أريد طفلا (بالهجة الجزائرية)

🚼 الحلقة 14 🚼

جيش القراء بالنسبة لموعد التنزيل راح يكون يومين تنزيل يوم راحة و الوقت مزال ماتفهمتش مع روحي 😂😂 تسما إذا عندكم وقت حابين نزل فيه قولولي المهم نبدوا 😅
.
.
آخر حاجة كانت رحاب توحمت على les crépes
وفاء : أنا نروح نشريلك 😁
كوثر : إيه و زيدي جيبيلنا قهوة
وفاء : واش شكون فيكم تتوحم .. كاش ما دارلك عبدو 😂
رحاب : على هكا أنا مع القهوة و les crépes زيديلي jus
وفاء : اااي رحاب أنا خالة الطفل مانيش باباه تقعدي تتوحمي عليا 
رحاب : 😞😢 خسارة عليك خلاص ماتجيبيلي والو
وفاء : يااا على البكاية كنت نتمسخر برك ☺
كوثر : 😁 وش رحاب من وقتاه تبكي هكا
رحاب : بنات أنا ............................ (حكات ليهم وعلاه تبكي و أنتم كي نقعدو وحدنا نقول ليكم 😂😂)
كوثر : تحكي صح و وعلاه هذا ..😕
وفاء : 😶 لا لا نورمال ما ديريش في بالك ما راح يصرالك والو
رحاب : هيا خلاص تأثرنا ياسر النكد هذا لازم نكدوا على نزيم 😅
كوثر : 😁 صحيتي حبيبتي ماتخافيش كيما قالت وفاء ما راح يصرالك والو .. إيه عبدو قال ليوم يجي لعندك
وفاء : اووو شفتي كيفاه نسيبنا فيه لخيير
رحاب : 😂😂 وي وي قولي ليه يجيبلنا شويا محاجب و يجي مع لغدا
وفاء : هيا أنا نروح نشري
خرجت وفاء من بيت رحاب و فاتت لعند سيف لي كانت قاعدة معاه قمر و هو لاعبها مريض باه ما تخليشوا
وفاء : زوووين وش صفا شويا
سيف : شوف شكون جا حمار شكون مااات 😂
وفاء : عييب عليك والله قلت باينة خويا الزين ما فطرش نفوت نسقسيه إذا نجيبلوا معانا لفطور
سيف : ممم فطور و بلاش ... من لخر وش من مصيبة درتي
وفاء : يااا خطيني أنا 😂
سيف : خلاص جيبيلي وش تحبي
وفاء : أوكي لعزيز 😁😘💟
خرجت من بيت سيف و وصلت لباب المستشفى خارجة و رائد كان واقف قدام الباب
رائد : وفاء صباح الخير
وفاء : صباح النور و باي 👋
جات رايحة حتى حست بيه حكمها من يدها .. دارت لعندو
وفاء : وش تسحق
رائد : وعلاه تبدلتي هكا
وفاء : بلاك شايفني لبسة باه نتبدل
رائد : وفاااء
وفاء : رااائد شفتي حتى أنا نعرف نعلي صوتي درك خليني نروح
رائد : ما راحش نخليك حتى تفهميني وعلاه فجأة بعدتي عليا .. ياك كنا صحاب
وفاء : كنا أما درك خلاص
رائد : لا ما تقدريش تخليني
وفاء : خليتك و خلاص
رائد : قرب منها لدرجة كبيرة
وفاء : بعد عليا واش عيلة المنحرفين هذي
رائد : ما تخافيش ماراحش نقربلك غير في لحلال
وفاء : راك تحلم خوك إغتصب أختي
رائد : أما أنا ما عملت والو حتى عمري ما حبيت طفلة
وفاء : و أنا وش دخلني 😒
رائد (بصوت عالي): أنا نحبك
وفاء : ششش ششش هبلتي فضحتينا
رائد : وش راح تعترفي
وفاء : بواش نعترف
رائد : وفاء تحبيني !!
وفاء : رائد تعرف دارنا و لا نبعثلك الموقع
رائد : وش تقصدي
وفاء : نحبك أما ماننساش خوك وش عمل لرحاب على هذيك إذا تحبني نبعثلك موقع دارنا
رائد : أوكي أبعثي .. وبما أنك راح تولي خطيبتي ما عندك وين رايحة وحدك
وفاء : 😕😕 واااش
رائد (حط يدو في يدها): إيه وين كنتي رايحة
وفاء(حشمت): كن .. كن كنت رايحة نشري les crépes و القهوة و jus
رائد : 😁😁 واش أنتي لحشامة في صحباتك
راحو يشروا و رائد ما حبش ينحي يدو من يدها ... رجعوا و وصلوا لباب المستشفى و هي شافت طونوبيل تاع أب رحاب
وفاء : اااي بعد يدك من يدي
رائد : وعلاه وش كاين
وفاء : كان يشوفني عمي محمد
رائد : بابات رحاب !!
وفاء : وي أنا و كوثر و رحاب تربينا مع بعض و حتى سيف و عيلاتنا قراب لبعضهم يااااسر 😁... و درك نحي يدك
طلعت وفاء و دخلت لقاتهم كامل مجمولين غير نسا أم رحاب  أم وفاء و أم كوثر و أم سيف و هديل (أم نزيم ماجتش على خاطر مزال ماشي مخالطين بعضهم يااسر)

وفاء : إيييه ما قلتوش جايين ولا رانا جبنالكم معانا الماكلة 😁
أم رحاب : لالا بنتي يكثر خيركم نحنا فطرنا في الكفيتيريا تاع المستشفى
رحاب : خييير منها كل 😂 ... هيا جيبي نوكلوا
حطو الماكلة كلاو و ذوقوا معاهم لباقي و بعد ناضت وفاء
وفاء : أنا ندي فطور سيف
أم رحاب : بلا ما تعبي روحك كنا رايحين لعندو درك ... هاتي نديولوا لفطور معانا
خرجوا أمهاتهم و هديل راحت لدار لعند بنتها و زيد باه تنظم الدنيا ليوم جميلة تروح ... كانوا لبنات قاعدين لوحدهم و وفاء حكاتلهم على رائد
رحاب : رائد ناس ملاح
وفاء : أنتي تقولي هكا
كوثر : إيه صحا ماشي كيما نزيم
رحاب : وي هذاك البلوة يتبع لبنات و السهرااات ياسر أما رائد كامل يحكوا عليه خطيه لبنات و السهرات
وفاء : إيييه أخطينا منهم درك عمي محمد وينو ما شفتوش خلاص
كوثر : إيه صح ماما قالت بلي عمو محمد هو لي جابهم
رحاب : بلاك جابهم و راح
وفاء : نن نن طونوبيل تاعوا برا
نخلوهم يديروا تحليل و تفسير و نروحوا نشوفوا محمد وينوا ... في بيت نزيم في المستشفى قاعد باباه و راشد و محمد و عبدو و أب عبدو و رائد
علي (بابات نزيم) : صح ولدي عمل حاجة ماشي مليحة أصلا هو عقلوا صغير و مزال ما يعرفش يتصرف
راشد : وعلاه هو حيوان ولا بلا عقل باه مايعرفش يتصرف 😒
محمد : راااشد أسكت
راشد : سكتت 😒
محمد : إيه كمل خويا علي 
علي : أما طفل ولدي يحب بنتكم و هو قرر يتغير علاجالها ... نتمنا تسامحوه و نبداو صفحة جديدة
محمد : والله وش راح نقلك عملتوا كبيرة أنا ما نستعرش ببنتي لأنها ما عملت والو و حتى ولدها ما عندو حتى ذنب .. إذا هي قبلت تتزوجوا اللهم بارك إذا ما قبلتش تقعد في دارها معززة و مكرمة
أب عبدو : إيه كلامك موزون خويا محمد أما الطفل واش ذنبوا يتربى من دون أب
محمد : والله أنا نوثق في قرار بنتي و إذا على لولاد (على نزيم و راشد) راح نخلوهم يحلوا مشاكلهم و يبدوا صفحة جديدة راهم كبار
علي : إيه صح
خرجوا الرجال لكبار و خلوا هذوكم يحلوا مشاكلهم و يحكوا .. راحوا لعند رحاب
.
.
.
يتبع 😂😂
جيش القراء وش رايكم تقبل ولا ترفض و أعطوني موعد التنزيل لي يناسبكم و ماتنساوش نحبكم و نبقى نحبكم 😁😘😘😘💟💟💟
Peace 💪💪