أريد طفلا (بالهجة الجزائرية)

🚼 الحلقة 22 🚼

جيش القراء عيد إستقلال سعيد 💟💟😁 و ربي يرحم شهداء الوطن و درك خلونا نبدوا 😁😁
.
.
طلع النهار و رحاب كانت راقد فوق نزيم و راسها على صدروا ناضت على صوتوا
نزيم : رحاااب نوضي عليا راني طولت عندي خدمة
رحاب : ممممم
نزيم : تسما ماكش نايضة
وقف و هو هازها و هي من الخلعة لصقة فيه كيما القرد 😂😂 يديها دايرة على رقبتوا و رجليها على كرشوا
رحاب : يرحم باباك ما طيحنيش 😘😘😀
نزيم : 😁😁 أعطيني بوسة
رحاب : 😢😢 لا ما نبوسكش و سيبني
نزيم : خلاص ماتبكيش
هبطها و جا رايح لدوش و هي لحقت و راه
رحاب : السيدات أولا
فتحت باب الدوش و دارت لعند نزيم بساتوا قريب لفمو بالخف خلاتوا مخلوع و قفلت الباب ... دوشت و جات تشوف ما لقتش حتى حاجة نلبسها و حتى منشفة ما كانش ... بقات في الدوش واحد نص ساعة و بعد ستجمعت قوتها و فتحت الباب و خرجت راسها
رحاب : نزيييم
نزيم : وي شبيييك 😂
رحاب : أعطيني منشفة و ماتضحكش عليا 😛
نزيم : أوكي أوكي
عطاها منشفة دورتها على جسمها و خرجت و نزيم بقا يشوف معاها بعد فاق مع روحو و دخل للدوش و خرج لابس شورت ولقاها مزالت بالمنشفة
نزيم : يا طفلة أول مرة تشوفي منشفة 😂
رحاب : 😛😛 سامط كنت نسناك باه تجيبلي قشي من لوطو
نزيم : ايييه صح
هبط جابلها حوايجها دخلت للدوش لبست شورت قصير و تريكو قصير شوي خرجت لقات نزيم بدل قشو و رايح يخدم
نزيم : مممم متأكدة راح تبقاي هكا 😍
رحاب : اااي أنت قلتي نحنا صحاب تسما ما تشوفش فيا هكا
نزيم : 😂😂 كنت نتمسخر برك
رحاب : صح 😁
نزيم راح لعندها و حكمها من خدودها
نزيم : وي ألبسي وش تحبي و ديري وش تحبي mais غير معايا
رحاب : حبس حبس حبس ماتقليش رايح تخدم
نزيم : وي 😀
رحاب (لصقت فيه): اااا ماتروحش و تخليني 😦
نزيم : هيا يزي بلا نديب رايح نخدم مشي رايح نموت
راح يمشي وهي باقية لاصقة فيه باه مايقدرش يمشي 😂😂 وصل لدروج وهي طلعة فوق ظهروا
رحاب : قلت ماتروحش ماتروحش 😩
نزيم (يهدر و يمشي): وأنا قلت رايح نخدم رايح نخدم
رحاب : حرام عليك تجي تلقاني متت من لمساطة حراااااام
نزيم : يزي بلا تمسكين برك
إيمان و أسماء : سيد نزيم آنسة رحاب صباح الخير
رحاب و نزيم : صباح النور 😁
و رجعت رحاب تقنعوا باه مايروحش و هي فوق ظهروا
رحاب : اااا يدي توجع ا يما راح نموت (ماتقولوليش نسيتوا بلي مزالت ما نحات الجبس 😁)
نزيم : ممم صدقتك أصلا غدوة عندك موعد باه تنحي الجبس و درك أهبطي عليا😛
رحاب : شريييير
أسماء و إيمان : 😂😂😂 ااا سيد نزيم لفطور واجد
و راحوا
هبطت و دارت روحها غضبانة و كانت رايحة حتى حكمها من يدها
نزيم : خلاص وش رايك الليلة نخرج أنا و أنت نحوسوا شوي و نقضوا
رحاب : مممم ماشي برنامج شباب mais نقبل
نزيم : 😂 هيا درك تفطري
فطروا و هو راح يخدم أما رحاب قعدت تتفرج حتى لحقت 12 تغدت مع إيمان و أسماء و قعدوا يحكوا و يتعرفوا حتى لحقت 3 تاع لعشية هوما رجعوا يطيبوا على خاطر قريب يروحوا و هي راحت تتفرج حتى رقدت في الصالة ... ناضت وقت حست بيد تمسح على شعرها ... فتحت عينيها لقاتوا نزيم
رحاب : اا شحال راهي الساعة
نزيم : 9 .. أشربي دوا
شرباتوا ..
رحاب : وش تسما ما راحش تخرجني .. كذااب
و غطات وجها بيديها
نزيم : شكون لي قال ما راحش نخرجك ... هيا روحي بدلي
رحاب : لا خلاص مانحبش نخرج 😩
نزيم هزها و طلع بيها للبيت حطها في السرير و جبد لقش
نزيم : هيا تلبسي ولا نلبسك
رحاب : خلاااص روح درك نلبس 😁
لبست و هو ثاني بدل قشوا و خرجوا
رحاب : إيييه لوين راح تديني
نزيم : ممم خلينا نقولوا راح نخطفك 😁
رحاب : يا مااامااا 😂 ..
رحاب كانت راح تركب في لوطو
نزيم : لا لا لا راح نمشو حتى نوصلوا
رحاب : ياااا راح تقتلني والله 😁
كانوا يمشو حتى صونا تيليفونها
كوثر : آلو يا بقرة وينك
رحاب : مممم راني برا 😁
وفاء : أسمع تحلبتي و وليتي تخرجي من غيرنا 😩 خاااينة
كوثر : وي سنخبر الله بكل شيء 😂
رحاب : مممم أنا و ما علاباليش وين رايحة ولا راني جبتكم معايا .. المهم خلونا على إتصال 😁
كانت ماشية ورا نزيم و بعيد عليه شوية حتى شافت نزيم حبس
رحاب : بنات من بعد نحكو
كوثر و وفاء : أوكي باااي 😁
راحت لعندو و كانوا زوج دراري قدامو
..... : أنت وش تعمل هنا في هذا الوقت
نزيم : و أنت وش دخلك
......: اااااي رد بأدب أحسنلك
رحاب : اااي أنت بلاك حاسبوا ولدك باه يحكي معاك بأدب و زيد بلاك حاط طريق تاعك باه ماتخليناش نفوتوا
.
.
.
يتبع 😂😂
جيش القراء في رايكم وش راح يصرا ؟؟ خلو رايكم و ماتنساوش نحبكم كااامل 💗💗💗
Peace 💪💪