أريد طفلا (بالهجة الجزائرية)

🚼 الحلقة 38 🚼

جيش القراء مزالو 2 حلقات ولا حلقة المهم وحدة وحدة هااا قريب نكمل 😁😁 و درك نبدو
.
.
آخر حاجة
نزيم(حط راسوا في رقبتها): ششش ما تبكيش أنا عمري ما نشوف فيها و نتي معايا
رحاب : مممم معليش 
كان راح يبوسها .. حتى دق الباب تاع البيت
نزيم : أوووف و هذا وقتكم .. شكون
علي : نزيم .. ألحقني للمكتب كاين خدمة لازم تشوفها
نزيم : أوكي .. درك نلحق
رحاب : 😝😝 😂 روح أخدم هيا أمشي 😁
نزيم : معليش بعد نتفاهموا 😏
هبط نزيم لعند باباه
علي : نزيم أقعد ولدي
نزيم(قعد): إيه بابا وش الخدمة هذي لي ما تستناش حتى نروحوا لشركة
علي : شوف هذي الأوراق
نزيم(كان يقرا و هز راسوا): إيه وعلاه نقرا لوراق هذو
علي : عندي شك أنو كاين واحد إخترق نظام شركتنا
نزيم : 😨 ....
.
.
نخلوهم يحكوا و نروحوا لعند رحاب كانت قاعدة في البيت تستنى في نزيم
رحاب : أوووف قلقت .. خلاص نهبط نقعد لتحت
هبطت لتحت راحت للكوزينة و راحت للصالة وصلت للبيت و سمعت رؤية تحكي في تيليفون
رؤية : وي علابالي
................
رؤية : إيه قريب نكمل خدمتي و نرجع لعندك ☺
..............
رؤية : أوكي بااي
قطعت
رؤية : أوووف يا ربي ... وقتاه نتهنى منو هذا 😖
دخلت رحاب
رؤية : وش ديري هنا
رحاب : لازم نشاورك باه نخرج من بيتي
رؤية : من وقتاه و نتي هنا !!
رحاب : وش دخلك ؟ 😒
رؤية خرجت و رحاب قعدت تتفرج و تخمم يعني شكون هذا الراجل حتى سمعت صوت نزيم راحت لعندو
رحاب : نونو 😁
نزيم : وي وش كاين
رحاب : شبيك تحكي معايا هكا 😔
نزيم : رحاب عندي خدمة من بعد نحكوا
راحت و خلاتوا .. قعد يخدم حتى لحق وقت لعشا تعشوا و راحوا لبيتهم .. هو يخدم و رحاب تتفرج و تحكي مع صحاباتها حتى عيات و رقدت .. فات الوقت ناضت رحاب تقريبا زوج تاع الصباح شافت نزيم مزال يخدم شعلت الضو و رجعت لسرير و بقات تشوف فيه
نزيم : رحاب طفي الضو و أرقدي
رحاب : 😭 وعلاه تحكي معايا هكا
نزيم : 😓 وعلاه تبكي وش قلت أنا !!
رحاب : ما شفتيش كيفاه راك مطفيني
نزيم راح قعد جنبها و عنقها
نزيم : خلاص حبيبتي ما تبكيش .. راني نخدم هكا علاجالك أنتي و ولادي 
رحاب : صحا قولي وش الخدمة لي تسهرك لدرك
نزيم : نتي أرقدي و أرتاحي أنا راح نلقالها حل ماتخميش
رحاب : نونو 😖 هيا قول
نزيم : أوكي أوكي ... كاين واحد إخترق نظام الشركة و راهو يدي معلومات الصفقات و زيد يدي الصوارد .. ماقدرتش نعرف هو شكون ولا وش من شركة بعثاتوا .. حتى ما قدرتش ندير نظام حماية قاوي .. لازم غدوة نشوف واحد يقدر يدير هذو الحاجات
رحاب : مممم و شكون هذا
نزيم : ما علاباليش راح نحاول نلقا أي واحد نعطيه وش يحب المهم يعاوني
رحاب : أوكي أنا قبلت أعطيني بطاقتك و خليني نشري وش نحب نهار كامل و راح نعاونك
نزيم : أنتي !! و نتي وش فهمك في هذو الحاجات
رحاب : اييي ما تقوليش ماتعرفش بلي مرتك هاكر
نزيم : راكي تتمسخري 😕 !!
رحاب : جيبلي pc تاعي و زيد pc تاعك و تيليفوني و أهبط للكوزينة جيبلي حاجة نوكلها
نزيم : لا .. أحلفي بلي تقدري تعاونيني 😀
رحاب : يعني كان ما جيتش نقدر نعاونك وش راح ينوضني في هذا الوقت
راح جاب ليها وش طلبت و هي قعدت تخدم تقريب 3 سوايع
نزيم : رحاب .. عمري راهي 5 تاع الصباح روحي أرتاحي شوي
رحاب : شششش
نزيم : ااا أوكي راني ساكت 😐
رحاب : لقيتوا 😀
نزيم : تحكي صح 😮
رحاب : ااا وي داير نظام حماية صعيب قدرت نعرف غير العنوان
نزيم : 😘 مرسي يا روحي معلاباليش كيفاه كنت راح ندير من غيرك
رحاب : 😅😅 إذا إحتجتي أي عملية هكر مرتك هنا باه تعاونك
نزيم : 😁 وش رايك درك ترتاحي شوي
رحاب : أوكي أرقد حتى أنت
نزيم : بما أنو كملتي الخدمة راح نرقد شوي
رحاب : 😁
عنقاتوا و رقدت ناضت تقريبا على 10 تاع الصباح مالقتش نزيم و لقات رسالة فوق الطابلة .. فتحتها
الرسالة من نزيم : رحاب عمري صاحبي راح يستناك في الصالة أول ما تنوضي أهبطي لعندو راح يضربلك إبرة المغذي .. من بعد كولي مليح و جيبي pc تاعك و أرواحي لشركة باه تعاونيني ندير نظام حماية جديد
رحاب : يااااس 😁😁 و أخيرا شوي أكشن

راحت دارت كيما قال و قالت لرائد يوصلها .. وصلها و ستناها حتى دخلت و راح .. دخلت رحاب حبستها وحدة من الموظفين
الموظفة : آنسة وين راكي رايحة
رحاب : رايحة لعند نزيم
الموظفة : آسفة ما تقدريش تروحي
رحاب : وعلاه !!
الموظفة : سيد نزيم عندو خدمة ....
....: أحمم
الموظفة : صباح الخير سيد نزيم ☺
رحاب : صباح الخير حبيبي
الموظفة : حبيبها .. حبيبتوا 😨 وش صرا
نزيم : صباح النور .. و نتي فكريني ندير صورة لمرتي في نص الشركة باه تعرفيها كي تدخل و ما تحبسيهاش
الموظفة : ا اا أعذرني سيد نزيم
رحاب : ما صرا والو عادي
راحت معاه لقسم المعلوماتية وين كاين نظام الشركة كامل
نزيم : وينها مسؤولة القسم
المسؤولة : سيد نزيم راني هنا 😀 صباح النور
نزيم : صباح الخير 😒
المسؤولة : سيد نزيم إذا جيتي تتفقد الخدمة راهي ماشية مليح
نزيم : وي ماشية مليح .. ماشية مليح و نظام الشركة مهكر
المسؤولة : وش !! كيفاه ! 😨
رحاب : نزيم هدي روحك
نزيم : أنا كنت راح نطردك أما رحاب ما راحش نقبل على هذيك من اليوم أنتي موظفة عادية هنا و رحاب هي المسؤولة .. راح تعلمكم أصول الخدمة و راح دربكم على أمور جديدة .. أي واحد راح يسهى و لا ماراحش يتعلم راح نطردوا مفهوم
كامل : حاضر
بدات رحاب تخدم معاهم و نزيم بعث لشرطة الموقع لي لقاتوا رحاب و بلغ عليه
.
.
.
يتبع 😂😂😂
جيش القراء في رايكم شكون لي كان يسرق الشركة و رؤية مع شكون كانت تحكي إنتظرونا في الحلقة القادمة و ماتنساوش نحبكم كاااامل 💝💖💝
Peace 💪