أريد طفلا (بالهجة الجزائرية)

🚼 الحلقة 03 🚼

دخلوا للمطعم و كان مطعم بسيط .... راحوا قعدوا في طابلة ... طلبوا الماكلة و مين كملوا خرجوا أما هذي المرة لبنات ركبوا كيفكيف باه يروحوا للأوتال
رائد : رحااب مرسي
رحاب : 😁 على واش
رائد : على السهرة هذي و على خاطر ما عاقبتينيش على الشي لي داروا خويا
رحاب : هههه باين ماكش كيما هو
رائد : صدقيني حتى هو مليح أما عندو ظروفوا
رحاب : ههههه وي وي ظروفوا ... هيا بااي
رائد : ااا رحاب ... وقتاه نتلقاو المرة الجاية
رحاب : هههه يعلم ربي
راحت و خلاتوا واقف .... وصلوا لبنات للأوتال طلعوا للبيت و قفزوا في السرير .... حضنت رحاب لمخدة
رحاب : وفاء لازم نرجعوا حقنا
كوثر : وش من حق
وفاء حكاتلها
كوثر : شوووف هذا كامل صرا و أنا لا خبر
رحاب : أوووف وي
كوثر : بنات نوضوا
وفاء : وين !!
رحاب : من المستحيل نخرج درك رجلي راهي تهدد فيا إذا وقفت تروح و تخليني 😁
كوثر : أوووف هيا ماشي راح نخرجوا برك راح نرجعوا كرامة المرأة العربية 😁
وفاء : هههه المرأة العربية مرة وحدة 😂
رحاب : هههه واش الخطة
كوثر : ..................... و هذي هي الخطة كاملة
وفاء : بصح وش الفايدة من هذي الخطة
كوثر : محاولة رد إعتبار
رحاب : مممم محاولة برك
وفاء : على الأقل حاجة نكسروا بيها lviiid
رحاب : أوكي ... Mais خلي غدوة
كوثر : لا لا اللعبة تبدا درك
رحاب : أوكي mais عبدو وش راح يقول عليا وقت نعيط باه ندي الرقم تاع هداك الزبل (حشاكم 😁)
وفاء : من نيتك راح تعيطي لعبدو باه تدي الرقم تاعو
رحاب : مالا من وين نجيبوه
كوثر : خليها على نيتها ... يا بنتي هذا شخص معروف تقدري تجيبي الرقم من عند الصحافيين ولا المعجبين و تلقايه حتى في الإنترنت
رحاب : مممم مالا جيبي أنتي رقموا مانيش باغية نسقسي عليه
كوثر : 😂 أوكي
جابت كوثر رقم نزيم و رجعت
وفاء : هههه هيا هيا عيطي
رحاب عيطت
نزيم(ناض من النوم): آلو
رحاب : اااا سمحلي كنتي راقد
نزيم : وي شكون معايا
رحاب : مممم أنا فاعلة خير 😁
نزيم : أوكي يا فاعلة خير أنا نزيم تشرفنا و درك تصبحي بخير
رحاب : أصبر شوي
نزيم : وييي
رحاب : بما أنو أنا فاعلة خير راح نقلك حاجة و ديرها في بالك مليح عندك تخرج من مخك
نزيم : معليش أحكي 💤💤
رحاب : أوكي .... أنا مافهمتش لبنات لي يعرفوك وش عجبهم فييك أصلا أنت أكبر تمثال للغباء و التكبر و التفاهة و زيد ما عندكش أخلاق
نزيم : أوكييي مرسي تقدري تخليني نرقد
رحاب (قلقة كيفاه حكا معاها ببرود و هي لي كانت حابة تقلقوا كيما دار ليها): لا مزلت ما كملت هدرتي ..... تعرف أنك حقير لدرجة كبيرة أنا ننصحك تبدل من شخصيتك و إلا وحدة ما راح تقبل تتزوجك
نزيم : عادي أصلا بدل مانتزوج وحدة نقدر نفوت كل ليلة مع وحدة
رحاب (طلع ليها الڨاز للراس😁): إيه ما نستبعدش هذا أنت أصلا واحد خامج و أنا  بعيد الشر إذا إضطريت نتزوجك يعني راح نجيب منك غير طفل و ندير تحدي باه ما نخليهش يتربى كيما أنت
نزيم : خلاص راح نعطيك التحدي لي حبيتيه يا رحاب .... ياك إسمك رحاب لا
رحاب : وااااش لا ماشي إسمي رحاب
و قطعت في وجهوا
رحاب : يا بنات خلات علينا ماعلاباليش كيفاه عرف إسمي
وفاء : اااه كيفاه هدي تحكي صح
كوثر : لا لا هذا باين شارب حاجة و قال إسمك غير هكاك برك
رحاب : لا لا ... كان يحكي و هو متأكد واش راه يحكي
كوثر : ماتخافيش ما راح يدير والو
رحاب : وي أما وقت تحكي معاه و هو نايض من نوم تحسب بريء مايدير والو
وفاء : صح .... أحكيلي وش قال
نخلوهم و نروحوا عند نزيم :
نزيم : كنت راقد عندي تقريبا 3 ساعات اليوم ما سهرتش معلاباليش علاه بلاك على خاطر هذيك الطفلة رحاب دات رائد و عبدو و خلتني وحدي .... أما لا شحال من طفلة كانت باغية تكمل معايا السهرة أما أنا رفضت نضت من نوم على صوت تيليفون جاوبت و حكات معايا طفلة أول ماسمعت صوتها تفكرت هذيك رحاب صوتها يخليني نتصرف بهدوء مع أنها طيحتلي 😅 هههه تحدتني و ماهلابالهش بلي راح تندم ... وش راح ندير .... راح نعطيها الطفل كيما حبت .... أما على طريقتي راح نخليها تكره النهار لي حكات فيه معايا 😈
.
.
ناضوا لبنات الصباح على صوت تيليفون
رحاب (جاوبت بلا ماتشوف الرقم) : آلو ... إذا كانت عندك حالة طارئة و من المستحيل تكون عيط بعد ساعتين إذا ما كاين والو ماشي لازم تعيطلي
نزيم: شوفي في يدك ساعة ...
رحاب : لا ماعنديش ساعة مين نشري درك نعيطلك باي
نزيم : رحاااب والله إذا ما جيتيش بعد ساعة للبلاصة لي راح نبعثها ليك درك راح تندمي يااسر
رحاب (فتحت عينيها) : أصبر ... أصبر شكون أنت
نزيم : أنا نزيم و التحدي بدا لبارح ... أنتي طلبتي طفل و أنا راح نعطيك طفل
.
.
.
يتبع 😇
آرائكم و توقعاتكم و دعمكم .... مرسي
نحبكم 😘