تبدأ القصة كمزحة بين البطلة (رحاب) 😁 صديقاتها المقربات لتنتهي بها في منزل البطل (نزيم) ❤ و كل ما تعرفه عنه أنه شخص مشهور 😀 و يعلم الجميع أن الحب يتوج بطفل🚼 بعد الزواج إلا أنه في هذه القصة الطفل و الكثير من المواقف 💜 ستصنع الحب بين الطرفين 💑
ممن...
جيش القراء علابالكم جاني تهديد بالخطف و القتل إذا مادرتش بارت اليوم 😂😂 هذي لي بعثتلي التهديد 👈hayouta65 مزلتوا ماشفتوش صورة حسام و صورة أيوب 👇👇👇 حسام :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أيوب :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و درك نبدو 😁😁 خرج أيوب من بيتوا و راح عند خوه أيوب : راك رايح للشركة حسام : لا رايح لموقع التصوير باه نشوف التجهيزات أيوب : و رحاب ما راحش تروح لعندها !! حسام : رحاب راح تكون في موقع التصوير مع مديرها بعد ساعة أيوب : هاااا أوكي هيا نروحوا حسام : 😂😂 لوين نروحوا أيوب : نروحوا لعند رحاب حسام : ممم و لخدمة تاعك أيوب : عااادي وش فيها إذا ما خدمتش نهار حسام : في أحلامك ما تخدمش نهار كامل راح نقعدوا معاها شوية و بعد تروح تخدم أيوب : بففف أوكي حسام عيط لرحاب و قال ليها تروح للكافي لي في الأوتال و تستناهم
نروحوا عند نزيم و رحاب .. نزيم ناض على صوت دقديق في باب بيتوا .. ناض فتح و لقاها رحاب رحاب : نونو صباح الخير نزيم : صباح النور حبيبتي رحاب : 😛 ما تقوليش حبيبتي دخلت للبيت و راحت لقشو و بدات تحوس فيه نزيم : وش راكي ديري !! 😕 رحاب : نخيرلك في قشات تلبسهم .. هاك هذو روح ألبس و هيا نزيم : مزال ساعة على موعد التصوير رحاب : علابالي روح ألبس باه نروحوا نفطروا و نقابلوا حسام و أيوب نزيم : أوووف هذا أيوب ما رتحتلوش من قبل ما نشوفوا رحاب : حرام عليك 😁 و الله أول ما نشوفوا راح تحبوا نزيم : إيه راح نحبوا و علاه ما نحبوش .. حتى مرتي نحبوا و خايفة تقول ليه بلي تزوجت رحاب : نزيم هذا أيوب كيما خويا ماشي لازم تخمم بعيد 😔 نزيم : أوووف خلاص خلينا منو مانحبش نقلقك 💝 راحو للقهوة و قعدوا يفطروا و رحاب شاهيتها مفتوحة و ما خلت حتى حاجة غير توكل و خلينا نشوفوا أيوب و حسام وصلوا للأوتال و رايحين للقهوة و حسام يوصي في خوه حسام : ماتقربش منها ياسر أيوب : أوكي حسام : ما تحطش يدك عليها .. ما تقولهاش نحبك قدام المدير تاعها و ما تسقسيهاش على الحمل .... وصلوا قدام القهوة أيوب : شششش خليني نخمم وينها رحاب بقا يحوس بعينيه حتى شافها ... دخل و خلا خوه يحكي وحدوا 😂 راح لعندها أيوب : بطوطتي رحاب (شافت فيه بخلعة): ياااا بطلي الصغير كبر و ولا يهبل 😁 أيوب : 😂 واش الخلعة رقدتلك رجليك هيا نوضي عنقيني نزيم : أحمم (بمعنى تنوضي نكسرك و نكسرو😂😂) رحاب بقات تشوف في نزيم و في أيوب وش راح تخير 😅 و قبل ماتختار أيوب حكمها من يدها و سلها حتى وقفت و عنقها .. نزيم كان راح يوقف و يضربوا حتى لحق حسام و بعد أيوب على رحاب حسام : هيا اقعدوا قعدوا و بدوا يحكوا و نزيم يحاول ما يوقفش يضرب أيوب لي كان يحكي مع رحاب بطريقة كأنو حبيبها .. رحاب فاقت بلي نزيم تقلق و حبت تبدل لهدرة رحاب : إيه قولي وش تخدم درك أيوب : 😁 طبيب نساء و توليد رحاب : هاااا مليح أيوب : إيه علابلك كون ماجيتش نعرف بلي ما راكيش متزوجة نقول بلي راكي حامل رحاب : اااا وعلاه 😅😅 أيوب : شوفي كرشك كيفاه خارجة و زيد توكلي ياسر و لون وجهك مخطوف نزيم : راك طلعتي تفهم في حاجة أيوب : وش قلتي 😁 نزيم : قلت رحاب حامل و هنا أيوب دار روحوا متفاجئ أيوب : اوووو يعني تزوجتي و وين أب الطفل و وش يخدم حسام : ااا رحاب درك أنا نحكيلوا .. رحاب و راجلها تعاركوا بعد ما عرف بلي هي حامل و رفع عليها دعوة طلاق أيوب : وعلاه !! رحاب : لأنو هو ما كانش حابني نحمل من الشهر الأول أيوب : ممم و شكون هذا نزيم : واحد مشهور .. مدير شركات صغير و شباب أيوب : إيه و إذا صغير و شباب حتى بطوطة صغيرة و شابة .. كيفاه عمي محمد ما قتلوش رحاب : ممم بلاك على خاطر أنا نحبوا أيوب : وش إسمو نزيم : أنا ... مزال ما كملش ورحاب حطتلوا ماكلة في فمو أيوب : وش أنت !! رحاب : أيوب خلاص راني تعبانة و أنت عندك خدمة روح و من بعد راح نحكوا 😇 أيوب : أوكي إذا سحقيتي أي حاجة عيطيلي نزيم : إذا إحتاجة حاجة راح تعيطلي أنا أيوب : اااااي ما تنساش روحك أنت مديرها برك 😠 نزيم : إذا أنا مديرها أنت شكون حاسب روحك أيوب : أنا راح نكون راجلها و أب الطفل رحاب : خلااااااص أسكتوا هبلتوا واقيل شكون لي قالك أنا نحب نعاود الزواج ... سيد نزيم موعد الخدمة فات هيا نروحوا و أنت سيد حسام راح نستناوك برا حكماتوا من يدوا و راحت تمشي و خلات أيوب و حسام واقفين كانوا ماشيين حتى خرجوا من الأوتال و حبسها نزيم نزيم(بصوت عال) : كيفاه تخليه يحكي هكا و الله راح نقتلوا رحاب : نزيم خلاص هدي روحك نزيم : ربك كيفاه حابتني ...... ما خلاتوش يكمل هدرتوا قربت لعندوا و بساتوا 😙😘 (إنحرااااف وي الطفلة بدات تفسد) بعدت عليه رحاب : وعلاه راك تعيط عليا 😟 نزيم (بصوت عال): ااا يعني ما شفتيشوا كيفاه كان يحكي معاك .... عاودت بساتوا مرة ثانية و بعدت رحاب : اااا تقدر تكمل هدرتك 😅 نزيم : اااي راكي حابة تموتي رحاب : لا ولدك هو لي كل مايشوفك تحكي بسوط عالي يقولي نبوسك 😁 نزيم : اااا مالا ولدي ما يعرفش يبوس 0 😂 و هنا جا لعندهم حسام حسام نقدروا نروحوا للتصوير راحوا و كان التصوير قدام لبحر رحاب : نونو نزيم : وي رحاب (بصوت منخفض): نزيم أنا بوستك زوج مرات نزيم : مممم وش تحبي تزيدي 😀 رحاب : سامط 😛 ... لا نحب نلعب شوي في لما نزيم : أطفال 😂😂 روحي 😁 كان هو يصور و معاه عارضة أزياء تهبل رحاب كانت لابسة robe قصيرة و داخلة في وسط لما و تتفرج على نزيم و ديرلوا بعينيها attention 😂😂 باه مايقربش من هذيك الطفلة و هو كان يضحك عليها و يصور شوية و بعد يرجع يشوف فيها .. قعد يصور و بعد راحوا باه يرتاحوا و هي مزالت في لما قعد يشوف فيها حتى طاحت في وسط لما دخلوا كامل لي تما يجروا لعندها ... لحق لعندها نزيم و جبدها من الماء و هزها لحقها لشط و بدا يضرب على صدرها حتى خرج الما لي بلعاتو mais بقات راقدة حسام : نزيم هيا وصلها لدارنا نزيم : لا حسام : نزيم هيا ما ديرش هكا لازم نديها لدارنا باه يشوفها أيوب نزيم رجع هزها نزيم : قلت لا راح نديها لعند طبيب حسام : أنت ما تعرفش حتى طبيب و زيد ماتخافش أيوب ماراح يديرلها والو نزيم : أوووف أوكي راحو ركبوا في الطونوبيل و حسام عيط لأيوب . . . يتبع 😂😂😂 جيش القراء هيا تفاعلوا شوي لحقوا البارت ل 85 نجمة 😅 ندير بارت جديد هيا شيعوني و ما تنسوش تخلوا رايكم في البارت و ما تنسوش نحبكم كاااامل 💝💖💝 Peace 💪
