أريد طفلا (بالهجة الجزائرية)

🚼 الحلقة 21 🚼

راني جييت و درك باينة راح تبدا القصة الحقيقية 😁😁 هيا جيش القراء أقروا و خلو رايكم 👌👌 نبدوا
.
.
وصلوا لدار و كانت فيلا صغيرة و فيها جنينة كبيرة فيها بيت بعيدة شوية على الفيلا و فيها مسبح صغير  في الجيهة الخلفية و كراسي ... هبطوا من الطونوبيل

رحاب : وش واقيل راك داخل لدار
نزيم : اااا وش نجيب إذن من البلدية
رحاب : أعطيني المفتاح و روح جيبلي قشي من دارنا
نزيم : وعلاه ما قلتيش من قبيل 😠
رحاب : وش نورمال نسيت .. هيا راح تروح ولا لالا
نزيم : أوووف هاكي المفتاح و درك تلقاي زوج نسا لداخل إذا سحقيتي أي حاجة أطلبي منهم حتى نجي
رحاب : يااا مرسي 😇
نزيم راح و هي دخلت حكات شويا مع هذوك النسا و عرفت بلي يروحوا مع الخمسة تاع لعشية بعد ما يطيبوا لعشا و يحبوه
رحاب : مممم وش رايكم تروحوا من درك
أسماء : وعلاه مدام أنتي راح تحبسينا من الخدمة
رحاب : أول حاجة ما تقوليليش مدام و ثاني حاجة لا أنا حبيت نقعد مع راجلي وحدنا
إيمان : 😇 إيه صح ربي يدوم محبتكم
رحاب : نشالله .. هيا تقدروا تروحوا
خرجوا وهي راحت قفلت الأبواب كامل و الشبابيك (جمع طاقة 😁😁👌)
رحاب : و درك بدات الخطة يا نزيم ****** أصبر على روحك برك 😈😈😁
راحت شعلت كامل الأضواء على خاطر تخاف تقعد وحدها و شعلت ال tv لي في الصالون و قعدت توكل و تتفرج حتى سمعت الباب يدق طلعت لبيت كانت تهبل و  فتحت البالكون تاعها و طلت عليه
رحاب : بسسس يا زين راني هنا
نزيم : رحاب وينهم أسماء و إيمان وعلاه لدرك ما فتحوش
رحاب : ممم يكونوا وصلوا لديارهم درك
نزيم : وعلاه !! وش كاين أهبطي أفتحي الباب
رحاب : والله يا راجلي لعزيز تبانلي الليلة راح تبات برا
نزيم : وش .. من عقلك رحاب أعطيني المفتاح
رحاب : مممم لا ... أما أصبر راح نعطيك حاجة أحسن
راحت و عاودت رجعت رماتلوا قش
نزيم : وش هذا
رحاب : هذا قش النوم تاعك 
نزيم(بصوت عالي): 😠😠 والله نقتلك أصبري برك و زيادة شوفي وش تلبسي
رحاب : 😛😛 لخزانة مليانة 😁
نزيم : اااي ما تخميش حتى تقربي لقشي
و لأنها فتاة عنيدة راحت لقشوا و لبست تريكو و شورت جاوها روعة 😁😁
فات الوقت و نزيم قالق و قاعد برا يكونيكتي و رحاب لداخل تخلط في الماكلة و نكونيكتي .... حتى بدات الدنيا تظلام كانت الساعة 8 و رحاب طلعت للبيت لي فيها البالكون و قعدت في البالكون تتفرج عليه بلا مايشوفها و من بعد معدتها تقلبت و وقفت تجري للدوش رجعت و خرجت دايخة ... راحت البالكون و كانت واقفت بسييف
رحاب (بصوت مبحوح و تعبان): نزيييم
هو بسييف ما سمعها هز راسو ليها و هي رمات المفتاح و طاحت في الأرض نزيم ناض مخلوع هز المفتاح و طلع يجري لعندها هزها و حطها في لفراش
نزيم : رحاب عمري شبييك 😨
رحاب (بصوت تعبان): اااي ماتقوليش عمري
نزيم : خلاص خلاص برك قوليلي شبييك
رحاب : ماعلاباليش 😖 أما كرشي توجع 😭
دار يدو على كرشها
نزيم : وش 😨 قوليلي شربتي الدوا
رحاب : ... 😐
نزيم : عرفتك .. وين حطيتيه
رحاب : خليتوا في الطونوبيل
هبط نزيم حوس عليه و شرب ليها الدوا و كمل شعل ال tv
رحاب : إيه مرسي تقدر تروح ترقد
نزيم : اااا وي صح راني في البيت لي جنبك إذا حتجتي أي حاجة دقدقي في لحيط و لا عيطيلي
رحاب : أوكي
راح نزيم دوش و قعد يكمل في خدمة تخص الشركة حتى صونا تيليفون تاعو
.....: آلو وي
نزيم : وي شكون معايا
......: أنا سكريتيرة شركة مراد للملابس
نزيم : ااا تفكرت وش كاين
......: مممم سيد مراد حاب يعمل معاك عقد لمدة شهر
نزيم : لا آسف شهر يااسر و كيما تعرفي أنا مانيش عارض أزياء أنا رجل أعمال
......: أما أنت تعمل عقود مع شركات أزياء
نزيم : يعني جلسة أو جلستين تصوير ماشي شهر
......: أما نحنا راح نعطوك وش تطلب
و فجأة راح تريسيتي و سمع صوت رحاب تعيط عليه بصوت عالي
نزيم : أوكي أوكي نخمم و نقلك
قطع و راح يجري لعندها
نزيم : رحاب شبيييك
رحاب كانت دايرة الضو في التيليفون
رحاب : خفت 😦
نزيم : 😂😂 ماتخافيش راني معاك
و راح قعد جنبها
رحاب : سامط ما تضحكش عليا 😛
قعدوا واحد 10 دقايق و جا التريسيتي
نزيم : اااا هيا مين جا تريسيتي أنا نروح لبيتي
كان خارج حتى عيطتلوا رحاب
رحاب : نزييييم
نزيم : وييي 😏
رحاب : خفت تقدر ..(مزالت ماكملتش)
نزيم : نرقد معاك ماعنديش مشكل 😁
رحاب : لا ترقد في الأرض
نزيم : مممم معليش نروح نجيب فراش و نجي
رحاب : اااي أصبر نجي معاك
و وقفت تجري حكمت في يدو
نزيم : فكريني غدوة نخرج نقطع كابل التريسيتي 😁
رحاب : مممم
نزيم : ااااي هذو قشاتي لا
رحاب : وش نحيهم يعني 😒
نزيم : لا هو أنتي جيتي cute بهذوا القشات أما كان تنحيهم تجي خير
و عظ على شفايفوا و هي شافت فيه و سيبت يدو
رحاب : عيب عليك أنت قلتي نحنا صحاب راح ترجع دير كيما قبل 😢
نزيم (حكمها من كتفها): ششش رحاب يا روحي شوفي فيا أنا ما راح نديرلك والو أوكي
رحاب : أوكي
نزيم : خلاص أعطيني يدك
رجع حكم يدها و راحو جاب لفراش لي في سرير تاعوا (سرير كبير ) فرشوا جنب سريرها في لرض ... و رقدوا .. فات الوقت و نزيم كان راقد حتى حس برحاب طاحت فوقوا
نزيم : رحاااب
رحاب : مممم 💤
نزيم : يا طفلة غدوة راح نروح عند عمال البلدية و نغرقهم في صوارد ... هذي أحسن ليلة و كلش بسبابهم 😁😁
عنقها و رقد
.
.
.
يتبع 😂😂
جيش القراء وش رايكم وش تكون ردة فعل رحاب كي تنوض الصباح ... ماتنسوش نحبكم كااامل 💗💟
Peace 💪💪