أريد طفلا (بالهجة الجزائرية)

🚼 الحلقة 17 🚼

جيش القراء راني رجعت هيا أقروا و خلولي رايكم .. المهم نبدوا
.
.
دخلت رحاب لدار كلت و رقدت ناضت في الصباح على صوت هديل
هديل : رحاب نوضي راهي 12 نوضي تغسلي و تتغدي
رحاب : لا ما نحبش نوكل خليني نرقد برك
هديل : أوكي زيدي أرقدي شويا
خرجت هديل من عندها و شافها راشد
راشد : ناضت ؟؟
هديل : لا قالت بلي تاعبة
راشد : ما كانش لازم نحكي معاها هكاك لبارح
هديل : وي .. أما أنا نعرف شكون يخليها تنوض
راشد : إيه صح رانية
هديل : وي 😁
راحت هديل عند بنتها رانية و داتها لعند رحاب
رانية : عمتو نوضي
رحاب : مممم شكون هذا لي ينوض فيا
رانية : أنا رانية
رحاب (ناضت): شكون أنتي ما نعرفكش
رانية : 😭 ما تعرفينيش
رحاب : ششش خلاص يا بكاية 😁 كنت نضحك معاك برك
رانية : صح يعني عرفتيني
رحاب : وي عرفتك
رانية : ما جبتيليش حاجة !!
رحاب : إيه صح جبتلك غمضي عينيك
جبدت ليهاشوكولا من لي جابها رائد و كانت بالليمون
رانية : مممم تهبل .. شكرا 😘
دخلت هديل و جابت الماكلة
هديل : هيا رحاب نوضي أغسلي و أرواحي توكلي
رحاب : أوكي
فاتوا 3 أيام و رحاب ما خرجتش من بيتها باه ما تحكيش مع راشد .. جاتها هديل على العشرة تاع الصباح
هديل : رحاب ما راحش تخرجي من بيتك برك
رحاب : أووف قتلك فشلانة و زيد عندي خدمة في إنستغرام
هديل : وش الخدمة هذي
رحاب : دايرة مسابقة و الرابحين راح يكون عندهم هدايا
هديل :ااا حبسي نشارك حتى أنا 😂😂
رحاب : 😁😁
هديل : إيه عمي محمد راح يقابل صاحبوا و راشد راح للخدمة و خالتي و جوجو راحوا عند وحدة يباركولها يظهرلي
رحاب : تسما ما كان حتى واحد بخلاف أنا و أنتي و رانية
هديل : وي
ناضت رحاب و هبطوا لتحت قعدت في لرض فتحت tv و قعدت تتفرج و معاها هديل أما رانية كانت في الجنينة تلعب بألعابها
تيليفون رحاب يصوني (شرات تيليفون جديد لقديم فسد و شكون عندو نيمرو !! عطاتوا لكوثر و وفاء و سيف )
رحاب : وي سيفوا cv
سيف : وي راني bien و بلاك غدوة نخرج
رحاب : 😁😁 هيا مليح
سيف : وش من مليح و مانزيدش نشوف قمر رحاب : مممم و يعني قمر ليها خطة وش رايك
سيف : 😂😂 وي وي ليها خطة mais غير نتي لي تعرفي تعملي الخطط
رحاب : إيه راح نجي لعندك لعشية 😈😁
سيف : 😁😁 أوكي 👌
سمعت صوت رانيا تبكي
رحاب : سيف هيا من بعد رانيا راهي تبكي
هديل : خلي أنا نروحلها
رحاب : نن درك نروح أنا
خرجت لعندها رحاب
رحاب : رانيا شبيييك يا عمري
رانيا : عمتو هذي لرض ضربتني ( طاحت في لرض تعرفوا الصغار يحبوا يزيدوا عليها😂😂)
رحاب : ياااا ليوم نقتلها لرض لكلبة 😂
رانيا : إيه أضربيها
كانت رحاب يعني تضرب في لرض حتى تفتح الباب شافت وراها و كان محمد
رحاب : هااا جا بابا يضرب معانا لرض هيا أرواح
رانيا : إيه أرواح جدو
.....: 😂😂 خلاص هبلت
رحاب شافت و راها و تلقاه نزيم وقفت عدلت روحها
رحاب : وش دير هنا
محمد : رحاب نزيم ضيفي و أدخلي جيبي قهوة
نزيم : لا ما تعبيش روحك .. عمي محمد نقدروا نروحوا نحكوا برا
محمد : لا نحكوا هنا و لي ما عجبوش الحال يخرج برا
راحوا قعدوا و رحاب دخلت هي و رانيا لدار و خرجوا و هوما مبدلين
محمد : رحااااب وين رايحة
رحاب : خارجة نشم شوية هوا معليش
نزيم : رائد لبرا إذا تحبي يوصلك
رحاب : لا ما نحبش فهمتي
محمد : رحاب أحكي بأدب و ما كانش خرجة حتى تحكي مع نزيم .. رانيا هيا مع جدي نروحوا نتفرجوا
رانيا : عمو لباهي أنا رايحة نتفرج أرواح عندنا لمرة الجاية
رانيا و محمد راحو و رحاب جمعت قوتها و راحت لعندو و قعدت في الكرسي مقابلاتوا
رحاب : إيه أحكي
نزيم بقا يشوف فيها و ما حكاش
رحاب : كولني 😒
نزيم : حبيني 😞
رحاب : لا .. خلاص نقدر نروح
نزيم : نوعدك ما نرجعش لحياتي لقديمة غير أقبلي
رحاب : لا و إذا على الطفل تقدر تشوفوا بعد ما يولد أما ما تديشوا حتى إذا متت
نزيم : ما تحكيش هكا راح تعيشي و تربي ولدنا
رحاب : شكون ولدنا لي راح يتسجل بلقب تاع عيلتي لي راح يعيش بلا عيلة
نزيم : نقولك ماراحش نستسلم حتى نتزوجوا و من بعد تحبي حتى نعيشوا خاوة ماشي غير صحاب
رحاب : و أنا ما راحش نقبل
.
.
خلينا نفوتوا بالوقت رحاب راحت لعند سيف جابت رقم قمر و ولاو صحابات .. و سيف خرج و هذي سمانة الإمتحانات راجعو مليح و عقبوا و كملت السمانة و رحاب ما شفتش نزيم خلاص .. كانت قاعدة في بيتها حتى دخل راشد
راشد : لوقتاه تبقاي تتجنبيني
رحاب : لنهار نموت
راشد : تعذبت بلا بيك صاحبي
رحاب : لا غالط هذيك الصحبة راحت نهار عليتي صوتك و حبيتي تضربني
راشد (راح لعندها و عنقها): أنا خوك يا غبية دايما نحبلك لحاجة لمليحة
رحاب (بدات تبكي): أما عمرك ما عملتي هكا هذا الطفل خلاكم كامل تكرهوني
راشد: شششش تبكيش عمري لا نكره أختي لعزيزة
رحاب(شافت فيه): صح
راشد : ممم صح
بقات معنقاتوا حتى سمعوا صوت الباب يدق بالقاوي و حس في الدار هبطوا يشوفوا وش كاين
.
.
.
يتبع 😂😂
جيش القراء هيا خدموا مخكم وش رايكم وش راح يصرا كنت راح نكملها أما التيليفون راح يطفى 😂 غدوة نكملوا ماتنسوش نحبكم 💟💟
Peace 💪💪