آخر حاجة كانت أنو رحاب تغاشات و داوها الممرضين لغرفتها
نزيم (بصوت عالي): رااائد رااااائد
رائد : وي شبيها رحاب وش صرالها
نزيم : ماعلاباليش ... أرواح عاوني نروح لعندها
رائد : لا لا أنت أبقى هنا و أنا نروح نشوفها
نزيم بدا ينحي لخيوط من يديه و وقف .. وقت شافوا رائد راح ليه و سندوا حتى وصلوا لعند رحاب ... دخلوا
نزيم : شبيها وش عندها
الطبيب : لا هذا غير من قلة الأكل و الحمل
نزيم : يعني ما تفكرت والو ☺
الطبيب : اااا واش تقصد
رائد : ما يقصد والو
هديل : لا ما تفكرت والو 😒
خرج الطبيب و رائد خرج وراه راح يشري أكل لرحاب
نزيم (لهديل): أختي معليش تخرجي شويا
خرجت هديل و نزيم كان يحكي مع رحاب وهي راقدة
نزيم(حاكم يدها و مهبط راسو يشوف مع لرض): رحاب ماعملتش هكا بالعاني صدقيني كنتي آخر فرصة باه نتحسن كنتي أول وحدة نعمل على خاطرها كلشي ... حبيتك و من أول مرة عيييت و أنا نتعذب وقتاه تتفكري وش راح تكون ردة فعلك وقت تتفكري بلي أنا إغتصبتك 😞 ...
كان يحكي حتى حسها نحات يدها من يدو و شافت فيه بخلعة
رحاب : نزيييم وش عملتيلي اااه احكي وش عملتي😭
نزيم : رحاب الا أنا ما عملت والو
رحاب دارت يدها في راسها لي كان يوجع ياااسر ... بدات تتفكر تفكرت كلشي صرا نهار إغتصبها و كل الذكريات لي كان هو موجود فيهم
رحاب : يا رخيييس وش عملتلك باه دمرني هكا و عيلتي و علاه خبيتوا كامل وعلاه خلوني نقبل بهذا لعرس
نزيم (حكم يدها و زيرها): قبلوا على خاطر عرفوا بلي نحبك مرة وحدة من نظرة وحدة من أول حرف نطقتيه ذوبتيني و إذا تفكرتي كلشي أنتي لي طلبتي طفل و زيد أنا حبيت نخطبك و أنتي رفضتي
و هنا دخلت هديل على حسهم
هديل : وش كاين
رحاب : هديل أنا نقول عليك أختي هذا لكلب إغتصبني وعلاه ماقلتيليش
هديل : أنتي تفكرتي 😔
رحاب : يا ربي وش راح ندير يا ربي دمرني
نزيم : راح تتزوجيني ما عندك حتى حل و لعرس راح يبقى في نفس الموعد
رحاب : من المستحيل
هديل هزت تيليفونها و عيطت لراشد قالتلو يجي و قطعت
نزيم : شوفي رحاب أنا و أنتي و ولدنا راح نعيشوا في دار وحدة قبلتي ولا رفضتي
رحاب : وااش راك متوقع نخليك ترجع تقربلي و نجيبوا ولاد ... مستحيل
نزيم (قرب لعندها): أنتي حامل أصلا
رحاب : لا لا مستحيل ماكانش أسوء من هكا
هديل حكمت نزيم و خرجاتوا برا
هديل : راك حاب تقتلها إذا راك حاب أرجع لعندها و كمل أحكي كيما كنتي تحكي
نزيم : ما نقدرش نشوفها تبعد عليا مانقدرش
رائد كان رايح لغرفة رحاب و شافهم واقفين عند الباب راح لعندهم
رامي : نزيم وش كاين وعلاه واقفين هنا
هديل : خوك راه حاب يقتل الطفلة و ما لقاش حل
نزيم : خلااااص قتلك ماشي بلعاني أصلا كان لازم تعرف كلشي
رائد : كيفاه رحاب تفكرت كلشي
نزيم : وي
وصل راشد و راح لعندهم و لقاهم صواتهم عاليا
راشد : ااااي أنت معليش نعرف وعلاه تعلي في صوتك على مرتي
هديل : راشد خلاص ما علاش صوتوا أنا لي عليت
نزيم : إيه يا سي راشد و درك وش راح تعمل كي عليت صوتي راح تقولي ما نزوجكش رحاب
راشد : يحرزلك أختي غير كمارتك تقدر تخليها ترجعلها ذاكرتها ولا والله راني قتلتك
نزيم : ااا أوكي تقدر تقتلني مالا
رائد : خلاص خويا راشد أمسحها فيا ما تتعاركوش درك
و راح يجر في نزيم لي كان يمشي على رجلوا بسيييف ... وصلوا لبيتوا و قعد يهدي فيه
وخلينا نرجعوا لعند رحاب لي كانت معنقة خوها و تبكي
رحاب : نكرهوا ... نكرهوا
راشد : شششش خلاص ما راحش نخليك تتزوجيه
رحاب : وينها جميلة (جداتها) لدرك ماروحت
هديل : أنتي أخرجي من هنا و نحنا نعيطولها تروح
رحاب : 😭 و هذا الطفل وش ذنبوا كامل راح تكرهوه
راشد : لا هذا ولدي أنا ماشي ولدك
رحاب : لا هذا ولد نزيم ... عرفت شكون نزيم هو نزيم ****** هو لي كل يوم ساكر و مروح من البار مع طفلة ولدي ولد مغتصب
راشد : رحاب ما تبكيش إذا تحبي نقتلوا درك عااادي المهم ما نشوفش دموعك
رحاب : عيطولي على وفاء و كوثر 😢
خرجت هديل عيطت عليهم و قالو بلي راح يجو
كانت تقريبا الستة و نص و قت وصلوا و دخلوا لعندها خرجوا هديل و راشد و قعدوا لوحدهم
وفاء : رحاب أختي وش صرالك ما كنتيش هكا قبل
رحاب : إذا إغتصبك واحد و بعد فقدتي الذاكرة و حبيتيه وش تكون ردة فعلك وقت ترجعلك الذاكرة
كوثر : أنا كنت راح نكرهوا لدرجة كبيرة
وفاء : أما ماشي واحد كيما نزيم لي يتكره
كوثر : وي نزيم يحبك و عمل هكا باه تكوني معاه و زيد هو يهبل
رحاب : و زيديلها نفذ وعدوا و عطاني التحدي لي طلبتوا و أنا مانيش مركزة
وفاء : اااه يا ربي ما تقوليليش راكي حامل
رحاب : وي
كوثر : يااااي راح يولي عندي ولد أختي
رحاب : ولد أختك هذا يا إما يموت قبل ما يولد ولا يموت أول ما يولد و لا يفوت حياتوا كاملة يموت كل يوم
وفاء : و وعلاه هذا كامل
رحاب : هبلتوا أنتم وش تتوقعوا من هذا المجتمع يقول ليه لا هذي غلطة باباك برك ما عندك حتى دخل 😢 هو راح يتحاسب على كلشي
وفاء : و شكون راح يعرف هذي لحكاية أنتي راح تتزوجي نزيم و بعد مدة ديروا سبق صحفي تزوجتوا و أنتي حامل بعد مدة يولد ولدكم و تكملوا حياتكم
رحاب : مانقدرش نعيش معاه كرهت حتى ريحتوا
كوثر : هذاك وحااام برك ☺
وفاء : إيه صح و على ذكر لوحام لازمك تعذبيه كيما عذبك و تطلبي حتى حاجات تكرهيهم و هكا مع لوقت إذا كنتي حبيتيه من قبل راح ترجعي تحبيه
رحاب : يعني صح هذا كامل راح نقدر نديروا ... ما عرفتش بلا بيكم كيفاه كانت حياتي راح تكون
وفاء : كانت راح تكون أحسن نحنا سباب هذا كامل 😢
كوثر : وي صح سامحينا
عنقوا بعضاهم وقعدوا يبكوا حتى
رحاب : بنات شميتوا الريحة
لبنات : لاااا ما كان حتى ريحة
رحاب : يااا هذي ريحة كرااب
وفاء : يا عيني على ولد أختي لي يشرط من أول شهر 😂😂
ضحكوا كامل
.
.
.
يتبع 😂😂
جيش القراء وش رايكم و وش راح يصرا في المستقبل ثاني كاين وحدة قدرة تعرف وش راح يصرا في الحلقة تاع اليوم حبيت نقلها براااافو 😁👏👏👏WissamYoki
نحبكم كااامل
Peace 💪💪
أنت تقرأ
أريد طفلا (بالهجة الجزائرية)
Humorتبدأ القصة كمزحة بين البطلة (رحاب) 😁 صديقاتها المقربات لتنتهي بها في منزل البطل (نزيم) ❤ و كل ما تعرفه عنه أنه شخص مشهور 😀 و يعلم الجميع أن الحب يتوج بطفل🚼 بعد الزواج إلا أنه في هذه القصة الطفل و الكثير من المواقف 💜 ستصنع الحب بين الطرفين 💑 ممن...
