هل تشعر بالغيرة من أحد؟؟
نعم ....
من؟؟
من اولئك الذين عشقوا امام الزمان عليه السلام حقا وصدقا وذابوا في حبه وحصلوا على رضاه ووصاله بصدق تدينهم ورفيع وسموا اخلاقهم ....
وهم في اتم الاستعداد لنصرته قولا وفعلا سرا وجهرا......💔
وفي ذلك فليتنافس المت...
السيد بهاء الموسوي: المهدوي يجب ان يكون مهدوياً في كل شيء حتى في صورته الشخصيّة♥️
قبل ڪُل شي حسابچ يمثل شخصيتچ وذوقج ، بأي موقع من مواقع التواصل يعڪس شخصيتچ واهدافچ ومبادئچ يعني آني من أشوف حساب فد شخص ، مباشرة أحڪم عليه من خلال الصورة المخليها والوصف الڪاتبة هذا طبعنا احنه اي شخص نشوف حسابه ندخل عليه ونظل نگلب بصور البروفايل ونشوف شكاتب ونحكم عليه
للأسف مرات نشوف بعض الاخوات يڪون اسمها او اللقب الي مختارته يدل على حبها لاهل البيت وللامام الحسين او صاحب الزمان عليهم السلام لكن الصورة مالها علاقه بالموضوع..! انتي مو محجبه؟ وتصلين؟ وتعرفين الحجاب والستر؟ وتعرفين السيدة زينب عليها السلام وتنشرين منشورات دينيه؟ ليش صورة حسابچ صورة لفنانه او بنيه كاشفه جزء من جسمها او صوره محجبة لكنها كلها فلاتر ومغريه؟ تعرفين انتي بهاي الصورة اول شي شوهتي شخصيتج وحجابچ ومنشوراتج الحلوة ولقبج المختارته عن اهل البيت. ثانيا اي شخص باوع لصورة الفنانة او البنيه الممستورة وتصفّح بوجهها انتي تشاركينه بالذنب لانج ساهمتي بعرض هاي الصورة؟! آني برأيي الي محجبة وتخلي صورة ممحتشمه تريد توصل رساله انو اني مليت واختنگت من الحجاب واتمنى اكون مثل هاي الصورة،خلي شي يعبّر عنچ ، عن شخصيتچ ، اعتزّي بحجابچ و بثقافتچ ، انتي من اختاريتي الإسلام دين والتشيّع مذهب كوني گد المسؤوليّه واحترمي اللي اختاريتيه .. شفتي فد يوم وحده ممحجبه خلت صورة محترمة ومحجبه بس لأنها عجبتها؟ أكيد لا ، لأنها ثابته على موقفها وتدافع عن رأيها ليش احنه مندافع عن قضيتنا اللي هي حق وأوضح من الشمس؟
