أريد طفلا (بالهجة الجزائرية)

🚼 الحلقة 01 🚼

اليوم هو الخميس بالنسبة ليكم هو نهاية الأسبوع أما بالنسبة لرحاب فهو النهار لي تجتمع فيه مع صحباتها هذا مايعنيش أنهم باقي السمانة مايتلقاوش لاااا هم يتلقاو كل يوم و يقراو مع بعض و لكن نهار لخميس يباتوا مع بعض يتفرجوا أفلام و يلعبوا و يعملوا واش يحبوا
في الجامعة و بتحديد في المدرج رحاب و صحباتها راقدين حتى
رحاب : ااااا بنات نوضوا نوضوا
كوثر : أوووف وش كاين
وفاء (بصوت عالي) : زلزال أه زلزال ؟!
و بدات رحاب و كوثر و الناس لي ثم يضحكوا
الأستاذ : اااااي أنتم
رحاب : شكووون أنتم
الأستاذ : أنتي و الزوج بنات لي جنبك
كوثر : واش وقيل غير نحنا نتبانوا هنا
الأستاذ : وي على خاطر غير أنتم شواطين هنا
رحاب : و شواطين يشوفوهم غير لحميير لي كيما أنت 😁
كوثر و وفاء : أوووووو قويتي قويتي 😂
الأستاذ : هيا برا عليا
لموا حوايجهم و لحقوا للباب باه يخرجوا
وفاء : بالعقل رانا خارجين بصح ربي يعيشك بدل هذي الجملة كل يوم تقول هيا برا عليا
كوثر : وي صح
رحاب : صح مثلا قول هيا قودوا من هنا
وفاء : ههههه وي جديدة و حصرية 😂
خرجوا من الجامعة و راحو للطونوبيل تاع رحاب .... ركبوا من لورا و خلوها هي تسوق
رحاب : إيييه شوفار تاع باباك أنتي و هي
وفاء : 😂 أنا والله مانديرك شوفار عندي
كوثر : وي حتى أنا أصلا كون جوزتي عندي لبيرمي والله مانجحك 😂
رحاب : أياااا خلاص من تصحاح الوجه .... ذرك وين نروحوا
وفاء : أسمعوا بنات وش رايكم في شويا أيسكريم مع قعدة على شط لبحر ....
كوثر : إيييه صح شحال عندنا على قعدة في البحر
رحاب : أوكي هي 😁
راحو شراو أيسكريم و قعدوا على شط لبحر ياكلوا و يتفرجوا على الرايح و الجاااي
كوثر : هذاك الطفل جا عليه لحمر هبااال
وفاء : وي وي يهبل
رحاب : أخااااه شوفي هذوك لي كوبل .... ليك الطفلة تفجع و شوفي حبيبها واش بوڨوص
كوثر : إيه يهبل ياااا جدك
وفاء : صحا ديجا واش يقولك لي زينها مكبوب يعطيها ربي زهر
رحاب : هياااا أنتي شكون لي قالها هذي أبقاااي غير إخترعي في الحكم و قولي الناس هما لي قالوا 😂 .... أما الصراحة مليحة هذي
كوثر : وي صح و زيد حقيقة علمية
و أكثر بلاصة يتبلاو فيها لبنات هي لبحر و خاصة كي يشوفوا بنات بوڨوصات ....فات عليهم زوج ذراري
طفل 1 : يما على توت كي نشوفك نموت
كوثر : وأنا كي نشوفك نبغي نتقيا برك 😛
طفل 2 : ياااا ولدي أخطيك لي في النص بقلاوة و الباقي ڨاع حوااشي (يحكي على رحاب 😁)
لبنات مع بعضهم : أحشوها للحوت السردينة تحلبت ليكم 😂
و ناضوا راحوا للطونوبيل
رحاب : إيه و ذرك وين و ربي يعيشك وفاء ذرك أسكتي على خاطر تدينا غير للأماكن الرومنسية 😂
كوثر : 😂 وي وي .... وش رايكم نروحوا للمول نشروا حوايج ماعندها حتى معنى 😂
رحاب : هههه هااااي ليك الأفكار لباااهية
وفاء : 😂😂 وي صح صح
راحو وصلوا للمول و بداو يدوروا في لحوانت ويشروا لي يعجبهم و لي ما يعجبهمش
وفاء : بنات وش رايكم في لعبة شااابة
كوثر : وش هي
رحاب : ربي يعيشك ماتقوليليش نتخاطروا شكون تخلي مول لحانوت يطلب النيمرو تاعها
وفاء : لاااا خلاص هذيك اللعبة خسرت فيها صوارد كنت قادرة نفتح بيهم شركة و نولي المنافسة تاع بابا
كوثر : 😂😂 وي وي حتى أنا
رحاب 😂 خلاااص برك وش نلعبوا
وفاء : أنا راح نروح نوقف جنب السراول و نغمض عيني و نبدا نمشي و وين تقولوا stop  أنا نحبس يدي و نشري الحاجة لي نلقا يدي عليها
رحاب : أوكي أما تبدا كوثر
كوثر : هههه أوكي من ذرك عارفة لقشات ماراحش يخرجوا على بعض 😂
وفاء : 😂😂 وي وي
بقاو يلعبوا و شراو قشات مايخرجوش على بعضهم وخرجوا
رحاب : أسمعي كوثر أنا نعطيك هذاك السروال و أنتي تعطيني سروالك و وفاء تعطيك تريكوا تاعها ....
وبقاو يشوفوا كيفاه ينسقوا بين لحوايج لي شراوهم حتى
رحاب : اااا يما
وفاء : شبيييك 😨
كوثر : ا وخذي راح تموت وش هي وصيتك
رحاب : 😁 وي راح نموت بالجوع و وصيتي تدوني نتغدا
وفاء : صح لغدا 😁
كوثر : وي آخر مرة وفاء خلصت علينا تسمى هذي المرة أنا لي نخلص
رحاب : ويييي و ما أحلى لغدا مين يكون بلااااش 😁
وفاء : 😂 وي تهبل و نحب نفكرك لعشا الليلة على حسابك
رحاب : وي هيا هيا راني متت من الجوع
دخلوا  لريسطورون لي ديما ياكلوا فيها
السارفور : واش لبنات صفا شويا 😇
رحاب : عبدو والله أنتيييك و أنت خويا
عبدو : لحمد راكي تشوفي راني مع لخدمة 😁
Cut
ذرك خلوني نحكيلكم على عبدو (أصلا واش نحكي و واش نخلي 😂) زييين و كور و ديكور و قلب أبيض عمرو 24 سنة و هو ماشي يخدم في ريسطورون على جال الصوارد ... لا هو من عيلة لباس عليها أمو معلمة متقاعدة و باباه هو صاحب هذاك المول و عندو ثاني شركة .... عبدو قاري في الجامعة إدارة أعمال (كيما رحاب و صحباتها) و لكن باباه قاعد يختبر في صبروا و طريقة تعاملوا مع الناس .... هذا عبدو 👇👇👇

..........كي شغل لمحة مختصرة 😂😂.........
رحاب : عبدو أنا جيبلي كيما كل مرة
عبدو : 😁😁 أوكي محاجب و أنتي وفاء
وفاء : أنا نحب بيتزا بزايد فرماج و لحم برك
عبدو : كوثر و أنتي وش تاكلي
كوثر : هاااا أنا لا أتخلى عن مبادئي كيما رحااب جيبلي شورما كيما كل مرة
عبدو : أوكي أحسن شورما لأحسن كوثر
راح يجيبلهم الماكلة
رحاب : وفاء وش راايك
وفاء : وي وي و أنا أرجح الفرضية تاعك
كوثر : آي وش كاين راكم تحكوا بالإشارات 😟😟
رحاب : ممم كي شغل ماراكيش عارفة والو
كوثر : والله ما درت والو
وفاء : 😂 شوف كي تبدا تكذب .... و عبدو مسكين وش درتيلوا
رحاب : شوفي هو باين بلي دارتلو سحور
وفاء : وي وي هذي باينة
كوثر : وعلاه سحور وش درتلوا أنا
رحاب : ما شفتيش كيفاه يحكي معاك باينة يحبك ❤
جا عبدو و حط الماكلة
عبدو : بصحتكم
لبنات : يعيشك
عبدو : ااااا بنات وش راح ديروا لعشية
رحاب : وعلاااااااه
عبدو : 😁 والو قلت بلاك تحبو تخرجو تتعشو على حسابي
وفاء : مممم فكرة مليحة أما وين ؟؟
عبدو : في فندق *******
رحاب : هههههه والله أنا من رايي تجيبنا هنا ناكلوا محاجب برك
عبدو : لا لا راح نديكم لمطعم يروحوا ليه غير الناس لكلاس لي كيما أنتم ... ولا وش قالت كوثر
كوثر : أه .... إيه إيه صح 😇
عبدو : أوكي نستناكم لعشية
كوثر : وي 😳
كملوا لبنات كلوا و كانوا رايحين يخلصوا و يخرجوا
كوثر : رحاب نعطيك الصوارد خلصيه أنتي و نحنا نخرجوا
رحاب : وعلاااه 😂
كوثر : هيا خلاص نحشم نحكي معاه
وفاء : من وقتاه وليتي تحشمي يا وجه المقلة 😂
كوثر : واش قلتي رحاب إيه ولا لاااا
رحاب : خلاص روحوا أخرجوا ذرك نخلص و نجي
كوثر و وفاء خرجوا و رحاب راحت عند عبدو خلصت و ودعاتوا
عبدو : رحاب معليش نطلب منك حاجة 😇
رحاب : ههههه وش تسحق 😁
عبدو : شبيكي تضحكي 😟
رحاب : والو بصح راني ندير في فرضيات لواش راح تطلب مني
عبدو : إيه واش هم الفرضيات 😀
رحاب : ممممم الفرضية الأولة يمكن النيمرو تاع كوثر و الفرضية الثانية يمكن راح تقول أنا و وفاء نخلوكم وحدكم الليلة
عبدو : الله يبارك قريتي أفكاري الفرضية الثانية صحيحة 100%
رحاب : مممم نخمم و نقلك 😂😂
و هربت راحو للطونوبيل و كل وحدة راحت لدارهم ... وقالت ليهم بلي راح يروحوا يتعشوا في فندق و يباتوا في أوتال تاع عيلة كوثر (ليلة لخميس كل مرة يباتوا في بلاصة أما أحسن بلاصة هي الأوتال تاع عيلة كوثر) و ثاني هزوا بيجاما و غوب لسهرة ..... فات الوقت و رحاب و وفاء تفاهموا باه يخلوا عبدو مع كوثر وحدهم
وصل الوقت تلقاو لبنات ركبو في الطونوبيل و كانوا طايرين ..... دايرين لغنا و يغنوا حتى لحقوا للفندق و لقاو عبدو يسنا فيهم .... هبطوا و كانوا يهبلوا و هو ثاني
رحاب : ااااا بنات شوفوا لهيك
وفاء : وش كاين !!
رحاب : ليك لوطو لي وعدني بابا يشريهالي إذا طلعت العام بمعدل شباب
كانت طونوبيل تهبل ( أما رحاب ما يهمهاش الشكل يهمها الموتار على خاطر تحب السرعة) و كانت فيمي
كوثر : إيه تهبل
رحاب : بنات أرواحوا نشوفوها من قريب
عبدو مين شافهم حابسين و يحكوا راح ليهم
عبدو : بنات وش كاين هيا ندخلو
رحاب : عبدو ربي يعيشك كيفاه ندخل و تحفة كيما هذي هنا
عبدو : ههههه نسيييت تموتي على الطونوبيلات هاذوا
رحاب : إيه أسبقنا أنت و كوثر .... أنا و وفاء حابين نتأملوا شويا الطونوبيل و نصوروا و نجوا
عبدو : أوكي أما عندك يشوفك مولاها
.
.
.
يتبع 😇
وش رايكم بنات نكمل ولا ماشي لازم 😀