أريد طفلا (بالهجة الجزائرية)

🚼 الحلقة 18 🚼

جيش القراء هذا البارت كان راح يهبط البارح أما رقدت و اليوم تبانلي نبدل فيه شويا وش رايكم نولي نهبط زمان هذا ولا نخليه في الليل!! نبدوا
.
.

أوكي آمس حبسنا عند الحس في الدار .. هبط راشد و رحاب وراه و لقاو 3 رجال
رحاب : بابا وش كاين !!
محمد : رحاب أطلعي لبيتك
.....: لا وعلاه الموضوع يخصها
راشد : شكون أنتم !!
جميلة : وش جابكم لهنا طماعين
.....: اااا لالا هذي ماشي هدرة خسارة عليك جايين ندو حقنا برك 😏
محمد : حقكم القانوني ديتوه .. و درك ما راح تدو والو
.......: خويا لعزيز الطفلة و الأرض حقنا
راشد : وش من طفلة !! 😕
..... : إسمها .. رحاب هكا
محمد : فريد قلت لك حقكم في لورث ديتوه و الطفلة بنتي و أنا حر
.......: اااا لا لا لا ما راحش نخلو ممتلكاتنا لواحد براني بنتك لازم تتزوج واحد من ولادنا
رحاب : بلاك راك شايفني لعبة عندك
......: وقت يهدروا الرجال النسا يسكتوا
رحاب (هبطت الدروج): و راك تشوف في روحك راجل لا (لسانها الطويل 😂)
واحد من الرجال كان راح يضربها حتى حكملوا راشد يدو
راشد : المرة الجاية ما تخممش حتى تهز يدك عليها
جميلة : كلاب ... أخرجوا علينا
.... : خارجين أما لي نحبوا ندوه راح ندوه

خرجوا و محمد طاح في الأرض طلعوه لبيتوا و عيطوا لطبيب
أم رحاب : شبيييه
الطبيب : لا لباس طونسيون شويا عالية ... ما تقلقوهش و خلوه يرتاح
جميلة و هديل : نشالله

راشد راح يوصل الطبيب و هوما دخلوا لعندو حتى رجع راشد و تلمو كامل جنبوا
رحاب : بابا شكون هذو
أم رحاب : رحاااب ماشي وقتها
محمد : لا لازم تعرف كلشي ... هذو 2 خاوتي من الأب و الثالث ولد عمي
راشد : و وش يسحقوا فينا
محمد : أول ما مات جدكم كنا عايشين في الريف و أنا كنت صغير و مزالني نقرا في الجامعة ... جاوني و طلبوا مني نتزوج طفلة باباها عندو الصوارد على خاطر وقتها كانو هوما متزوجين
رحاب : و أنت وعلاه تتزوج وحدة باباها عندو الصوارد ياك جدي خلالكم الورث
محمد : إيه أما هوما كانوا طماعين و أنا رفضت و خرجت أنا و جداتكم و شرينا هذي الفيلا بصوارد جدكم و أنا كملت قرايتي و تعرفت على أمكم و تزوجتها و هذاك الوقت مين سمعوا عيطولي و قالو راح يقسموا الورث و أنا وافقت و قسمنا هوما فسدوا قسمتهم و بقات غير الأرض و أنا ما فسدت والو ... و درك جاوني و حبوا يزوجوا رحاب لواحد من ولادهم باه يضمنوا الأملاك ما يديهاش واحد ماشي من العيلة
راشد : وش راح نديروا درك
محمد : نعرفهم ماراحش يسكتوا و راح يأذونا
رحاب : أما أنا ما نقدرش نتزوج و أنا عندي طفل 😐
محمد : على هذيك أنا كنت مصر تتزوجي نزيم حتى كامل وش دار حتى و أنا ما رتحتلوش أما هو عندو نفوذ و عليه حماية كبيرة و قادر يحميك
رحاب : 😢😢 أنت درتي هكا باه تحميني 😭
محمد : شششش خلاص ما تبكيش
راشد : و كان نزيم عندو نفوذ ... حتى أنا نقدر نحمي أختي و حتى إذا تزوجاتوا راح تتزوجوا غير باه ما ديرلناش مشاكل مع الناس بسباب الطفل
محمد : لا رحاب لازم تتزوج و في أقرب وقت هكا هوما ينسوا فكرة أنها تتزوج واحد من ولادهم و في نفس الوقت تضمن ولدها يعيش مع باباه

رحاب ناضت و خرجت بلا ما تقول والو راحت لبيتها و قفلت الباب كانت قاعدة حتى صونا تيليفونها (جاها ميساج)
رحاب : ماشي وقت ميساجات درك
شافت لقاتوا من نزيم (نزيم نحا الجبس)
الميساج :
أول مرة نفشل في حاجة ☺راني مسافر طيارتي  على 9 تاع الليل ما نعرفش إذا راح نتقابلوا أما رائد راح يوصلي خبارك أنتي و ولدي

رحاب : راهو يتمسخر باينة
هكا شوية و عيط ليها رائد

رائد : آلو .. رحاب أختي نزيم مسافر ربي يعيشك ما تخليهش يروح
رحاب (حست حاجة ضربة في قلبها): وينوا درك
رائد : ما علاباليش قفل التيليفون و خرج
رحاب : خلاص أبعثي الموقع تاع المطار برك
لبست و راحت لعند محمد (مزالوا كامل عندو)
رحاب : أنا قابلة نتزوج نزيم
جميلة : وش كيفاه هذي ... لا ما كانش زواج
راشد : جميلة خليها راهي دارت عقلها في راسها
أم رحاب : رااااشد راك قابل أختك تعيش مع واحد عمل فيها هكا
راشد : وااش أنا حكيت معاه و هو ماشي خايب لهذي الدرجة
رحاب : خلاص ماما راشد حاب يتهنى من الطفل .. خايف من هدرة الناس
جميلة : بنتي ما تحكيش هكا هذي ماشي غلطتك
محمد : رحاب واحد ما راح يضغط عليك إذا خايفة تعيشي معاه خليه يروح
رحاب : لا أنا قابلة قلت
محمد : خلاص لازم يجي يطلبك من عندي
رحاب : هو راح يسافر 😔
جميلة : خليه الله لا يردو
رحاب : 😭😭 لا ما يقدرش يروح وقت مايحب
أم رحاب : رحاب كأنوا كنتي تكرهيه وش تبدل
رحاب : هذا علاجال ولدي
محمد : والله إذا ما كنتش مجبور عمري ما كنت نوافق أنتي تجري وراه
رحاب : مانخافش بابا راح نخلص فيه كلشي
راحت لبيتها ترتاح شوية حتى رقدت ناضت و كانت الساعة 8 تاع الليل هبطت تجري بعد ما بدلت قشها قالتلهم و راحت ...فات الوقت
مزالو عشر دقايق و نزيم قاعد جنب طفلة تخدم في طيارتو الخاصة كانت تحكي و تضحك و هو ثاني (يستناو في قائد الطائرة يوصل ) حتى دخلت رحاب ... شفاتوا من بعيد تقلقت راحت وقفت قدامو هز راسوا و شافها وقف
نزيم : رحاب وش ديري هنا
ضرباتوا بكف (طبعا بيدها لي ماشي مكسرة .. معلومة رائعة 😂😂)
رحاب : هذا على خاطر ما كنتيش راجل و طلعتي ما عندكش كلمة و على خاطر جيت هنا علاجالك نلقاك قاعد و تضحك فرحان

عينيه وساعوا بقا غير يشوف فيها و ماشي مصدق كيفاه ضرباتوا و زادت ضرباتوا على رجلوا لي كانت مكسرة

رحاب : وهذي على خاطر ماكش قد المسؤولية و حاب تجيب طفل
خرجت و هو لحق و راها يحبس فيها و هي والو .. جبدها من يدها حتى ضربت في صدروا .. دارت يدها على راسها
نزيم : يا أكبر مصيبة في حياتي كيما درت ما سلكتش
رحاب : أنا مانيش مضطرة نتحمل مسؤولية ولدك وحدي
نزيم : 😏 ولدي تعجبني هذي الكلمة ... المهم وش تحبي
رحاب : تعطي لقبك لولدك
نزيم : هذي ساهلة تحبي حتى نجيبلوا خوه
رحاب : شوف أنا راح نحاول نتقبل شخصيتك و نحاول نكون صديقتك و نعيشوا مع بعض أما نحي من بالك فكرة أنو تقربلي
نزيم : مممم نخمم 😏
رحاب : خلاص نقدروا نديروا لعرس
نزيم : وي غدوة نعيطلك و نقلك على التاريخ .. و درك هيا نوصلك لدار
داها معاه بسييف عليها
.
.
.
يتبع 😂😂
جيش القراء هيا لازم نجيبوا 60 نجمة هنا نشوفوا إذا أنتم جيش ولا والو 😂 خلولي رايكم و وش راح يصرا يعني و ما تنسوش نحبكم كااامل 💗💟
Peace 💪💪