الطريقة الي تخلي الانسان يلتزم بالصلاه👐🏻👐🏻👐🏻
لان الصلاه حب قبل متكون طاعه اتمنى منكم تقروها وللاخير😍😍😍
تريد تحب صلاتك؟وتلتزم بيها!!
امشي بمبدأ انو صلاتك موشغلة روتينية ومجبور عليها..على فكرة انت راح تكعد مع ربك شوية..
تكعد خمس دقايق..هؤؤاية على الي انطاك كلشي؟؟
استعد للصلاه😍وانت رايح تقابل احد تحبة كلش
روح وانت متلهف..واذا احد سألك وين:كول رايح اكعد وية ربي شوية خلي احساس بداخلك
اول ماترفع ايدك وتكول:الله اكبر..
ابتسم ابتسامة مشتاق😍
كولة وبداخلك صوت
(اجيتك ياحبيبي اوكف بين ايديك)..انسى الدنيا كلها
اقرا الفاتحة بكل راحة واسمع جواب ربك بعد كل اية..
وبالاعتدال من الركوع من تكول-
سمع الله لمن حمده
احمده انت بطريقتك..كول الحمدلله يارب على كل النعم الي انطتنياها*الحمدلله حمدا طيبا مباركا كما ينبغي لجلال وجهك ولعظيم سلطانك*
وهسا وصلت للسجود اذكر انو اقرب مايكون العبد لربه وهو ساجد..
لمن تهمس ببطن الارض ويسمعك الي في السماء...سبح ربك واحجيلة كلشي بقلبك كول يارب اني احبك
(خليك وياي بالمحنة).(يارب اني محتار ساعدني)..احجي وفضفض محد راح يفهم عليك مثل الي خلقك من تحجي مع ربنا ماكو حواجز..
عادي احجي بالعامية ربك راح يفهم عليك شلون متحجي..هو اعلم بحالك منك بس يحب يسمع صوتك...يمكن تتوتر وتخربط بكلامك بس ربك حيسمعك..وعادي ابجي شوية..لان البجي لله عز ولغير الله مذلة وصدكني شكد مجانت مشكلتك جبيرة...بأخر كلامك راح تبتسم وترتاح لانك سلمت امرك لرب العباد🤗
بعد متخلص صلاة..سلم عليه..موالسلام التقليدي
لانك دتسلم على حبيبك❤
تخيل انت كاعد وتكول(راح اشتاقلك يارب شوكت تجي الصلاة مرة الخ حتى اكعد معك لحد الان اكو كلام كثير بكلبي حاب احجي )
صدكني حتروح وانت حاس انو محد مثلك بالدنيا..موتكبر وغرور
لكن راحةوطمأنينة لان جنت كاعد مع ربك..مع حبيبك..
وسلمته امرك وتوكلت عليه وانو مراح تواجه اي مشكلة بيومك مارح تهزلك شعرة...تعرف ليش؟
لان حتروح بالصلاة مرة الخ وتطلب منة يساعدك..
نيالة ويهنيالة اللي عرف معنى التواصل مع رب العالميين..
❤❤والله يرزقنا الثبات والخشوع بالصلاه يارب🤗🤗
#الصلاة_عمود_الدين
#اللهم_عجل_لوليك_الفرج🕊°
أنت تقرأ
فليتنافس المتنافسون ♥🌹🍃
Ngẫu nhiênهل تشعر بالغيرة من أحد؟؟ نعم .... من؟؟ من اولئك الذين عشقوا امام الزمان عليه السلام حقا وصدقا وذابوا في حبه وحصلوا على رضاه ووصاله بصدق تدينهم ورفيع وسموا اخلاقهم .... وهم في اتم الاستعداد لنصرته قولا وفعلا سرا وجهرا......💔 وفي ذلك فليتنافس المت...
