أريد طفلا (بالهجة الجزائرية)

🚼 الحلقة 31 🚼

و يجب أن تعلموا أن القدر يصنع المعجزات يغير أشياء كثيرة لكنه لا يعطيك الحب أنت يجب أن تبحث عنه 💟 (وش رايكم في النصيحة 😂😂) هيا نبدوا
.
.
نزيم كان مزال في طونوبيل مع رحاب حتى جاه تيليفون
حسام : نزيم .. وينك
نزيم : ااا كنت رايح مع رحاب للسوبرماركت باه نشروا شوية حاجات
حسام : ما طولش لازم تشوف الدار الليلة
نزيم : وعلاه !!
حسام : لأنو غدوة أنا و أنت مسافرين
نزيم : لوين مسافرين !!
حسام : راح نحكوا وقت تجي .. نستناك بااي
رحاب : وش كاين !!
نزيم : حسام قالي بلي أنا و هو راح نسافروا غدوة
رحاب : إيه وش فيها .. بصح لوين راح نروحوا 😁
نزيم : رحاب أنتي ماراحش تروحي معانا
رحاب : 😟 وعلااااه
نزيم : على خاطر أنتي مريضة
رحاب : أووووف يعني راح تخليني وحدي
نزيم : لا نوعدك قبل ما نسافر نضم كلش هيا درك نروحوا
.
.
قعدوا ساكتين حتى وصلوا للفيلا و دخلوا
حسام : نزيم راني جبتلك الديار إختار وحدة و خلينا نعيطوا للمالك نحكوا معاه
نزيم : أوكي .. أما رحاب ما تقدرش تقعد وحدها في الدار
حسام : ما تخافش هوما نهارين بالأكثر و نرجعوا و راح تبقى معاها ليلي
رحاب : و أيوب
حسام : نورمال هو قابل 😁
نزيم : خلاص خلينا نروحوا نشوفوا الدار
.
.
هوما راحوا يشوفوا الدار و رحاب طلعت رقدة ..... نزيم شاف الدار و عجباتوا إستأجرها و دفع لراجل و رجعوا للفيلا بدل قشوا و رقد حتى سمع رحاب تعيط
.
.
ناض و شاف فيها
نزيم : رحاب شبييك !!
رحاب : نونو 😖 شفت حلم يخوف كان واحد هاز السكينة و راح يقتلني
نزيم : و بعد وش صرا
رحاب : 😭😭 ماعلاباليش بلاك قتلني
نزيم(عنقها): شششش ماتبكيش واحد مايقدر يقربلك و أنا معاك
رحاب : mais أنت راح تروح
نزيم : حتى إذا رحت ما راح نخلي حتى واحد يخمم برك يقربلك فهمتي
رحاب : وي وي
نزيم : درك أرقدي
و رجعوا رقدوا ... ناضوا على صوت المنبه بدلوا و هبطوا كانت 9 تاع الصباح
أيوب : صباح لخيير 😁
رحاب و نزيم : صباح النور
أيوب : هيا أرواحوا أفطروا
قعدوا و بداو يوكلوا
نزيم : وينو حسام
أيوب : راح للشركة يشوف تحضيرات طاقم التصوير
رحاب : إيه لدرك ما عرفت وين راح تسافروا
نزيم : ألمانيا
أيوب : وي راح تعجبك ياااسر حتى المكان لي راح تصور فيه
رحاب : نزيم لازم تصورلي الأماكن لي راح تروح بيهم
نزيم :😁😁 أوكي و نوعدك أول ما تولدي  نروحوا مع ولدنا
رحاب : أوكي و راه أيوب شاهد
أيوب : 😁 راني شاهد و درك كملي باه نديرلك إبرة المغذي
رحاب : أوكيييي
.
.
.
فات الوقت و لحق موعد الرحلة
رحاب : ما راحش ندير حتى فحص حتى تجي
نزيم : 😁 أوكي نوعدك النهار الثاني راح نستناك عند أيوب باه ديري الفحص
رحاب : أوكي 😇
نزيم : أيوب ما تنساش إبرة المغذي
أيوب : ما راح ننسى والو و إذا إحتاجت حاجة راح تعيطلي
نزيم : إيه باااي
رحاب(عنقاتوا): حاول تكمل في أسرع وقت
نزيم : نشالله

.
.
.
و خلونا نفوتوا بالوقت لصباح اليوم لي راح يرجع فيه نزيم ناضت رحاب على صوت ليلي
ليلي : آنستي لقد جاء سيد أيوب لإعطائك إبرة المغذي
رحاب : حسن سآتي فورا
بدلت قشها و هبطت
أيوب : صباح الخير
رحاب : صباح النور 😁
أيوب : هيا نضربلك إبرة على خاطر اليوم عندي خدمة ياسر
رحاب : أوكي
ضربلها الإبرة و رجعت كلت شوي
رحاب : أيوب خليني نجي معاك
أيوب : لا خليك هنا
رحاب : وعلاه
أيوب : إيه على خاطر كاين مشكلة جوية و يمكن نزيم ما يجيش اليوم
رحاب : صح 😕
أيوب : و يمكن يجي .. إذا جاء راح نخليه يعيطلك باه تجي
رحاب : مانعرفش وين تخدم
عطالها العنوان و راح . . . . فاتوا تقريبا ساعتين و رحاب سمعت صوت تيليفون راحت تجري .. رقم ما تعرفوش
رحاب : آلو .. شكون
نزيم : رحاب تيليفوني راح راني نعيطلك من رقم جديد
رحاب : نونو 😁 رجعتي
نزيم : وي راني عند أيوب تقدري تجي
رحاب : أوووف خفت تكون راح تقعد لهيك علاجال الجو
نزيم : 😁😁 لا .. نستناك ما طوليش

لبست رحاب و خرجت شافت سيارة أجرة قدام الفيلا
رحاب : سيدي هل يمكنك أخذي إلى هذا العنوان
السائق : نعم بالتأكيد
طلعت رحاب و كانت تخدم بتيليفونها حتى صونا
رحاب : هذا رقم نزيم 😕 .. آلو
نزيم : وي عمري
رحاب : وش لقيتي تيليفونك 😁
نزيم : كيفاه لقيتوا !!
رحاب : قلتي .....
قبل ماتكمل هدرتها الإتصال تقطع
.
.
.
عند نزيم
نزيم : آلو .. رحاااب .. رحاااب
بقا يعيطلها تقريب نص ساعة ما هزتش و تيليفون تقفل .. بعدها عيط لأيوب
نزيم : أيوب رحاب عندك
أيوب : لا وعلاه راح تجي لعندي رحاب
نزيم : روح شوفها في الدار
أيوب : أوكي أوكي
.
.
.
بعد 24 ساعة . . . . عند الشرطة
نزيم : هل هناك أي أخبار
رئيس الشرطة : سيدي لا أخبار و لكن أنا أعدك أننا سنجدها
نزيم : نعم ستجدها و إلا أعدك أنني سأعثر عليها بطريقتي .. وحينها سأعثر عليها و سأدمر فرنسا بأكملها
رئيس الشرطة : سيدي إحترم نفسك و إلا سأضطر لمعاقبتك
نزيم : صدقني لست خائفا من هذا
حسام : نزيم خلاااص أسكت
نزيم : راك حابني نسكت و لا وش رايك نرجع نصور و خلي رحاب ضايعة عادي
حسام : نزيم كل راهم يحوسوا عليها .. الشرطة و أيوب
نزيم : لازم نعيط لعايلتها و نقولهم
حسام : أوكي
خرجوا برا و نزيم عيط عند خوه
رائد : إيييه شوف شكون تفكرني
نزيم : رائد .. راح نقلك حاجة لازم تقولها لعمي محمد
رائد : نزيم شبييه صوتك
نزيم : رحاب مخطوفة
رائد : تح .. تحكي صح
نزيم : وي .. ما عنديش الجرأة نقول لعيلتها بلي ضيعتها 😫
رائد : ما تخافش راح نلقاوها
نزيم : 😫 نشالله
رائد : غدوة راح نكون عندك سمعتني رحاب ما راح يصرالها والو
.
.
.
عند رحاب فتحت عينيها في بيت بيضاء كبيرة و مزينة كانت راقدة في سرير كبير و في يدها سيروم ... دخلت طفلة لابسة أبيض
......: سيدتي لقد إستفقتي 😇
رحاب : هل أنا في المستشفى ؟!
..... : لا سيدتي لا تقلقي أنتي في المنزل
رحاب : أي منزل هذا أنا لا أعرفك .. لا أعرف هذا المكان . . أين أنا 😭
......: سيدتي يرجى المحافظة على هدوئك سآتي حالا
رحاب : نزييييم وينك
.......: سيدتي من فضلك
كانت رحاب تبكي حتى سمعت الباب تفتح
.
.
.
يتبع😂😂😂
جيش القراء خلو أرائكم و أفكاركم باه نعرف شكون راح يعرف باقي القصة 😂 المهم ديروا نجمة و ما تنساوش نحبكم كاااامل 💝💖💝
Peace 💪💪