أريد طفلا (بالهجة الجزائرية)

🚼 الحلقة 19 🚼

69 نجمة في 24 ساعة و بعد تجي وحدة تقلي جيش القراء ماشي قاوي 😂😂 وش من نيتك 😂 المهم نبدوا
.
.
نزيم كان يسوق و رحاب راكبة جنبوا و تخدم بتيليفونها حتى صونا
رحاب : آلو وي ماما
أمها : رحاب بنتي هذوك الرجال رجعوا و راهم يحكوا مع خوك برا
رحاب : 😨 إيه وعلاه رجعوا
أمها : يابنتي جابوا معاهم رجال و جاو
رحاب : اه قولي لراشد يدخل راني خايفة كاش ما يعملولوا
نزيم (حبس الطونوبيل ) : وش كاين
أمها : رحاب بنتي خفي روحي
رحاب : أوكي راني في طريق
و كوبات
نزيم(بقلق): ربك نتي ما تسمعيش قتلك وش كاين
رحاب كانت حاكمة دمعتها على شعرة وين علا صوتوا عليها بدات تبكي .. و نزيم ما فهم والو عنقها وهي بقات تبكي و تحكي في نفس الوقت و هو ما فهم والو على هدرتها
نزيم : ششش ما تبكيش أسكتي و فهميني وش كاين
رحاب بعدت عليه
رحاب : خاوة بابا جاو لعندنا و حابين يزوجوني لواحد من ولادهم و راهم 😭😭😭... راهم يهددوا فينا و زيد لازم بابا يعطيهم ورثتوا و la police مايقدروش يدخلوا على خاطر ما دارولنا والو
نزيم : ششش ماتبكيش واحد ما يقربلكم و أنا هنا زيد أنا راجلك راهم حابين يزوجوك و نتي متزوجة
هز نزيم تيليفون و عيط لرائد
نزيم : وي رائد راك في الدار
رائد : وي و أنت وين
نزيم : أبعثلي 3 من الحراس
رائد : وعلاه وش كاين ما سافرتيش كنت متأكد رحاب تقدر تمنعك من السفر 😁
نزيم : أبعثهم لدار رحاب و بعد نحكيلك أنا في طريقي لدار رحاب ما طولش
رائد : أوكي .. أوكي
وصلوا للدار و رحاب كانت هابطة و خايفة نزيم حكم يدها
رحاب : نزيم سيب يدي
نزيم : صحاب برك أما قدامهم متزوجين .. وريلي إذا تعرفي تمثلي ولا والو 😏
رحاب : أوكي
ما كانتش متحملة نزيم يحكم يدها كانت غير تتخيل بلي راح يديرلها نفس وش دار قبل
نزيم : ماتخافيش
رحاب : ما .. مانيش خايفة
نزيم : ممم باااين 😁
دخلوا و لقاو الجنينة فيها 6 رجال واقفين بعيد و راشد معاه 2 رجال
(خلي نسميهم واحد فريد و واحد لخضر 😁😁)
لخضر : إييييه يا لالة وين كنتي
رحاب : أنت وش دخلك
فريد : ماتحشميش
راشد : لالا أنتم لي ماتحشموش
فريد : شكون هذا ال#$#$##٫$ لي معااك
نزيم : وش واقيل راك تحكي معايا
لخضر : باينة يحكي معاك ... و أنتي ياطفلة لدار حسابك بعد و ما تدي غير واحد من لعيلة
نزيم وقف قدام رحاب (يعني غطاها بظهروا)
نزيم : هذي مرتي سمعتني و راهي حامل و أنت حاب تزوجها لراجل خلاف
لخضر و فريد : واااش .. كيفاه هذي
نزيم : والله كيما سمعتوا بلاك راكم حابين نجيبلكم تحليل الحمل لعندكم تقراوه 😏
لخضر : أنت راك حاب تدي طريحة
هو مزال ما كملش هدرتوا حتى دخل رائد و وراه الرجال
رائد : شكون قال طريحة درك
نزيم : أوووو 😁 هكا رانا bien ... رحاب أدخلي لدار و أنا راني لبرا
راشد : إيه وش رايكم تخرجوا برا نعطوكم الورث
خرجوهم برا و دارو عركة ماتخلاصش و رحاب عيطت على la police .. وصلوا la police و داو فريد و لخضر و رجالهم للحبس بتهمة التعدي على شخص داخل ممتلكاته (هكا يقولوا لا 😂😂😂)
و راشد كان فرحان على خاطر نزيم وقف معاه و دخلهم لدار و نزيم كان مضروب و نيفوا ينزف ... شفاتوا رحاب راحت جابت boîte pharmacie و قعدت جنبو
رحاب (بصوت هادي): مليحة فييك
داوتلوا خشموا و وقفت حتى هبط محمد
نزيم : أسمحولي إذا قلقناكم أما راشد هو لي قالنا ندخلوا
محمد : يكثر خيرك .. أنا قبل كنت راح نعطيك رحاب على خاطر خايف تتزوج بواحد من ولاد هذوك أما درك راح نزوجها ليك على خاطر تأكدت ما كانش واحد يقدر يحميها و يحافظ عليها كيما أنت
رائد : أوووو واش هذا التطور نقولوا مبروك
محمد : وي مبروك عليك ولدي .. أما لازم العرس
نزيم : باينة هذي أما ما نقدرش نعمل عرس كبير راح نديروا حفلة كيما تفاهمنا قبل .. لأنو ماشي وقت نعلن أنو تزوجت درك
محمد : والله أنا الفايدة تحافظ عليها
راشد : و إذا المرة الجاية أختي تقاست حتى لوكان شوية راح ننسى وقفتك معانا اليوم و راح ندمك
نزيم : كون هاني هذيك كانت غلطة .. و أنا حاب نصلحها
محمد : إيه و وقتاه لعرس
نزيم : أنا من رايي نعقدوا غدوة و نديروا سهرية و خلاص
محمد : رحاااب ... رحاااب بنتي وينك
جات لعندو
رحاب : وي بابا
محمد : بنتي نزيم قال غدوة تعقدوا يناسبك غدوة
رحاب : لي تشوفوا
جات دايرة باه تخرج و ما تحس بروحها غير وقت طاحت في الأرض .. ناضت في المستشفى
نزيم : رحاب راكي لباس وش تحسي !!
رحاب : راسي يدور .. و تعبانة 😑
رجعت غمضت عينيها
نزيم : رحاب نوضي تاكلي هذا كامل من قلة الماكلة
رحاب : لا ما نحبش 😐
نزيم : أوكي براحتك درك نقول ليهم يخلوك هنا و يبقاو يديرولك السيروم 😏
رحاب : خلاص خلاص جيبلي نوكل
نزيم : 😁 وش نجيبلك
رحاب : ممم جيبلي إندومي دجاج
نزيم : أوكي
وقف و جا خارج حتى عاودت عيطتلوا
رحاب : نزيييم 😖
نزيم : وي وش كاين
رحاب : ما نحبش إندومي
نزيم : إيه وش تحبي
رحاب : ااا جيبلي تاكوس و عصير تفاح
نزيم : أوكي أوكي
رحاب : ولا لا ما نحبش نحب محاجب تاع عبدو
نزيم : يا طفلة عبدو يكون راقد في سبعين نومة درك راهي قريب 12
رحاب : ما دخلنييش نحب محاجب و عصير ليمون
نزيم : رحاااب أخطينا من لخدايم تاع الدراري
رحاب : 😭 أنا خدايمي تاع دراري خلاص ما نحبش نوكل أصلا هذا ولدك لي راه يطلب
نزيم : اوووف ياربي أوووف .. خلاص ماتبكيش درك نجيبلك
رحاب : ☺ أوكي ما طولش
راح نزيم و ما لقا واش يدير عيط لعبدو
نزيم : وي عبدو
عبدو : وش نزيم لباس وش كاين
نزيم : وش رايك رحاب تتوحم وعلاه راح نعيطلك درك
عبدو : لاااا هذيك بلا وحام تتوحم 😂 .. ما تقوليش قلتلك نجيبلها حليب عصفور
نزيم : لا طلبت محاجب و من عندك
عبدو : برك هذي هي .. عندي شويا عجينة في الدار أرواح نطيبلها كعبات .. mais راني نمركي كي يجي الطفل تسموه على إسمي هذي ثاني مرة تتوحم على لمحاجب 😂😂
نزيم : 😂😂😂 معليش معليش
.
.
.
يتبع 😂😂
جيش القراء خلو رايكم ما تنسوش ديروا نجمة و تخلوا تخيلاتكم للقصة 😁😁 ماتنسوش نحبكم كااامل 💗💟
Peace 💪💪