أريد طفلا (بالهجة الجزائرية)

🚼 الحلقة 10 🚼

طييييط طييييط 🎶🎶 رجعت مولات لكرونييييك 😂😂 تعلمت ندير الشعر شفتوا المهم لي تحب نديرلها إشهار للكرونيك تروح prv من فضلكم 😇😇 و ماتقراوش و تروحوا خلولي رايكم و أفكاركم !! 😅 و صحا عيدكم جات متأخرة 😂😂 je sais
.
.
رحاب قدمت التقرير هي و فريقها بعد ما عاونهم نزيم و قالهم يكتبوا أنو في علاقة رغم  أنو ماراحش يصرح بيها للصحافة ... المهم الدكتورة عجبها تقريرهم و عطاتهم نقطة عالية .... مزال ربعة أيام على العرس
رحاب خرجت مع صحباتها ....
رحاب : بنات نقلكم حاجة
كوثر : وي أحكي
رحاب : مانحبش نتزوج
وفاء : وعلاه تعاركتي أنتي و نزيم !!
رحاب : لا ماشي نزيم
وفاء : هااا وش 😕
رحاب : ماعلاباليش ... بنات راح نهرب تعاونوني
كوثر : ااااه وش هبلتي لا مستحيل
قطعهم صوت التيليفون
رحاب : آلو
نزيم : رحاب وينك من لبارح و أنا نعيط
رحاب : اااا وي كنت مريضة شوية
نزيم : اااه و درك رتحتي وينك نجي نشوفك
رحاب : 😁 وي راني رتحت و درك راني برا مع صحاباتي 
نزيم : حبيبتي هكا شويا و نكمل الخدمة أرواحي لعندي نخرجوا نفطروا
رحاب : وي معليش
نزيم : نستناك حبيبتي
رحاب : وي عمري باااي 😇
قطعت و دارت لعند صحباتها
رحاب : بنات راكم معايا ولا نهرب وحدي
كوثر : أما وش راح نديروا و وين نروحوا
وفاء : وي فهمينا و رانا معاك
رحاب : درك رايحة لعند نزيم نرجع هنا بعد ساعتين و راح نكون وجدت كلش (رحاب وش هبلتي راح تفسدي القصة يا ربي راح تقتلني 😡)
راحت رحاب لعند نزيم و كانوا متخفيين باه واحد مايعرفهم ... وصلوا للمطعم
رحاب : نزيم إذا ماتحبنيش و عيلتك ضغطت عليك باه تتزوجني مستعدة نحبس العرس
نزيم : رحاب عمري وعلاه تحكي هكا !!
رحاب : على خاطر العرس راح يكون بساكتة و قلت عادي درتي العرس في أقل من شهر و قلت عادي أما نتلقاو هكا و كأن نديروا في حاجة غالطة هكا ياسر
نزيم (حط يدو على يدها): رحاب أنا نحب حياتي الشخصية تكون سر واحد مايعرفها بخلاف عيلتي
رحاب(بعدت يدها من يدو): لا قول إذا الصحافة عرفت راح ينتشر الخبر و يقل عدد لبنات لي يحبوك ماتلقاش كيفاه تفوت الوقت
وقفت و خرجت و هو خرج وراها أما ماقدرش يلحق لعندها شافوه الصحافة و بداو يسألوا ..... هبط سبق صحفي في الإنترنت مكتوب عليه "رجل الأعمال نزيم و حبيبته الجديدة " كانت فيه صورة ليهم و صورة رحاب وحدها .... كانت رحاب قاعدة مع صحباتها يخططوا كيفاه يهربوا حتى شافوا المقال
.
.
.
.
و من بين لي قراو الخبر -هناء- (شكون هناء هذي مانعرفهاش ؟!! ) هذي بنت واحد من الأغنياء في البلاد تحب نزيم أما هو مايعطيهاش وجه ...(و كيفاه تعرفت عليه !!؟)  تعرفت عليه في جلسة تصوير خاصة بشركة نزيم و هو كان يتصور معاها (كيما شفتوا على خاطر هو شباب كاين يااااسر شركات يعيطولوا باه يصور ليهم عروضهم)
المهم هناء حوست على رقم رحاب و عيطت ليها
.
.
.....: رحاب ******
رحاب : وي شكون معايا
......: مممم حابة تعرفي شكون أنا
رحاب : اااا باينلي أنتي فارغة شغل هيا باااي
.....: رحاب ****** نسحقك بعد ساعة تكوني في ********* و إلا نزيم راح يدفع الثمن
رحاب : وش من ثمن وش راكي ..... (وي سبتها😂😂)
......: مممم المهم في يدك ساعة
وقطعت في وجها
كوثر : رحاب شكون هذي صحافية ؟؟
رحاب : لا هذي وحدة فاضية شغل و أنا ثاني فارغة شغل و راح نروح لعندها
وفاء : كيفاه هذي وعلاه رايحة لعندها
حكاتلهم وش قالت ليها ... و راحت وحدها .... وصلت للمكان و هبطت ...
رحاب : وش درك كانت تتمسخر جايبتني لبلاصة فارغة و زيد ما جتش
صونا تيليفونها
رحاب : وي نزيم
نزيم : رحاب أرجعي و خلينا نتفاهموا درت كلشي لمصلحتك
رحاب : نزيم اااه ....
نزيم : رحاب .... رحاب آلو رحاب وين رحتي رحااااب 😨

خرج نزيم يجري من الدار راح لدار رحاب
نزيم : رحااااب ...  رحاااب
فتح ليه سيف الباب
سيف : وش تسحق 😒
نزيم : أنت وش دير هنا
سيف : بففف جاي من داركم باه تسقسيني وش ندير هنا ... نلعب في pubj مع راشد
نزيم : رحاب هنا
سيف : وش تسحق فيها روح قبل ما يخرجلك راشد
نزيم : سيف رحاب كانت تحكي معايا من بعد تقطع الإتصال
سيف : 😨😨 رااااشد ...  رااااشد
راشد : وي وش كااين
حكالهم لحكاية و زيد سمعوا أمها و باباها و عيطوا لرائد و عبدو و كوثر و وفاء باه يحوسوا معاهم على رحاب .... تقسموا كل زوج مع بعضهم .. سيف و نزيم ... راشد وحدوا ... كوثر و عبدو ... وفاء و رائد و شويا صحاب راشد
و من أول ماتحركت لوطو و سيف يسب في نزيم
نزيم : شوف كان راح نكملوا هكا ما راحش نلقاوها خلي مشاكلك معايا من بعد
سيف : أوكي علاجال رحاب برك 😒
فاتوا سوايع و لحقت التسعة تاع الليل و هوما يحوسوا
.
.
.
يتبع 😂😂
والله توحشتكم جيش القراء أعطوني رايكم و لي تحب نعاونها في الكتابة و لا ندعمها راني هنا 💪💪✌
Peace 💪💪