتاه يهبط لأنو الواتباد فاسد عندي لي يعرف السبب يقلي المهم نبدوا 😁
.
.
نروحوا لدار محمد ... الباب يدق راحت هديل فتحت و لقاتها جميلة (جدة رحاب)
هديل : جدة جميلة مرحبا
جميلة : يسلمك ... وش وينها بنتي رحاب ولا غبت عليها شهر ما بقاتش تتوحشني و نساتني
هديل (ما عرفتش وش تجاوبها) : اااا مااا .. مااا علاباليش
جميلة : هديل وش بيك يا بنتي
هديل : أنا وااالو .. والو و أنتي
جميلة : اااا حالتك ما تعجبش ... وينهم الباقي ما علابالهمش بلي ليوم نجي
هديل : خرجوا .. خرجوا و قريب يرجعوا
جميلة : إيه أنا نروح لبيتي ندوش و نرتاح شوي
هديل : أوكي ☺
عيطت هديل لراشد باه تقلوا بلي جميلة وصلت أما هو كان في الطونوبيل مع رحاب و كان يقنع فيها باه تتزوج نزيم و هي رافضت وصلوا لدار و راشد كان قالق من رحاب فتح الباب و أول ما دخلوا بدا يعيط عليها
راشد : شوفي أنتي صح أختي الوحيدة mais راح تتزوجي نزيم حتى لوكان بسييف عليك
رحاب : ما راحش نتزوجوا نكرهوا نكرهوا
راشد : اااا والله مليحة هذي و نهار لي تولدي وش تحبي الناس يقولو ... اه أحكي
هديل : رحاب .. راشد نقصوا صوتكم
راشد : هديل أسكتي أنتي
رحاب : الناس ما عندهم وش دخلهم فيا
راشد : إيه و الطفل هذا وش ذنبوا يعيش بلا أب
جميلة (هابطة في الدروج) : راشد شبيك تعارك في أختك و شكون الطفل هذا
رحاب راحت تجري لعند جميلة عنقتها و بقات تبكي
جميلة : بنتي شبييك و علاه تبكي و يدك و راسك شبيهم
راشد (كان غاضب و نسى أنو جميلة ماعلابالهاش): رحاب الدموع ما راح تفيد بوااالو راح تتزوجيه يعني راح تتزوجيه
جميلة : اااي يا طفل أنت وعلاه تعلي في صوتك على بنتي ااه
رحاب : ما نحبش نتزوجوا ما نحبش نعيش معاه
جميلة : شكون هذا .. ما تخافيش أنا حية و هوما حابين يزوجوك لواحد تكرهيه
و هنا دخل محمد و مرتوا
محمد : يما وش كاين
جميلة : أرواح لولدك شوف كيفاه يحكي مع بنتي و يقولها تتزوج طفل ما تحبوش
أم رحاب : راااشد أنت وش دخلك هذي حياتها
راشد : إيه حياتها تجيب طفل في لحراام و تعيشوا في وسطنا بلا أب
جميلة : شكون لي راح تجيب طفل .. ما فهمت والو
محمد راح بعد رحاب على جميلة وطلعها لبيتها خلاها ترقد و رجع لعند جميلة حكالها و هي تعبير الصدمة في وجها أما هي كانت إنسانة عاقلة و زيد حاطة رحاب بنتها ماشي بنت ولدها
جميلة : رحاب ما راحش تعيش مع واحد هي رفضاتوا أصلا شكون الكلب هذا
محمد : هذا ولد واحد نعرفوا هو ولد علي ******
جميلة : والله أنا نجرجروا في لحبااس الكلب
محمد : لا لا هو طلب السماح
جميلة : اااا بلاك كسر ليكم زجاج طاقة باه تسامحوه بهذي السهولة
محمد : ماما الغلطة هذي المرة من بنتي هو عمل هذا كامل باه تقبل تتزوجوا
جميلة : و درك مزال حاب يتزوجها
محمد : وي mais هي رافضت حتى تحكي معاه
جميلة : محمد شوف نقلك بنتي ما راحش تتزوج واحد مجرم كيما هذا أوكي
وقفت و خلاتوا قاعد وحدوا راحت لعند رحاب دقت و دخلت شافتها قاعدة تتفرج
جميلة : بنتي الزينة بنتي أجمل طفلة في العالم
رحاب : ☺ توحشتك
راحت جميلة قعدت جنبها و عنقتها
جميلة : إيه أحكيلي شكون هذي لي خطفاتك
رحاب قعدت تحكيلها مين خطفوها و كيفاه منعت من الموت
جميلة : إيه والله سيف من صغروا ذكي
رحاب :😁 وي وي
جميلة : و شكون هذا نزيم لي ضرب طونوبيل و خاطر بحياتوا
رحاب : 😔 نزيم .. نزيم هو لي إغتصبني هو أب الطفل
جميلة : هذا الطفل متناقض ياسر
رحاب : وي ألف سنة و ماتقدريش تفسري شخصيتوا
جميلة : و أنتي يعني ما راحش تبدلي رايك فيه
رحاب : ما علاباليش و أنتي وش رايك
جميلة : ما علاباليش أنا ما نعرفوش أما لازم نقبلوا
رحاب : لا ما عندك وعلاه تقابليه هو أصلا واحد شرير
جميلة : ههه أوكي خلينا منو
رحاب : جوجو
جميلة : إيه وش تسحقي
رحاب : وش كيفاه عرفتي مزلت حتى ما قلت والو 😶
جميلة : لأنو جوجو ( قلدت صوت رحاب وقت قالتها) نعرف معناها
رحاب : تعرفي وش راني حابة نوكل درك
جميلة : مممم قولي
رحاب : ليمون
جميلة : وش
رحاب : ليمون
جميلة : jus !!
رحاب : لا حبة ليمون
جميلة : يا نندب وش لوحم الغريب هذا متأكدة هذا نزيم ماشي مهبول
رحاب : ما علاباليش أصلا ما دخلنيش فيه
جميلة : أوكي أوكي
رحاب : جوجو جيبيلي ليمون
جميلة : لا لا ليمون ماشي مليح نجيبلك jus
رحاب : لا ما نحبش 😞
جميلة : ما كانش ليمون خلاص
فات الوقت و رحاب ما كلاتش الليمون لحقت 12 تاع ليل هبطت تحوس عليه و ما لقاتش و كانت راح تموت و تاكلوا
رحاب (مع روحها): و أنا درك لشكون نقول يجيبلي ليمون ... اااا لقيتها 😁
راحت عيطت لرائد
رائد(ما شافش حتى شكون عيط كان راقد): آلو
رحاب : رائد وينك
رائد : والله أنا راقد و أنتي شكون
رحاب : رائد ركز معايا
رائد : مممم
رحاب : رائد أنارحاب
رائد (ناض): رحاااب وش كاين
رحاب : والو والو جيبلي ليمون ☺
رائد : وش
رحاب : جيبلي حبة ليمون
رائد : راكي تتمسخري معليش تصبحي بخير
قطع عليها و هي عيطت لوفاء و قالتلها هكا شويا و عيطلها رائد
رائد : رحاب وش تحبي ليمون أصفر ولا أخضر 😑
رحاب : مممم جيبلي أصفر

جابلها رائد و راحت دات من عندو

رائد : إذا سحقيتي حاجة عيطيلي أما ما تعيطيش في الليل
رحاب : 😁😁 مرسي أصلا أنت عم الطفل لازم تشريلوا
رائد : وي 😁
عطاها صاشية (تعرفوها كيس بلاستيكي)
رحاب : ياااا وش هذا 😍
رائد : 😅 هذو من عند نزيم
رحاب : راح نوكلهم زكارة فيه 😛😛 بااااي
رائد : أوكي 😁😁
.
.
.
يتبع 😂😂
جيش القراء والله كنت راح نكتب بارت آمس و بارت اليوم أما الواتباد كان فاسد المهم ما تنسوش تخلوا رايكم و إذا عندكم أفكار .. ماتنسوش نحبكم 💟💟
Peace 💪💪