جيش القراء هذي كنت راح نديرها الحلقة الأخيرة و بعد قلت نديرها ما قبل الأخيرة و درك نبدو
.
.
.
دخلت رحاب و معاها رائد لمركز الشرطة شافت نزيم راحت لعندو تجري
رحاب : نزيم وعلاه ماروحتيش .. وعلاه عيطتيلنا !!
نزيم : رحاب ما تخافيش هذا مدير المركز راح يحكي معاك شوية .. و ديري في بالك أي قرار راح تختاريه أنا راح ندعمك فيه
رحاب : ا أوكي 😟
رئيس المركز : مدام رحاب تفضلي نحكوا في المكتب
رحاب (حكمت يد نزيم): هيا معانا
رئيس المركز : لا هو آداة تشويش بالنسبة ليك خليه برا أحسن ☺
رحاب : 😦 ما فهمت والو
نزيم : رحاب ما تخافيش راني هنا
رئيس المركز دخل و كان راح يقفل الباب حتى نزيم ضرب الباب برجلوا
نزيم : خلي ## الباب مفتوح خيرلك 😒
رئيس المركز : سيد نزيم 😃 ما تقلقش ما كاين والو
نزيم : وي
راح قعد هو و خوه يحكيلوا لحكاية و يشوف في رحاب من الطاقة تاع البيرو أما ما سمع والو
رائد : و أنت هبلتي وعلاه قلتي بلي مرتك هي لي دارت هكا
نزيم : و وعلاه نكذب عليهم .. ما يقدروا يعملولها والو
رائد : إيه أما يقدروا يأثروا عليها و يخلوها تقبل العرض
نزيم : لا رحاب ما تعملش هكا
شافها كي وقفت من الكرسي .. وقف و راح للباب تاع البيرو و رائد وراه خرجت رحاب عندو حكماتوا من يدو و راحت تمشي بلا ما تحكي حتى خرجوا من المركز ... دارت لعندو و بقات تشوف فيه
نزيم : رحاب وش قالك .. وش إخترتي 😕 !!
رحاب : قلتي بلي راح تدعمني في إختياري !
نزيم : وي ☺
رحاب : أنا إخترت ... إخترت نخدم معاهم
نزيم : كيفاه 😕
رحاب : كيما سمعتي خيرت الحاجة لي نعرف نديرها
نزيم : أوكي .. أوكي
رائد : رحاب كيفاه تختاري تخدمي معاهم
نزيم : راائد خلاص أسكت .. هذي حياتها نختار لي تحب .. درك وصلها لدار
رائد : نزيم ماقلتيش شكون لي كان ورا هذي لحكاية
نزيم : واحد عندو شركة صغيرة و حاب يكبرها و يربح .. درك روح أنا عندي خدمة
راح يمشي و رحاب بقات تشوف فيه حتى ركب في الطونوبيل و راح
رائد : رحاب .. هيا نوصلك للدار
رحاب : لا راح نروح وحدي 😔
رائد : ماتخافيش ما راحش يتغشش عليك ياسر
رحاب : صح !! 😞
رائد : وي 😃 و درك هيا نوصلك
راحو لدار و رحاب كانت قاعدة مع أم نزيم تحكيلها وش صرا حتى صونا تيليفون
رحاب : آلو هديل .. لباس
هديل : رحاب .. وينك 😢
رحاب : وعلاه وش صرا !!
هديل : والو .. تعاركت مع راشد و خرج من الدار ما علاباليش وينو قلت بلاك جا لعندك
رحاب : لا ماجاش
هديل : رحاب أختي إذا جا عندك عيطيلي
رحاب : وي معليش
كملت معاها و بقات مع أم نزيم حتى جات رؤية
رؤية : خالتي راني خارجة
أم نزيم : بنتي وين رايحة ؟؟
رؤية : ااا خارجة مع صحابي تاع لقراية قبل تلاقيتهم و حددنا موعد راح نتعشوا و نسهروا شوي 😀
أم نزيم : معليش ما طوليش
رؤية : نشالله بااااي 😁😁
فات الوقت و رحاب تستنى نزيم يجي و ما جاش حتى لحقت تقريبا ل 1 تاع الليل
أم نزيم : رحاب هيا بنتي نوضي أرقدي
رحاب : لا ما نقدرش نرقد حتى يروح نزيم
أم نزيم : رحاااب علابالك بلي راكي مريضة و زيد ما كليتيش مليح روحي أرقدي في فراشك قبل ما طيحي ترقدي هنا
رحاب : لا .. أنتي عيانة تقدري تروحي ترقدي ☺
أم نزيم : لا بنتي ما نخليكش وحدك و زيد رؤية ما علاباليش وينها لدرك و خلات ولدها هنا
رحاب : وي معليش
هكا شوي و سمعوا صوت غنا قاوي في جنينة الفيلا
رحاب : وش هذا
أم نزيم : ما علاباليش
ناض رائد و هبط يجري
رائد : وش كاين
رحاب : ماعلاباليش
رائد : نروح نشوف وش كاين
زيد هبط علي
علي : وش هذا الحس وينو نزيم .. روح !!
رحاب : نزيم ما روحش و رائد خرج يشوف الحس
علي خرج يشوف وش كاين و رحاب و أم نزيم خرجوا وراه .. شافوا طونوبيل تاع نزيم واقف قدامها نزيم و راشد و معاهم رؤية .. يضحكوا و يشطحوا و رائد يسل فيهم باه يدخلهم لدار ...
علي(بصوت عالي): رااائد طفي علينا لغنا
رائد : أوكي
رائد طفا لغنا و رجع لعند نزيم حكموا من يدو
نزيم : اااي رائد سيبني خليني نكمل سهرتي .. وين لغنا
علي راح لعندو و رحاب راحت تمشي وراه
علي : وش صرالك وش بيها حالتك هكا و أنت يا راشد كنت نقول عليك كبير و عاقل و أنتي تخلي ولدك هنا و تروحي تسكري و تشطحي
نزيم : بابااا شبيك 😃 ماتقلقش روحك هيا أنسى همك كيما نحنا
علي : كيما يقولوا ذيل الكلب عمروا ما يتعدل
كان راح يضربوا حتى حكمتلوا رحاب يدو
رحاب : بابا علي ما تضربوش 😢
علي : وعلاه ما نضربوش ماتقوليش الكلب هذا غاضك
رحاب بقات ساكتة
رؤية : أووو راشد قلتي هذي الطفلة أختك صح
راشد : اااا لا ... إيه ... لا لا أختي تشبه ليها شوي
رؤية : اااا نسيت هذي مرت نزيم
راشد : لااا أختي هي مرت نزيم
نزيم : رحاااب وعلاه عملتي هكا .. كون قلتي بلي هذا حلمك كنت قادر نحققوا علاجالك 😦
رؤية : إيه هي ما يهمهاش فيك أنا لي نحبك
نزيم : صح 😃
رحاب : نزيم هيا معايا أرقد و غدوة نحكوا 😐
نزيم : بعدي عليا بعدي .. أنا راح نبقى هنا
علي : رحاب بنتي عيطي لداركم يجيو يدو خوك و هذا الكلب خليه يشوف وين يبات
نزيم : يعني تسحتني من الدار و هي تبقى هنا .. ماعلابالكش بلي هي لي وصلتني نشرب 😞
علي : قلت مانزيدش نسحقك في داري
رحاب : بابا علي خليه يدخل أنا راح نروح لدارنا مع راشد
علي : هذي دارك هو يشوف وين يقعد ... ونتي (على رؤية) من غدوة ترجعي منين جيتي
رؤية قربت لعند رحاب و حكمتها من قشها
رؤية : نتي سباب المشاكل كل
و طيحتها في لرض .. رحاب أول ما طاحت غمضت عينيها
.
.
.
يتبع 😂😂😂
جيش القراء رايكم رحاب رقدت ولا داخت !!
نزيم و رحاب يتسامحوا ولا لالا !!
و ماتنساوش نحبكم كاااامل 💝💖💝
Peace 💪
أنت تقرأ
أريد طفلا (بالهجة الجزائرية)
Humorتبدأ القصة كمزحة بين البطلة (رحاب) 😁 صديقاتها المقربات لتنتهي بها في منزل البطل (نزيم) ❤ و كل ما تعرفه عنه أنه شخص مشهور 😀 و يعلم الجميع أن الحب يتوج بطفل🚼 بعد الزواج إلا أنه في هذه القصة الطفل و الكثير من المواقف 💜 ستصنع الحب بين الطرفين 💑 ممن...
