رحاب : ماتخفيش مايصرا والو أنا نربح
جات خالتها لعشية و قعدوا مڨسرين حتى لحق الليل تعشوا و كملوا سهروا شويا و من بعد كل واحد راح لبيتوا لحقت ل 12 تاع الليل ناضت رحاب لبست تيشرت واسع في النوار و سروال نوار هزت تيليفونها و مفاتح لوطو
رحاب : إيه يا ذكية درك كيفاه راح تخرجي .... اااا لقيتها ... لا هكا كون نطيح نموت نورمال ... أوكي نخرج من باب الكوزينة💪😁
هبطت و راحت تتسحب للكوزينة فتحت الباب و خرجت بشوي و رجعت قفلاتوا بلا مفتاح باه تدخل عليه مين تروح
خرجت و كانت لوطو تاعها بعيدة شويا على الفيلا ... لحقت للوطو ركبت و ديمارت ... وصلت و قابلها نزيم دايرين بيه لبنات و هو يطلڨ في حلاوتوا 😂
رحاب : بن عمي من دنيتوا لجهنم ... بلعي يعني أنتي لي راح تدخلي للجنة
كانت الدنيا مخلطة و الناس ياسر وصل رائد و عبدو و لبنات ... و بعدهم دخل واحد الطفل يهبل هبط من لوطو تاعو و طلع فوقها باه يهديهم
الطفل : آي شويا إهتمام هنا اليوم أول سباق راح يكون بين أكثر شخص يربح سباقات نزيم و طفلة أول مرة تتسابق هنا .... رحااب وينها رحاب تجي هنا
رحاب راحت تمشي لعندو
الطفل : أووو كون غير تكون سرعتك كيما جمالك نضمنلك توصلي قبلوا بنص ساعة
رحاب : ونضمنلك حتى ضربتي كيما جمالي إذا راك حاب تروح رحلة بلاش لأي مكان
الطفل : 😏😁 صفقولها طفلة قصيرة و مصيبة و لسانها طويل
نزيم كان متغشش كيفاه هذاك الطفل يحكي معاها هكا (مافهمتش وش دخلوا 😂) ... رحاب رجعت لعند صحابها على خاطر راهم يعلنوا في السباقات تاع الليلة
رحاب : واش رائد ماكش رايح توقف مع خوك 😂
رائد : لالا أنا طرف محايد
وفاء :😂 تهنيتي
كانوا يحكوا حتى راح لعندهم هذاك الطفل
الطفل : إسمك رحاب
رحاب : وي ر...ح...ا...ب
الطفل : 😁 أوكي أنا نادر و سمحيلي لكان قلقتك من قبيل كنت غير نڨسر
رحاب : وي نورمال و لكن أحرز المرة الجاية تڨسر معايا هكا
نادر : أووو قاوية
رائد : خلاص نادر روح
نادر : 😁 أوكي على خاطرك برك
راح و جا الوقت ركبت رحاب في لوطو تاعها و نزيم ثاني راح لعندهم نادر و في يدو ميكروفون على واش راح يكون السباق ليوم
نزبم: هي تعرف على واش راني نتسابق درك
نادر : و أنتي رحاب
رحاب : راه عارف طلبي وش
نادر : أووو جماعة متفاهمين 😂
راح وقف بعيد
الحكم : 1...2...3 ...... Go
إنطلقوا و نزيم كانت فايت رحاب قطعوا أكثر من نصف المسافة و مزال بيناتهم بعد صغير .... قربوا للنهاية و كاين فيراج بعيد شوي ... شافت نزيم نقص
رحاب : رحاب يا إما تموتي بشرف يا إما تعيشي
و زادت في سرعتها للأخير ...نزيم كان يزمر عليها
نزيم : اااااي يا بهيمة نقصي راح تموتي
ماسمعتلوش و دارت في الفيراج نزيم من الخلعة حبس لوطو .... أما رحاب كملت و قدرت تتحكم في لوطو .... نوض نزيم لوطو و لحق باه يفوتها أما وصلت قبلوا
هبطت من لوطوا و صحاباتها كانوا فارحين و يعيطو .... هبط نزيم و راح لعندها حكم يدها و حط مفاتح لوطو عندها
رحاب : مانسحقش لوطو تاعك
نزيم : 😕 وش تسحقي مالا
رحاب : مانحبش نشوف وجهك مرة أخرى برك
نادر : دقيقة دقيقة هذا مخالف لقواعد اللعبة
رحاب : كيفاه
نادر : يعني أنتي قلتي بلي نزيم يعرف طلبك و هو يعتقد أنو لوطو هي طلبك ... يعني مادام قلتي هكا معناه خلتي الإختيار للمنافس
رحاب : وش لالا أنا ماكنتش علابالي
نادر : سمحيلي أنا نخرج من مشاكلكم درك ... إذا سحقيتي أي حاجة راح تلقايني كل ليلة هنا
غمزها و راح
نزيم : زوجتي المستقبلية لوكان تروحي و تخبري عيلتك بلي غدوة راح نجي نخطبك أحسن
رحاب : يعطيك خبطت على راسك ماتجيش و مانيش راح نقلهم والو
و راحت
نزيم(بصوت عالي وهو يضحك): معليش غدوة أنا نقلهم المهم جهزي روحك عن قريب راح نعطيك التحدي تاعك
راحت رحاب حكات شويا مع جماعتها و بعد راحو كل واحد لدارو ... وصلت رحاب و طلعت بشوي كي السراق طاحت في سريرها رقدت ناضت غير على صوت أمها
أمها : يا رحاب بنتي نوضي راهي ل 11
رحاب : ماما خليني راني تعبانة نوضيني كي يجي وقت لغدا
أمها : رحاب نوضي راه كاين ناس جايين يشوفوك
رحاب : ماما أعطيهم التصاور يشوفوهم و خلي نرقد
أمها : تسما ماكش نايضة
رحاب : 💤💤💤
هزت أمها قرعة تاع ماء كانت فوق الطابلة و دفقتها على راسها ... ناضت رحاب تجري
رحاب : بسم الله... بسم الله حلمت بروحي تقول غرقت
أمها : الحمد لله على سلامتك مالا ... نوضي دوشي و ألبسي كاش روب باهية و ديري ماكياج و عيطي لصحاباتك باه يحضروا معاك
رحاب : يالطيف ياربي جنازة شكون قوليلي عمي لطفي مات ... والله حسيت بيه والله
أمها : هيا يزي بلا تهراج راه واحد معريفة باباك جاي يخطب
رحاب : شكون راح يخطب 😟
أمها : راح يخطب مرت خوك لولدوا
رحاب : اااا أوكي ... أصبري mais هذيك مرت خويا متزوجة ولا بطلت
أمها : نوضي ماكانش ندفنك هنا ... رآهم جايين يخطبوك أنتي
رحاب: 😨 أنا يا وخذتي على روحي ضاع شبابك و مستقبلك راحت قرايتك يا رحاب ضاعت أحلامك
.
.
.
المهم la famille ghodoua nkmlou 😁😁 تهلاوا في روحكم و واصلو في دعمكم القوي و زيدونا شوية آبوني جاية غير القصص الشابة 😘😘
نحبكم 💓💓 .... Peace 💪
أنت تقرأ
أريد طفلا (بالهجة الجزائرية)
Humorتبدأ القصة كمزحة بين البطلة (رحاب) 😁 صديقاتها المقربات لتنتهي بها في منزل البطل (نزيم) ❤ و كل ما تعرفه عنه أنه شخص مشهور 😀 و يعلم الجميع أن الحب يتوج بطفل🚼 بعد الزواج إلا أنه في هذه القصة الطفل و الكثير من المواقف 💜 ستصنع الحب بين الطرفين 💑 ممن...
