جيش القراء شكرا على دعمكم قصة أخرى كملت لكن مسيرتنا عمرها ما راح تكمل .. كل مرة قصة جديدة أبطال جدد و أحداث جديدة 💜💜 جيش القراء هو الأفضل😘😘
.
.
رحاب طاحت في لرض و غمضت عينيها
نزيم : وش عملتي .. وش عملتي ... رحااب
علي : رائد عيط على الإسعاف
أم نزيم : بنتي رحاب وش صرالك
رؤية : ما ماقصدتش ماقصدتش نطيحها
نزيم : روحي من هنا .. أخرجي
راشد : رحاب 😭 رحاب أختي راكي مليحة
جات الإسعاف و داوها للمستشفى .. كانو يستناو برا حتى وصلوا جميلة و أمها و باباها و هديل
هديل : وينها رحاب وش صرالها
أم نزيم : راهي في البيت الطبيب يفحص فيها
أم رحاب : كيفاه حتى جبتوها هنا وش صرالها
أم نزيم : رحاب .. هي هي طاحت في لرض
جميلة : وش 😨 من وين طاحت كيفاه طاحت و وعلاه
أم نزيم : سمحولي هذي كامل غلطتي أنا
جميلة : أحكي كيفاه طاحت بنتي
أم نزيم حكاتلهم لحكاية
محمد : راشد سكر 😨 وينو درك !!
جميلة : أنت أسكت هذا وش همك في لحكاية
أم نزيم : راشد و نزيم هبطهم رائد لتحت يشربوا قهوة باه يفيقوا شوي
جميلة : ولدك داير في بالو بلي رحاب ما عندهاش عيلة ولا حاسب كي سمحنالو هذيك المرة رانا خايفين منو
علي : ما تحكيش هكا كامل رانا نغلطو و نوعدك أنا راح نعاقبو
جميلة : هذي المرة يا لوكان يجيني الرئيس باه يرجعها ليه مانقبلش 😠
أم نزيم : وعلاه عمتي جميلة ما تقسحيش قلبك والله نزيم يحبها برك ما حبش يعاركها و يقلقها رد كلش في روحوا
أم رحاب : ماما هي عندها حق حتى رحاب غالطة
جميلة : أسكتي خلاااص قلت قراري
هوما يستنوا في الطبيب يخرج حتى جاو رائد و نزيم و راشد
جميلة : وش هذا الوجه لي عندك و جاي هنا بعد لي درتيه
نزيم : وش أنتي خدمتك في الدنيا تكرهيني في حياتي
أمو : نزيييم 😠 كيفاه تحكي معاها هكا
نزيم : ماما حبسي شوي .. باينة قالتلكم بلي راح تدي رحاب و ما نزيدش نشوفها
جميلة : إيه قلت على خاطر أنت ماكش مقدرها لا يزي قبلنا بيك و بطفل لي متعبها و مزالك دير في المشاكل
نزيم : عفكرة هوما توأم ماشي طفل واحد 😀
جميلة : إيه توأم و ما راح تشوف حتى واحد فيهم 😒
راشد : جوجو هو خاطيه ما كانش حاب يروح معانا أنا قلتلو يديني
جميلة(ضربت راشد كف): و أنت ما تحشمش على روحك راح تولي سكارجي و من البار ماتخرجش 💦💦
راشد : سمحولي أول و آخر مرة
محمد : حسابك من بعد كي نروحوا لدار
هديل : راشد هيا نديك لدار أرتاح شوي
راحت هديل و معاها راشد .. خرج الطبيب
جميلة : خير وش بيها بنتي وش صرالها
الطبيب : لا هي لباس عليها و ولادها ما صرالهم والو
نزيم : يعني كانت راقدت برك
الطبيب : وي .. يعني علابالكم بلي عندها نوم مفاجىء
نزيم : إيه علابالنا
الطبيب : أوكي .. ما لازمش تخلوها تقلق على خاطر ماشي مليح لقلق يخليها ترقد أكثر و ماتكونش في صحة مليحة
نزيم : نشالله
جميلة : وقتاه نقدروا نخرجوها
الطبيب : نحنا عملنا الفحوصات كامل و ماعندها حتى مشكل .. برك مزالت ما ناضتش عطيناها إبرة أول ماتنوض تقدروا تخرجوها
محمد : أوكي
الطبيب : تقدروا تروحوا
راح الطبيب
علي : هيا بما أنو رحاب ماعندها حتى مشكل نروحوا و غدوة نرجعولها
محمد : عندك حق حتى نحنا نروحوا
جميلة : أنا ما نروحش حتى نتأكد بلي هذا الطفل روح
علي : ما راحش يقعد هنا راح يروح ... و صدقيني راح نعاقبوا أنا
.
.
.
.
.
فاتوا نهارين و رحاب راقدة كل يوم يجيبولها الطبيب يديرلها الإبرة و يبدل ليها السيروم .. ناضت رحاب صباح النهار الثالث و كانت قالقة و تعبانة .. قعدت تتفكر وش صرا
رحاب : ااه وش ندير في دارنا وش نزيم راح يخليني 😨
حوست على تيليفونها شافت الساعة لقاتها 4 تاع الصباح و تيليفونها فيه فايت 50 إتصال من نزيم ... عيطتلوا
نزيم(بصوت نعسان): آلو رحاب ... نضتي راكي مليحة !!
رحاب : وش خلاص راح تخليني 😭
نزيم : رحاب سمحيلي 😞
رحاب : مانسحقش تطلب مني السماح في التيليفون
نزيم : ما نقدرش نجي
رحاب : وعلاه !! 😢
نزيم : جميلة منعتني من أنو نجي لعندك
رحاب : أوووف يا ربي هذا كل بسبابي أنا 😭
نزيم : لا هذا ماشي بسبابك نتي هذا كل فعايل رؤية 😠
رحاب : لا كون ماشي أنا كذبت عليك و قلت بلي وافقت على الخدمة ما كانش راح يصرا هكا
نزيم : وش تقصدي ... يعني نتي ما وافقتيش على الخدمة !!
رحاب : ما وافقتش برك حبيت نشوف ردة فعلك كنت نحاول نجربك 😭😭 و درك ندمت كون غير ما عملتش هكا
نزيم : رحاب ... رؤية إعترفتلي بحاجة
رحاب : وش قالت !!
نزيم : الراجل صاحب الشركة الصغيرة لي كان يسرق شركتنا
رحاب : هي تعرفوا !!
نزيم : هو راجلها
رحاب : 😮 كيفاه قدرت تعمل هكا كانت تقول بلي تحبك
نزيم : هي حبت تنتقم و راجلها حب يجيب الصوارد باه يكبر الشركة تاعوا و هكا تفاهموا على كلش
رحاب : صحا نزيم أسمعني ... وش راح تقول لمتابعينك على البث تاع غدوة
نزيم : اااا عاادي راح نقول بلي أنتي مريضة
رحاب : نزيييم
نزيم : يا روحي
رحاب : توحشتك 😭
نزيم : ششش شش ماتبكيش ما تخلينيش نجي لعندك درك
رحاب : إيه أرواح 😔
نزيم : أوووف تعرفي ما نقدرش نكسر كلامهم
رحاب : 😢 أوكي معليش
نزيم : وش راح ديري
رحاب : سخانة راح ندوش و نرقد
نزيم : أوكي كان تفتحي باب البالكون أحسن
رحاب : صح فكرة ... ماتنساش خليني نشوفك
نزيم : 😁 أوكي
أنت تقرأ
أريد طفلا (بالهجة الجزائرية)
Humorتبدأ القصة كمزحة بين البطلة (رحاب) 😁 صديقاتها المقربات لتنتهي بها في منزل البطل (نزيم) ❤ و كل ما تعرفه عنه أنه شخص مشهور 😀 و يعلم الجميع أن الحب يتوج بطفل🚼 بعد الزواج إلا أنه في هذه القصة الطفل و الكثير من المواقف 💜 ستصنع الحب بين الطرفين 💑 ممن...
